ডিজিটেল ডেস্কঃ পশ্চিমবংগত হৈ থকা ধাৰাবাহিক বৰষুণৰ বাবে ৰাজ্যখনৰ বিভিন্ন স্থানত ভূমিস্খলনৰ ঘটনা সংঘটিত হৈছে। ৩১ (এ) নং ৰাষ্ট্ৰীয় ঘাইপথত হোৱা এই ভূমিস্খলনত পথৰ ওপৰতে বাগৰি পৰে গছ-গছনি। ইয়াৰ ফলত এই পথছোৱাৰে যান-বাহন চলাচল পুৱাৰে পৰা ব্যাহত হৈ আছে।
অৱশ্যে কেবাঘণ্টাৰ প্ৰচেষ্টাৰ অন্তত উক্ত পথটোৰে পুনৰ যান-বাহন চলাচল অব্যাহত কৰা হয়। আনহাতে দাৰ্জিলিং জিলাৰ ছেভ'কে নামৰ স্থানতো পথৰ ওপৰত সমীপৰ পাহাৰৰ পৰা শিল আৰু মাটি খহি পৰাত ১০ নং ৰাষ্ট্ৰীয় ঘাইপথটো যান-বাহন চলাচল বন্ধ হৈ পৰে। উক্ত পথটো ক্ষীপ্ৰতাৰে ভূমিস্খলনৰ শিল-মাটি আঁতৰাই যাতায়াতৰ বাবে মুকলি কৰে প্ৰশাসনৰ লোকে।