ডিজিটেল সংবাদ, বোকাজানঃ কাৰ্বি আংলঙ জিলাৰ ডিলাই আৰক্ষীয়ে কাৰ্বি আংলঙৰ চট'লেঙেৰীত থকা প্ৰৱেশ কৰ গেটৰ সমীপৰ পৰা মৰাণাস্ত্ৰসহ এজন যুৱকক আটক কৰে৷ আটকাধীন যুৱকজন খটখটী থানাৰ অন্তৰ্গত বালিজান খান বস্তিৰ মুঘাকা চুমি বুলি জানিব পৰা গৈছে৷
যুৱকজনৰ পৰা আৰক্ষীয়ে এটা .৩২ পিষ্টল, তিনি জাঁই সজীৱ গুলী আৰু এটা পুতলা পিষ্টল জব্দ কৰে৷ আৰক্ষীৰ সুত্ৰ অনুসৰি, ডিলাই আৰক্ষীয়ে উক্ত অঞ্চলত তহল দি থকাৰ সময়তেই যুৱকজনৰ ওপৰত সন্দেহ ওপজাত তালাচী চলায় আৰু উল্লেখিত মৰণাস্ত্ৰ সমূহ উদ্ধাৰ কৰিবলৈ সক্ষম হয়৷ আৰক্ষীয়ে ৩৩/১৯ নম্বৰত এক গোচৰ পঞ্জীয়ন কৰি সশস্ত্ৰ আইনৰ ২৫/২৮ ধাৰাৰ অধীনত যুৱকজনক ন্যায়িক আদালতলৈ প্ৰেৰণ কৰে৷