ডিজিটেল সংবাদ,কলিয়াবৰ: গৰু সৰবৰাহৰ বিৰুদ্ধে কলিয়াবৰ আৰক্ষীয়ে অভিযান অব্যাহত ৰখাৰ সময়তে দেওবাৰে পুৱা ৩৭ নং ৰাষ্ট্ৰীয় ঘাইপথৰ পৰা জব্দ কৰে গৰুভৰ্তি এখন কণ্টেইনাৰ ট্ৰাক।
অবৈধ গৰু সৰবৰাহকাৰীয়ে উজনি অসমৰ পৰা ট্ৰাকখনত কঢ়িয়াই আনিছিল ৪০টাৰো অধিক গৰু। গোপন খবৰৰ ভিত্তিত কলিয়াবৰ আৰক্ষীয়ে বৰুৱাচুকৰ ৩৭ নং ৰাষ্ট্ৰীয় ঘাইপথৰ দাঁতিত ৰখাই থোৱা অৱস্থাত জব্দ কৰে এ এছ ০১ বি চি ৯৯৪৩ নম্বৰৰ ট্ৰাকখন।
আৰক্ষীৰ অভিযানৰ সময়ত সুযোগ বুজি পলায়ন কৰে ট্ৰাকখনৰ চালক ৷