ডিজিটেল সংবাদ,শিলচৰঃ কৰিমগঞ্জত কৰ্মৰত এজন বিএছএফ জোৱানে নিজৰ চাৰ্ভিছ ৰাইফলেৰে গুলি কৰি আত্মহত্যা কৰা ঘটনাই কৰিমগঞ্জত চাঞ্চল্যৰ সৃষ্টি কৰিছে ৷ কৰিমগঞ্জৰ ৰাংগামাটি BSF কেম্পত কৰ্মৰত জোৱান জনৰ নাম খুৰ্শিদ আহমেদ বুলি চিনাক্ত কৰা হৈছে ৷
BSFৰ ১১নং বেটেলিয়ানৰ জোৱান জনৰ ঘৰ হাৰিয়ানাত ৷ কি কাৰনত জোৱানজনে আত্মহননৰ পথ বাছি ললে সেয়া এতিয়াও স্পষ্ট হোৱা নাই ৷ NRCৰ চুড়ান্ত খচৰা প্ৰকাশৰ পূৰ্বে আইন শৃখলা পৰিস্থিতি বজায় ৰখাৰ বাৱে কৰিমগঞ্জত মোতায়ন কৰা হৈছিল বিএছএফৰ এঘাৰ নম্বৰ বেটেলিয়ানটোক |
ইফালে, জোৱান জনৰ মৃত্যুৰ খবৰ পোৱাৰ পিচত বিএছএফৰ শীৰ্ষ বিষয়া , দণ্ডাধীশ আৰু আৰক্ষী উপস্হিত হৈ মৃতদেহ উদ্ধাৰ কৰে ৷ পিচত মৰনোত্তৰ পৰীক্ষাৰ বাবে মৃতদেহ কৰিমগঞ্জ অসামৰিক হস্পিতালয়লৈ প্ৰেৰণ কৰা হয় ৷