ডিজিটেল সংবাদ ধেমাজিঃ ধেমাজি আৰক্ষী থানাৰ অন্তৰ্গত জীয়াঢল নলামুখত বুধবাৰে পুৱা ৬.৩০ বজাত হালবাই থকা অৱস্থাতে বজ্ৰপাত পৰি দেবেশ্বৰ পেগু(৪৬) নামৰ লোকজনৰ মৃত্যু হয় ৷ এই মৃত্যু ঘটনাই সমগ্ৰ জীয়াঢলৰ অঞ্চলতেই শোকৰ ছাঁ পৰিছে ৷
অতি সহজ ,সৰল দেবেশ্বৰে অঞ্চলটোৰ বিভিন্ন সামাজিক অনুষ্ঠান , প্ৰতিষ্ঠানৰ সৈতে জড়িত থকা লগতে জীয়াঢল আঞ্চলিকৰ এম. এম . কেৰ প্ৰাক্তন সভাপতিও আছিল ৷ মৃত্যু সময়ত তেওঁ পত্নীৰ সৈতে দুটি পুত্ৰ সন্তান আৰু এগৰাকী কন্যা এৰি গৈছে ৷