ডিজিটেল সংবাদ মৰিগাঁওঃ মৰিগাঁৱত পুনৰ অঘটন । বানপানীয়ে পুনৰ প্ৰাণ ল'লে দুগৰাকী কিশোৰ-কিশোৰীৰ । মৰিগাঁৱত পৃথকে পৃথকে সংঘটিত হৈছে এই ঘটনা । মৰিগাঁৱৰ গেৰুৱাত ৭ বছৰীয়া ৰুণমণি কোঁৱৰ নামৰ কণমানি এগৰাকী সমনীয়াৰ সৈতে গা ধুবলৈ গৈছিল কিন্তু সেই স্থানত পানী ক্ৰমাৎ বৃদ্ধি পাই থকাত পিছলি পৰি মৃত্যুক সাৱতীব লগা হয় । আনহাতে মৰিগাঁও নাৰমাৰীত আহেড আলি নামৰ ১১ বছৰীয়া এটি কিশোৰ ঘৰৰ পিছফালে যাওঁতেই বাঢ়নী পানীত পৰি অকাল মৃত্যুক সাৱটি লয় । দুয়োৰে মৃত্যুত এতিয়া অঞ্চলদুটাত শোকৰ ছাঁ পৰিছে।
