ডিজিটেল সংবাদ কোকৰাঝাৰঃ কোকৰাঝাৰ উচ্চতৰ মাধ্যমিক আৰু বহুমুখী খেলপথাৰত ৭৬ সংখ্যক স্বাধীনতা দিৱসৰ ৰাষ্ট্ৰীয় পতাকা উত্তোলন কৰে বিটিচিৰ মুখ্য কাৰ্যবাহী প্ৰমোদ বড়োৱে । ৰাষ্ট্ৰীয় পতাকা উত্তোলন কৰি প্ৰমোদ বড়োৱে আজিৰ দিনটোক ঐতিহাসিক বুলি মন্তব্য কৰি স্বাধীনতাৰ বাবে আত্মবলিদান দিয়া ছহিদ সকলক শ্ৰদ্ধাৰে স্মৰণ কৰে ।
ৰাষ্ট্ৰীয় পতাকা উত্তোলন কৰি প্ৰমোদ বড়োৱে নিজ ভাষণত প্ৰধানমন্ত্ৰী নৰেন্দ্ৰ মোডী আৰু মুখ্যমন্ত্ৰী হিমন্ত বিশ্ব শৰ্মাৰ প্ৰতি কৃতজ্ঞতা প্ৰকাশ কৰে । সশস্ত্ৰ সংগঠনসমুহক মূলসূঁতিলৈ ঘূৰি আহিবলৈ আহ্বান জনাই প্ৰমোদ বড়োৱে বিটিআৰৰ উন্নয়নমুলক কাম-কাজৰ বিষয়েও ভাষণত উল্লেখ কৰে ।
উল্লেখ্য যে, ইয়াৰ পূৰ্বে বিটিচিৰ মুখ্য কাৰ্যবাহী প্ৰমোদ বড়োৱে অসম আৰক্ষী , চিআৰপিএফ , গৃহৰক্ষী , অসম পুলিচ বেটেলিয়ন, গৃহৰক্ষী বাহিনী , বিদ্যালয়-মহাবিদ্যালয়ৰ ছাত্ৰ-ছাত্ৰীৰ অভিবাদন গ্ৰহণ কৰে ।