শেহতীয়া খবৰ
শোণিতপুৰত প্ৰথম পৰ্যায়ৰ পঞ্চায়ত নিৰ্বাচনৰ চূড়ান্ত প্রাৰ্থীৰ তালিকা প্ৰকাশ  •  জাগুনৰ অপহৰণ কাণ্ডৰ দায়িত্ব স্বীকাৰ আলফা স্বাধীনৰ  •  মধ্যপ্ৰদেশত ভয়াৱহ পথ দুৰ্ঘটনা, নিহত শিশুসহ ৯জন  •  নলবাৰী হৰিমন্দিৰত ২৩ নৱেম্বৰৰ পৰা ১৩দিনীয়া ৰাস মহোৎসৱ  •  শ্ৰীশ্ৰী বদলা পদ্মআতা সত্ৰত ৰাসোৎসৱৰ হীৰক জয়ন্তী বৰ্ষ, খোল-তালৰ ধ্বনিত মুখৰিত চৌদিশ  •  মহানগৰীত ৰড চুৰি কৰিবলৈ আহি আৰক্ষীৰ জালত ৪ চোৰ  •  আক্ৰাছুৰ অসম বন্ধক লৈ বাক্সাৰ গুৱাবাৰীত উত্তেজনা  •  এন ই কে এছ চিৰ কোম্পানীৰ নামত ভুৱা ব্যৱসায় কৰি আৰক্ষীৰ জালত চৌকত আলী  •  মানকাচৰত নিৰ্বাচনী বতাহ, দলীয় বিসম্বাদ আৰু দল বাগৰা ৰাজনীতিৰ মাজতে শক্তিশালী নিৰ্দলীয় প্ৰাৰ্থী  •  নগাঁৱত হঠাৎ পোষ্টাৰৰ পৰা হেৰাইছে ৰাজেন গোঁহাইৰ ফটো!

এতিয়া কিয় ভীষণ ব্যস্ত জুবিন গাৰ্গ?

525

ডিজিটেল ডেস্কঃ মিছন চাইনাৰ অভুতপূৰ্ব সফলতাৰ পাছতে অচিৰেই ছবিঘৰলৈ আহিব জুবিন গাৰ্গৰ বহু অপেক্ষিত ছবি ‘কাঞ্চনজংঘা’। ইতিমধ্যেই ৯০ শতাংশ কাম সম্পূৰ্ণ হৈছে ছবিখনৰ।

অহা ১৫-১৬ ছেপ্তেম্বৰৰ ভিতৰতে বাকী থকা কামখিনিও সম্পূৰ্ণ কৰা হ’ব বুলি জানিবলৈ দিয়ে জুবিনে। তেজপুৰৰ ডিপোটা নদীৰ পাৰৰ মনোমোহা স্থানত ছবিখনৰ এটা গীতৰ শ্বুটিঙত ব্যস্ত থকাৰ সময়ত জুবিনে জনায় যে, অহা ১৮ ছেপ্তেম্বৰত ছবিখনৰ তিনিটা গীত মুক্তি দিয়া হ’ব।

খবৰ অনুসৰি ছবিখনৰ মাথোঁ তিনিটা গীতৰ শ্বুটিঙহে বাকী আছে। তেজপুৰৰ ভিন্ন প্ৰান্তৰ গ্ৰাম্য পটভূমিত শ্বুটিং কৰা ছবিখনত ৰূপকোঁৱৰৰ কালজয়ী কবিতা ‘কাঞ্চনজংঘা’ৰ সৰ্ম্পূণ আবৃত্তি কৰা হ’ব। মাঘ বিহুৰ পূৰ্বে মুক্তি পাবলগীয়া ‘কাঞ্চনজংঘা’ৰ পূৰ্বে অহা ৫ অক্টোবৰত ছবিঘৰলৈ আহিব জুবিনৰ আন এখন ছবি ‘আণ্ডাৰৱৰ্ল্ড’।

এই ছবিখনৰ প্ৰচাৰৰ পাছতে কাঞ্চনজংঘাৰ অন্তিম কামখিনিৰ বাবে জুবিন উৰা মাৰিব মুম্বাইলৈ। উল্লেখ্য যে, ‘আণ্ডাৰৱৰ্ল্ড’ ছবিখনত এটি মুখ্য চৰিত্ৰ ৰূপায়ণ কৰিছে প্ৰয়াত বিশিষ্ট অভিনেতা বিজু ফুকনেও। যি কি নহলেও, এতিয়া মাত্ৰ সাজু হওঁক, আহি আছে জুবিনৰ দুখনকৈ ছবি।

আপুনি পঢ়ি ভাল পাব পৰা বাতৰি