শেহতীয়া খবৰ
ডিমা হাছাও স্বায়ত্ত শাসিত পৰিষদৰ নিৰ্বাচনৰ ভোটগণনা, UPDATES  •  মুখ্যমন্ত্ৰীৰ ভাষণত জাতি-মাটি-ভেটি শ্ল'গানৰ পৰা হেৰাল জাতি  •  শ্ৰীশ্ৰী শঙ্কৰদেৱ মহাবিদ্যালয়ত অনুষ্ঠিত হ'ব ৰূপালী জয়ন্তী সমাৰোহ  •  কিমান সুৰক্ষিত ইভিএম? ছাইবাৰ বিশেষজ্ঞৰ দাবী- ২০১৪ত হেক হৈছিল ইভিএম  •  কংগ্ৰেছী বাহিনীৰ হাতত প্ৰহৃত প্ৰাক্তন সৈনিক, বিজেপিৰ প্ৰশ্ন- সাধাৰণ মানুহৰ সুৰক্ষা ক’ত  •  এইবাৰ প্ৰৱাসী ভাৰতীয়ৰ বাবে মোডীৰ তীৰ্থ যাত্ৰা যোজনা  •  সাম্প্ৰদায়িক মন্তব্য দিয়াৰ অভিযোগত হিমন্তৰ বিৰুদ্ধে এজাহাৰ  •  নাগৰিকত্ব সংশোধনী বিধেয়ক বাতিলৰ দাবীত পুৰণিগুদামত জোঁৰ সমদল  •  জম্মু-কাশ্মীৰত সেনা-আৰক্ষীৰে সংঘৰ্ষত নিহত অসমৰ যুৱক  •  নাগৰিকত্ব সংশোধনী বিধেয়কৰ বিৰুদ্ধে মত ৰাষ্ট্ৰীয় পৰ্যায়ৰ ৰাজনৈতিক নেতাৰ

পাপৰ ভয় দেখুৱাই যুৱতীক বলাৎকাৰ মন্দিৰৰ পুৰোহিতৰ

1,869

ডিজিটেল ডেস্কঃ যুৱতীগৰাকী মানসিকভাৱে কিছু বিকাৰগ্ৰস্ত৷ তাৰেই সুযোগ লৈ বেছ কিছুদিনৰ পৰা সংঘটিত হৈ আহিছিল এই ঘটনা৷ কোনেও এই বিষয়ে ঘূণাক্ষৰেও গম পোৱা নাছিল৷ কিন্তু শেহতীয়াকৈ যুৱতীগৰাকীৰ দৈহিক গঠন সলনি হোৱা প্ৰত্যক্ষ কৰে ভনীয়েকে৷ পিছত ঘটনা সন্দৰ্ভত চলে বলে বায়েকৰ পৰা জানিব বিচৰাত ওলাই পৰে জোলোঙাৰ মেকুৰী৷

পশ্চিম বংগৰ বেহেলাৰ এটি মন্দিৰৰ পুৰোহিতে দীৰ্ঘদিন ধৰি মন্দিৰৰ ওচৰৰে এগৰাকী যুৱতীক পাপৰ ভয় দেখুৱাই ধৰ্ষণকাণ্ড সংঘটিত কৰি আহিছিল৷ পিছত এই ঘটনা পোহৰলৈ অহাৰ পিছতে স্থানীয় ৰাইজে ভণ্ড পুৰোহিতজনক ধৰি উত্তম-মাধ্যম শোধায় আৰক্ষীক চমজাই দিয়ে৷ আৰক্ষীয়ে ধৃত পুৰোহিতজনৰ বিৰুদ্ধে ধৰ্ষণৰ এক গোচৰ ৰুজু কৰি তদন্ত আৰম্ভ কৰিছে৷

ঘটনা অনুসৰি, উপেন্দ্ৰ পাঠক নামৰ পুৰোহিতজনে মন্দিৰৰ কাষৰ পুখুৰীত গা ধুবলৈ অহা মানসিকভাৱে কিছু বিকাৰগ্ৰস্ত এগৰাকী যুৱতীক দীৰ্ঘদিন ধৰি ভয় দেখুৱাই আহিছে যে মন্দিৰৰ পুৰোহিতৰ সৈতে শাৰিৰীক সম্পৰ্ক নকৰিলে পাপে চুৱে৷ মন্দিৰৰ পুৰোহিত ইশ্বৰৰ অন্য এক ৰূপ৷ পুৰোহিতৰ সৈতে সম্পৰ্ক স্থাপন কৰিলে সমস্ত পাপ খণ্ডন হয় বুলি প্ৰৰোচিত কৰি যুৱতীগৰাকীক দীৰ্ঘদিনৰ পৰা ধৰ্ষণ কৰি আহিছিল৷ আনহাতে যুৱতীগৰাকীয়ে পুৰোহিতৰ বাক্যক সঁচা বুলি মানি লৈ ভণ্ড পুৰোহিতে কোৱা ধৰণেই সকলোবোৰ কৰি গৈছিল৷ আনহাতে এই কথা আনক ক’লে মহাপাপে চুব বুলি ভয় দেখুৱাই উপেন্দ্ৰ পাঠকে এই কাণ্ডক দীৰ্ঘদিন ধৰি গাপ দি আহিছিল৷

আনহাতে, যুৱতীগৰাকীৰ দৈহিক গঠন দিনে দিনে সলনি হোৱাত সন্দেহ প্ৰকাশ কৰি ভনীয়েকে চাতুৰালিৰে যুৱতীগৰাকীৰ মুখৰ পৰা সমস্ত কতা বাহিৰ কৰে৷ জানিব পৰা মতে, যুৱতীগৰাকী পূৰ্বে বিবাহিত যদিও মানসিক বিকাৰ গ্ৰস্ততাৰ বাবেই স্বামীয়ে তেওঁক এৰি দিয়াত মাতৃগৃহতে আছে৷ বৰ্তমান যুৱতীগৰাকী দুমাহৰ অন্তঃসত্বা বুলিও জানিব পৰা গৈছে৷

আপুনি পঢ়ি ভাল পাব পৰা বাতৰি