ডিজিটেল সংবাদ, ৰহাঃ ৰহাৰ চাপৰমুখত অঘটন। ৰে'লৰ পৰা পৰি মৃত্যু এজন যুৱকৰ। যুৱকজনৰ নাম দীপাংকৰ বৰুৱা। নিহত দীপাংকৰৰ ঘৰ ৰহাৰ গড়মাৰিত।
বৃহস্পতিবাৰে পুৱা গুৱাহাটী অভিমুখী শিলঘাট-গুৱাহাটী ডেম' ৰে'লত সংঘটিত হয় এই দুৰ্ঘটনা। জানিব পৰা মতে যুৱকজনে গুৱাহাটীলৈ যাবলৈ ৰহাত শিলঘাট-গুৱাহাটী ডেম' ৰে'লখনত উঠিছিল।
ৰহা-চাপৰমুখৰ মাজত সিং গাঁৱত যুৱকজন চলন্ত ৰে'লখনৰ পৰা পৰি যায়। ফলত থিতাতে মৃত্যু হয় যুৱজনৰ। পিচত চাপৰমুখ ৰে'ল আৰক্ষীয়ে মৃতদেহটো মৰণোত্তৰ পৰীক্ষাৰ ব্যৱস্থা কৰিছে।