ডিজিটেল সংবাদ, অভয়াপুৰীঃ অভয়াপুৰীৰ পিৰাধৰাৰ ঐতিহ্যমণ্ডিত মদন মোহন বিগ্ৰহত বুধবাৰৰ পৰা তিনিদিনীয়া কাৰ্যসূচীৰে মহাপুৰুষ শ্ৰীমন্ত শংকৰদেৱৰ ৫৭০তম জন্মোসৱ পালন কৰা হৈছে৷
ৰাতিপুৱা ধৰ্মধ্বজা উত্তোলন কৰাৰ পিছতে ভাগৱতসহ নগৰ পৰিভ্ৰমণ কৰে৷ ৰাধা-কৃষ্ণ, দশাৱতাৰ তথা বিভিন্ন জাতি-জনগোষ্ঠীৰ বৰ্ণিল সমাৱেশেৰে প্ৰায় ৫০০০ ভক্তই ইয়াত অংশগ্ৰহণ কৰে৷
নিশা ভাগত টোকাৰী গীত পৰিৱেশন কৰিব জনপ্ৰিয় শিল্পী হীৰকজ্যোতি শৰ্মাই৷ বৃহস্পতিবাৰে পুৱাৰ পৰাই অনুষ্ঠিত হ'ব অবিৰত নাম প্ৰসংগ৷ শুকুৰবাৰে সন্ধিয়া সাংস্কৃতিক অনুষ্ঠানেৰে সামৰণি পৰিব জন্মোৎসৱৰ কাৰ্যসূচী৷