ডিজিটেল সংবাদ, অভয়াপুৰীঃ অভয়াপুৰী মহাবিদ্যালয়ৰ ৰাষ্ট্ৰীয় সেৱা যোজনা গোটৰ উদ্যোগত শনিবাৰে "বিশ্ব এইডছ দিৱস" উপলক্ষে এখনি সজাগতা সভাৰ লগতে অভয়াপুৰী চহৰৰ মাজেৰে এক বাইক ৰেলী উলিওৱা হয়৷
এইডছ ৰোগৰ ভয়াৱহতা আৰু সতৰ্কতা সম্পৰ্কে বক্তব্য ৰাখে ৰাষ্ট্ৰীয় সেৱা যোজনাৰ কাৰ্যক্ৰম বিষয়া জয়ন্ত বৰাই৷ এইডছ ৰোগৰ পৰা সাৱধানে থকাৰ বিষয়ে গৌৰৱ ৰাজবংশী আৰু অনুপজ্যোতি দাসে ছাত্ৰ-ছাত্ৰীসকলক অৱগত কৰায়। তাৰপিছতে "ইউনাইটেড বাইকাৰ্ছ গ্ৰুপ অৱ আছাম"ৰ সদস্যসকলৰ সহযোগত এইডছ ৰোগৰ ক্ষেত্ৰত সজাগতা বৃদ্ধিৰ বাবে অভয়াপুৰী চহৰৰ মাজেৰে এক বাইক ৰেলীও উলিওৱা হয়।