শেহতীয়া খবৰ
COVID-19ত আক্ৰান্ত চিকিৎসক দম্পত্তী...  •  নিশা ১২ বজালৈ COVID-19ত আক্ৰান্ত ১০ লক্ষাধিক লোক, পঢ়ক কোন দেশত কিমান লোকৰ মৃত্যু কোৰোনাত...  •  নিশা ১২ বজালৈ COVID-19ত আক্ৰান্ত ১০ লক্ষাধিক লোক, পঢ়ক কোন দেশত কিমান লোকৰ মৃত্যু কোৰোনাত...  •  COVID-19ত আক্ৰান্ত হৈ মৃত্যু হোৱা লোকৰ সংখ্যা ৫০ হাজাৰলৈ বৃদ্ধি, পঢ়ক সবিশেষ তথ্য...  •  COVID-19ত আক্ৰান্ত হৈ মৃত্যু হোৱা লোকৰ সংখ্যা ৫০ হাজাৰলৈ বৃদ্ধি, পঢ়ক সবিশেষ তথ্য...  •  কোৰোনাত আক্ৰান্ত হৈ স্পেইনতো মৃত্যু হৈছে ১০,০০০ লোকৰ...  •  এগৰাকী আশা কৰ্মীয়ে লিখা এই পত্ৰখন এবাৰ পঢ়ক স্বাস্থ্য মন্ত্ৰী মহোদয়ে...  •  কোৰানাত আক্ৰান্ত জাগীৰোডৰ ৩ ব্যক্তিৰ পৰিয়ালৰ সদস্যক কোৱাৰেন্টাইন হোমলৈ প্ৰেৰণ...  •  কোৰানাত আক্ৰান্ত জাগীৰোডৰ ৩ ব্যক্তিৰ পৰিয়ালৰ সদস্যক কোৱাৰেন্টাইন হোমলৈ প্ৰেৰণ...  •  নিজামুদ্দিনৰ ৰোগীয়ে চিকিৎসালয়ত চলাইছে তাণ্ডৱ, নিৰাপত্তা ব্যৱস্থা কৰিবলৈ আৰক্ষী আয়ুক্তলৈ চৰকাৰৰ পত্ৰ...

১৬ বছৰীয়া ছফালীয়ে আন্তঃৰাষ্ট্ৰীয় টি২০ ক্ৰিকেটত কি অভিলেখ ৰছিলে…

1,121

ডিজিটেল ডেস্কঃ এটা সময় আছিল, যেতিয়া ক্ৰিকেট কেৱল পুৰুষৰ খেল হিচাপেহে চিহ্নিত হৈছিল। কিন্তু সময়ৰ পৰিৱৰ্তনৰ লগে লগে সেই বিচাৰধাৰাৰো সলনি হয় আৰু ক্ৰিজত নামি মহিলাসকলেও পুৰুষৰ সমানেই নিজৰ পাৰদৰ্শিতা প্ৰদৰ্শনত উঠিপৰি লাগে। ১৯৩৪ চনত বিশ্বৰ কেইবাখনো দেশে মহিলাৰ ক্ৰিকেট খেল আদৰি লয়। ১৯৩৪ চনৰ ২৮-৩১ ডিচেম্বৰলৈ নিউজিলেণ্ড আৰু ইংলেণ্ডৰ মাজত প্ৰথমখন মহিলা আন্তৰাষ্ট্ৰীয় টেষ্ট ক্ৰিকেট অনুষ্ঠিত হয় আৰু জয়লাভ কৰে ইংলেণ্ডে। কিন্তু ১৯৬০ চনলৈকে মহিলা ক্ৰিকেট দল আছিল মাত্ৰ ইংলেণ্ড, অষ্ট্ৰেলিয়া আৰু নিউজিলেণ্ডৰ। তাৰ পৰৱৰ্তী সময়ত দক্ষিণ আফ্ৰিকা, ভাৰতকে ধৰি অন্য ৰাষ্ট্ৰসমূহেও মহিলা ক্ৰিকেট টীম গঠনত আগভাগ লয় আৰু আন্তৰাষ্ট্ৰীয় খেলত পুৰুষৰ সমানে মহিলাসকলেও নিজৰ পাৰদৰ্শিতা দেখুৱায়।

১৯৭৩ চনত প্ৰথমবাৰৰ বাবে বিশ্বৰ মহিলা ক্ৰিকেট দলসমূহৰ মাজত অনুষ্ঠিত হয় মহিলা বিশ্বকাপ। কিন্তু ১৯৭৬ চনতহে প্ৰথম ভাৰতত মহিলা ক্ৰিকেট দলৰ জন্ম হয় আৰু ১৯৭৮ চনত প্ৰথম বিশ্বকাপত অংশ লয় ভাৰতীয় মহিলা ক্ৰিকেট দলে। তাৰ পিছত বহু মহিলা খেলুৱৈয়ে ক্ৰিকেটত অভিলেখ ৰচি আহিছে। ভাৰতীয় ক্ৰিকেটাৰ মিতালী ৰাজৰ নামত আছে সৰ্বাধিক ৰান সংগ্ৰহৰ অভিলেখ। সৰ্বাধিক শতক আৰু অৰ্ধশতক অৰ্জন কৰা ক্ৰিকেটাৰ গৰাকীও হৈছে মিতালী ৰাজ। তেওঁৰ নামত আছে মুঠ ৭ শতক আৰু ৫৩টা অৰ্ধশতক কৰাৰ অভিলেখ। সেইদৰে ২০১৭ চনৰ ১৫ মে’ত আয়াৰলেণ্ডৰ বিৰুদ্ধে অনুষ্ঠিত এদিনীয়া আন্তঃৰাষ্ট্ৰীয় ১৬০ বলত ১৮৮ ৰান সংগ্ৰহ কৰি মহিলা ক্ৰিকেটৰ তৃতীয় সৰ্বাধিক ৰান সংগ্ৰহকাৰী খেলুৱৈ হিচাপে পৰিগণিত হয় দিপ্তী শৰ্মাই।

