শেহতীয়া খবৰ
ৰাজ্যত আকৌ ২১৫জন কোভিড পজিটিভ, সুস্থ হৈছে ২৮৩২জন...  •  কোভিড-১৯ঃ ৰাজ্যত আকৌ দুজনৰ মৃত্যু...  •  বিহাৰ বিধানসভা নিৰ্বাচন...  •  ৩১ অক্টোবৰত চাব আকাশলৈ, দেখা পাব ‘ব্লু মুন’...  •  উত্তৰ প্ৰদেশৰ গো হত্যা আইনৰ অপব্যৱহাৰকলৈ উদ্বেগ প্ৰকাশ এলাহাবাদ উচ্চ ন্যায়ালয়ৰ...  •  হাথৰছ ধৰ্ষণ-হত্যাকাণ্ডঃ মঙলবাৰে উচ্চতম ন্যায়ালয়ে প্ৰদান কৰিব কিছু গুৰুত্বপূৰ্ণ ৰায়দান...  •  হাতে হাতে দা-তৰোৱাল, তিনিচুকীয়াত বজৰং দলৰ সশস্ত্ৰ বাইক ৰেলী...  •  নৱমী পূজাৰ নিশা বৰপেটাৰোডত সাংবাদিক আক্ৰমণৰ ঘটনা...  •  আইপিএলৰ পৰা বাহিৰ হ’ল চেন্নাই...  •  জম্মু-কাশ্মীৰৰ পিপলছ ডেম’ক্ৰেটিক পাৰ্টীৰ মুৰব্বী মেহবুবা মুফতীৰ মন্তব্যক লৈ সৰৱ তিনি নেতাৰ পদত্যাগ...

আচৰিত পত্নী! স্বামীক হত্যা কৰি ঘৰৰ ভিতৰতে পুতি সেই স্থানত নিৰ্মাণ কৰিলে পাকঘৰ…

5,033

ডিজিটেল ডেস্কঃ এগৰাকী পত্নীয়ে স্বামীক ভগৱানৰ জ্ঞান কৰে। স্বামীৰ বাবে সকলো ত্যাগ কৰিব পাৰে এগৰাকী মহিলাই। পিছে এইখন পৃথিৱীতে এনে কিছু ঘটনা সংঘটিত হয়,যি ঘটনাই সৰ্বসাধাৰণৰ চকু কঁপালত তুলিব পাৰে। তেনে এক ঘটনাই সংঘটিত হৈছে মধ্য প্ৰদেশত।

প্ৰায় এমাহ ধৰি এগৰাকী মহিলাৰ স্বামীৰ সন্ধান নাই। ৰাজ্যখনৰ কটমা মহকুমা আৰক্ষী বিষয়াৰ ওচৰত মহিলাগৰাকীয়ে স্বামী সন্ধানহীন হোৱাৰ বাবে এজাহাৰো দিলে। আৰক্ষীয়ে তদন্ত কৰাৰ পিছতহে পোহৰলৈ আহিল প্ৰকৃত ঘটনা। সন্ধানহীন হোৱা নাছিল প্ৰতীমা বানাৱাল নামৰ ৩২ বছৰীয়া মহিলাগৰাকীৰ স্বামীৰ। তেওঁ হত্যা কৰি অধিবক্তা স্বামী মোহিতক পুতি থৈছিল গাঁতত।

মাত্ৰ হত্যা কৰি গাঁতত পুতিয়ে ক্ষান্ত নাছিল মহিলাগৰাকী। স্বামীক পুতি থোৱা স্থানতে তেওঁ নিৰ্মাণ কৰিলে পাকঘৰ। মধ্যপ্ৰদেশৰ অনুপ্পুৰ জিলাত প্ৰায় এমাহ পূৰ্বে এই ঘটনা সংঘটিত হৈছিল। তাৰ পিছতে ঘটনাৰ প্ৰমাণ লুকুৱাৰ বাবে সেই স্থানত পত্নী প্ৰতীমা বানাৱালে পাকঘৰ নিৰ্মাণ কৰিছিল।

মোহিত সন্ধানহীন হোৱাৰ কথা প্ৰতীমা বানাৱালক সুধিছিল মোহিতৰ ভাতৃয়ে। সেই সময়ত তেওঁ ভাতৃৰ সৈতে বিতৰ্কহে কৰে। ইফালে কোনো লোকক ঘৰৰ ভিতৰত সোমাবলৈও নিদিলে প্ৰতীমাই। বাধাস্বত্বেও ঘৰত কিছু লোক সোমাব বিচৰাৰ বাবে বৃহস্পতিবাৰে মহিলাগৰাকীয়ে ঘৰত তলা লগাই কোনো স্থানলৈ গুচি যায়।

মহিলাগৰাকীৰ অনুপস্থিতিত ঘৰৰ তলা ভাঙি সোমাই ভিতৰৰ পৰিৱেশ দেখি একাংশ লোকে আৰক্ষীক অৱগত কৰে। তাৰ পিছতহে পোহৰলৈ আহে এই চাঞ্চল্যকৰ ঘটনাটোৰ। আৰক্ষীয়ে ঘটনাৰ কথা নিশ্চিত হোৱাৰ পিছতে গাঁত খান্দি উলিয়াই আনে লোকজনৰ মৃতদেহ।

আপুনি পঢ়ি ভাল পাব পৰা বাতৰি