ধেমাজি সদৰ দেউৰী স্বায়ত্ত্বশাসিত পৰিষদৰ নিৰ্বাচনৰ ফলাফল ঘোষণা...
ডিজিটেল সংবাদ,ধেমাজিঃ ধেমাজি সদৰ দেউৰী স্বায়ত্ত্বশাসিত পৰিষদৰ বৃহস্পতিবাৰে ঘোষিত হোৱা ফলাফল মতে ৪ টা সমষ্টিৰ ভিতৰত ২টা সমষ্টিতেই জে পি পি দল আন দুটা সমষ্টিত ক্ৰমে নিৰ্দ্দলীয় আৰু বি জে পিয়ে জয়লাভ কৰিবলৈ সক্ষম হয় ৷
ঘোষিত ফলাফল অনুসৰি ১০ নং চিচিবৰগাঁও সমষ্টিত নিৰ্দলীয় প্ৰাৰ্থী দেৱকান্ত দেউৰীয়ে নিকটতম প্ৰতিদ্বন্দ্বী বি জে পিৰ ভৱানী দেউৰীক ১৩৫ টা ভোটৰ ব্যৱধানত পৰাস্ত কৰি বিজয়ী হয় ৷ ১১ নং শ্ৰীপানী সমষ্টিত জে পি পি প্ৰাৰ্থী বীনাপানী দেউৰীয়ে নিকটতম প্ৰতিদ্বন্দ্বী বি জে পি জোনমনি দেউৰীক ১৬২ ভোটত পৰাস্ত কৰে ৷
8১৪ নং গোগামুখ সমষ্টিত বি জে পি প্ৰাৰ্থী ৰাকেশ বৰদেউৰীয়ে নিৰ্দ্দলীয় প্ৰাৰ্থী ধমেন্দ্ৰ দেউৰীক ২৬ টা ভোটৰ ব্যৱধানত পৰাস্ত কৰি বিজয়ী হয় ৷ ১৩ নং বৰদলনি সমষ্টিত জে পি পি প্ৰাৰ্থী জিন্টুচান দেউৰীয়ে নিকটতম প্ৰতিদ্বন্দ্বী অ গ পৰ চিদানন্দ দেউৰীক ৪১টা ভোটৰ ব্যৱধানত পৰাস্ত কৰি বিজয় লাভ কৰে ৷