ডিজিটেল সংবাদ, শিলচৰঃ আগন্তুক কালী পূজা আৰু দেৱালীৰ প্রাক্ষণত ফটকা ফুটুৱাৰ ক্ষেত্রত দেশৰ সৰ্বোচ্ছ ন্যায়ালয়ে কিছুমান নিষেধাজ্ঞা জাৰি কৰিছে । শব্দ প্রদূষণ আৰু বায়ু প্রদূষণৰ প্রতি লক্ষ ৰাখি উচ্ছতম ন্যায়ালয়ে জাৰি কৰিছে এই নিষেধাজ্ঞা ।
কালীপুজা আৰু দেৱালীত এই নিৰ্দেশ কাৰ্যকৰী কৰিবলৈ ইতিমধ্যে কেন্দ্রীয় শাসিত অঞ্চল সহ দেশৰ সকলো ৰাজ্যৰ প্রদুষণ নিয়ন্ত্রণ বৰ্ডলৈ নিৰ্দেশ প্রেৰন কৰিছে উচ্ছতম ন্যায়ালয়ে । ইফালে, উচ্ছতম ন্যায়লয়ৰ নিৰ্দেশ পোৱাৰ পিচত সতৰ্ক হৈছে কাছাৰ জিলা প্রশাসন ।
কালী পূজা আৰু দেৱালীৰ দিনা নিশা দহ বজাৰ পৰা পিছদিনা ৰাতিপুৱা ছয় বজালৈ উচ্চ প্রাবল্যৰ ফটকা ফুটুৱাত নিষেধাজ্ঞা আৰোপ কৰিছে উচ্ছতম ন্যায়ালয়ে । ১৪৫ ডেছিবল প্রাবল্যত্যকৈ বেছি শব্দৰ ফটকা ফুটুৱাত বাধা আৰোপ কৰিছে ন্যায়ালয়ে ।
তদুপৰি, শিশু,বৃদ্ধ আৰু জীৱজন্তুৰ প্রতি লক্ষ ৰাখি ফটকা ফুটুৱাৰ ক্ষেত্রত নিদিৰ্ষ সময়ো বান্ধি দিছে সৰ্বোচ্ছ ন্যায়ালয়ে । ন্যায়ালয়ৰ নিৰ্দেশ মতে নিশা আঠ বজাৰ পৰা দহ বজালৈহে ফটকা ফুটুৱাব পাৰিব । কাছাৰৰ উপায়ুক্ত লায়া মাদ্দুৰীয়ে ন্যায়ালয়ৰ এই নিৰ্দেশ মানি চলিবলৈ কাছাৰবাসীক আবেদন জনাইছে।