চকলাঘাটত ১৯ নৱেম্বৰত ৰাস উৎসৱ উদ্‌যাপন

ডিজিটেল সংবাদ,বটদ্ৰৱাঃ নগাঁও জিলাৰ চকলাঘাট ৰাস উৎসৱ উদ্‌যাপন সমিতিৰ উদ্যোগত, চকলাঘাট ইয়ং ষ্টাৰ ক্লাৱৰ ব্যৱস্থাপনাত কেন্দ্ৰীয় ৰাস মহোৎসৱ অনুষ্ঠিত হৈছে।

চকলাঘাট খেল পথাৰত শ্ৰীশ্ৰীকৃষ্ণৰ ৰাস মহোৎসৱ উপলক্ষে অহা ১৯ নৱেম্বৰত যুৱকসকলৰ দ্বাৰা মহাৰাস পৰিবেশন কৰা হ'ব। এই মহাৰাসত জনপ্ৰিয় অভিনেতা, কণ্ঠশিল্পী ৰূপম কাকতি আৰু জনপ্ৰিয় বাঁহীবাদক নৱজিৎ বৰাই অংশ গ্ৰহণ কৰিব।

ছন্দ্ৰাৱলী শিল্পী সমাজৰ দ্বাৰা পৰিচালিত হ'বলগিয়া এই ৰাসত প্ৰথম, দ্বিতীয়, তৃতীয়, চতুৰ্থ আৰু পঞ্চম পুৰস্কাৰ হিচাপে নগদ ধন প্ৰদান কৰা হ'ব। চকলাঘাট ৰাস উৎসৱ উদ্‌যাপন সমিতিৰ উদ্যোগত অনুষ্ঠিত হ'বলগিয়া এই পুৰুষ পৰিবেশিত ৰাস উপভোগ কৰি কৃষ্ণ ভক্তিত বিলীন হ'বলৈ অঞ্চলবাাসী ৰাইজক আমন্ত্ৰণ জনাইছে সদস্য নিলোৎপল বৰাই৷