শেহতীয়া খবৰ
ঢকুৱাখনাৰ লেচেৰা পথাৰত নৌ দুৰ্ঘটনা, কথমপি প্ৰাণ ৰক্ষা ৬ শিক্ষাৰ্থীৰ...  •  'গাধৰ দৰে কাম কৰিছে APCC য়ে'- সভাপতিৰ ঘোষণাৰ পিছতে বিস্ফোৰণ প্ৰাক্তন মন্ত্ৰী নীলমণিৰ  •  পুত্ৰৰ প্ৰহাৰত প্ৰাণ গ'ল ৯০ বছৰীয়া পিতৃৰ...  •  ধুবুৰী ছোৱালী মহাবিদ্যালয়ৰ অধ্যাপক গোপাল চন্দ্র মালাকাৰক গ্রেপ্তাৰ...  •  সময়মতে মথাউৰি নিৰ্মাণ নকৰাৰ বাবেই ভয়াৱহ ৰূপ ধাৰণ কৰিছে বান পানীয়ে- ৰিপুন বৰা...  •  প্ৰাক্তন মন্ত্ৰী নীলমণি সেন ডেকাক বহিষ্কাৰ...  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...

গোৱালপাৰা আঞ্চলিক বন বিভাগৰ অভিযানঃ ২৪ ঘণ্টাত দুটাকৈ বৃহৎ কাঠফলা কল উচ্ছেদ…

ডিজিটেল সংবাদ গোৱালপাৰা: গোৱালপাৰাত চলি থকা অবৈধ কাঠফলা কলৰ বিৰুদ্ধে গোৱালপাৰা আঞ্চলিক বন বিভাগৰ অভিযান অব্যাহত আছে। বিগত চৌব্বিশ ঘণ্টাত আঞ্চলিক বন বিভাগে দুটাকৈ গোপন স্থানত সফল অভিযান চলাই দুটাকৈ বৃহৎ কাঠফলা কল উচ্ছেদ কৰে। জানিব পৰা মতে, গোৱালপাৰা আঞ্চলিক বন বিষয়া জগন্নাথ আগৰৱালা আৰু ফৰেষ্টাৰ (প্ৰথম)দেবেন বৈশ্যৰ নেতৃত্বত বন কৰ্মী এটি দলে গোপন খবৰৰ ভিত্তিত বৃহস্পতিবাৰে সন্ধিয়া পশ্চিম গোৱালপাৰাৰ খৰমুজাত অভিযান চলাই এটি বৃহৎ কাঠফলা কল উচ্ছেদ কৰি কলসহ বৃহৎ পৰিমাণৰ কুমলীয়া চেগুন আৰু কঁঠাল গছৰ কুণ্ডা জব্দ কৰে।

এই কলটো উচ্ছেদ কৰাৰ কেইঘণ্টামানৰ পিচতে গৰৈমাৰী-উলুপাৰা অঞ্চলত আন এটি বৃহৎ অবৈধ কলৰ খবৰ লাভ কৰে একেটা অভিযানকাৰী দলটোৱে। নিশা হোৱাৰ বাবে অভিযান চলোৱাৰ পৰা বিৰত থাকে যদিও শুক্ৰবাৰে পুৱা‌ পাঁচমান বজাত অভিযানকাৰী দলটোৱে গৰৈমাৰী-উলুপাৰাৰ গোপন স্থানত অভিযান চলাই অবৈধ কাঠফলা কলটো উচ্ছেদ কৰে। অভিযানৰ সময়ত কলটোত ফালিবলৈ অনা বৃহৎ পৰিমাণৰ কুমলীয়া চেগুনৰ কুণ্ডাও জব্দ কৰে।

আঞ্চলিক বন বিষয়াগৰাকীয়ে জানিব দিয়া মতে, বিগত চৌব্বিশ ঘণ্টাত উচ্ছেদ কৰি জব্দ কৰা বৃহৎ আকাৰৰ কল দুটাৰ বজাৰ মূল্য ৩ লাখৰো অধিক। সেইদৰে কল দুটাৰ পৰা জব্দ কৰা মূল্যবান কাঠৰ কুণ্ডাবোৰৰ বজাৰ মূল্য ডেৰ লক্ষাধিক। অভিযানৰ সময়ত কাঠফলা কল দুটাত কোনো লোক নাছিল বুলি বন বিষয়াগৰাকী সদৰি কৰিছে।