এইবাৰ আন্তৰাষ্ট্ৰীয় ক্ৰিকেটত পুনৰ এক অভিলেখ ৰচিছে আন এগৰাকী ভাৰতীয় মহিলা ক্ৰিকেটাৰে। কেৰিয়াৰ আৰম্ভ কৰাৰ এটা বছৰ সম্পূৰ্ণ নৌহওঁতেই অভিলেখৰ গৰাকী হৈছে ছফালী বাৰ্মা। নিউজিলেণ্ডত অনুষ্ঠিত মহিলা টি২০ আন্তৰাষ্ট্ৰীয় বিশ্বকাপত সৰ্বাধিক ষ্ট্ৰাইক ৰেটেৰে অভিলেখ ৰচনা কৰে চফালী শৰ্মাই। এইগৰাকী ভাৰতীয় মহিলা অপেনাৰৰ বয়স হৈছে মাত্ৰ ১৬ বছৰ।

২০০৪ চনৰ ২৮ জানুৱাৰীত ৰোহতকত জন্ম গ্ৰহণ কৰা ছফালী বাৰ্মাৰ আন্তৰাষ্ট্ৰীয় টি২০ত অভিষেক ঘটিছিল ২৪ ছেপ্তেম্বৰ, ২০১৯ত দক্ষিণ আফ্ৰিকাৰ বিৰুদ্ধে। বৰ্তমানলৈকে তেওঁ ১০ খন আন্তৰাষ্ট্ৰীয় টি২০ খেলাৰ উপৰিও ৮ খন ফাৰ্ষ্ট ক্লাছ, ৭ খন এ শ্ৰেণীৰ আৰু ৩খন টি২০ খেল খেলিছে।  

নিউজিলেণ্ডত অনুষ্ঠিত মহিলা টি২০ বিশ্বকাপ আন্তঃৰাষ্ট্ৰীয়তো ভাৰতীয় দলটোৰ এগৰাকী অন্যতম খেলুৱৈ হৈছে ছফালী বাৰ্মা। কেৰিয়াৰত এতিয়ালৈকে ৪৩৮ ৰান সংগ্ৰহ কৰিছে ছফালীয়ে। এই ক্ৰিকেটাৰগৰাকীয়ে টি২০ আন্তৰাষ্ট্ৰীয়ত ৰান সংগ্ৰহৰ ষ্ট্ৰাইক ৰেটত চেৰ পেলাইছে অষ্ট্ৰেলিয়াৰ এলিছা হেলী আৰু দক্ষিণ আফ্ৰিকাৰ ক্লোয়ে ট্ৰায়নক। সৰ্বাধিক ষ্ট্ৰাইক ৰেটৰ তালিকাত ১৪৭.৯৭ ষ্ট্ৰাইক ৰেটেৰে ছফালী বাৰ্মা শীৰ্ষত থকাৰ বিপৰীতে ১৩৮.৩১ ষ্ট্ৰাইক ৰেটেৰে ৭২২ ৰান সংগ্ৰহ কৰি ক্লোয়ে ট্ৰায়ন দ্বিতীয় আৰু ১২৯.৬৬ ষ্ট্ৰাইক ৰেটেৰে ১৮৭৫ ৰান সংগ্ৰহ কৰি তালিকাৰ তৃতীয় স্থানত আছে এলিছা হেলী।

শেহতীয়াকৈ বৃহস্পতিবাৰে মেলব’ৰ্ণত নিউজিলেণ্ড আৰু ভাৰতৰ মাজত অনুষ্ঠিত মহিলা টি২০ বিশ্বকাপৰ খেলখনত ছফালী বাৰ্মাই ৩৪ বলত ৪৬ সংগ্ৰহ কৰে। তেওঁৰ এই ব্যক্তিগত স্ক’ৰত আছিল ৩টা ছিক্স আৰু ৪টা ফ’ৰ। খেলখনত জয়লাভ কৰে ভাৰতে।

বৃহস্পতিবাৰৰ খেলখনত টছত জিকি প্ৰথমে ফিল্ডিং কৰাৰ সিদ্ধান্ত লৈছিল নিউজিলেণ্ডৰ দলটোৱে। যাৰ ফলত নিৰ্ধাৰিত ২০ অভাৰত ভাৰতে ৮ উইকেট হেৰুৱাই সংগ্ৰহ কৰে ১৩৩ ৰান। ভাৰতীয় দলটোৱে বান্ধি দিয়া লক্ষ্যৰ পিছা কৰি নিউজিলেণ্ড বাহিনীয়ে নিৰ্ধাৰিত অভাৰত মাত্ৰ ১২৯ ৰানহে সংগ্ৰহ কৰিবলৈ সক্ষম হয়।

আপুনি পঢ়ি ভাল পাব পৰা বাতৰি