শেহতীয়া খবৰ
ৰাজ্যত আকৌ ২১৫জন কোভিড পজিটিভ, সুস্থ হৈছে ২৮৩২জন...  •  কোভিড-১৯ঃ ৰাজ্যত আকৌ দুজনৰ মৃত্যু...  •  বিহাৰ বিধানসভা নিৰ্বাচন...  •  ৩১ অক্টোবৰত চাব আকাশলৈ, দেখা পাব ‘ব্লু মুন’...  •  উত্তৰ প্ৰদেশৰ গো হত্যা আইনৰ অপব্যৱহাৰকলৈ উদ্বেগ প্ৰকাশ এলাহাবাদ উচ্চ ন্যায়ালয়ৰ...  •  হাথৰছ ধৰ্ষণ-হত্যাকাণ্ডঃ মঙলবাৰে উচ্চতম ন্যায়ালয়ে প্ৰদান কৰিব কিছু গুৰুত্বপূৰ্ণ ৰায়দান...  •  হাতে হাতে দা-তৰোৱাল, তিনিচুকীয়াত বজৰং দলৰ সশস্ত্ৰ বাইক ৰেলী...  •  নৱমী পূজাৰ নিশা বৰপেটাৰোডত সাংবাদিক আক্ৰমণৰ ঘটনা...  •  আইপিএলৰ পৰা বাহিৰ হ’ল চেন্নাই...  •  জম্মু-কাশ্মীৰৰ পিপলছ ডেম’ক্ৰেটিক পাৰ্টীৰ মুৰব্বী মেহবুবা মুফতীৰ মন্তব্যক লৈ সৰৱ তিনি নেতাৰ পদত্যাগ...

উপেন্দ্ৰনাথ ব্ৰহ্ম স্বৰ্ণকাপ ফুটবল, অন্তিমখন প্ৰি-কোৱাৰ্টাৰত ইডেন এফচিৰ জয়

181

ডিজিটেল সংবাদ, ওদালগুৰিঃ ওদালগুৰি ক্ৰীড়া সন্থাৰ উদ্যোগত ওদালগুৰি ষ্টেডিয়ামত চলি থকা উপেন্দ্ৰ নাথ ব্ৰহ্ম স্বৰ্ণকাপ ফুটবল প্ৰতিযোগিতাখনিৰ শুকুৰবাৰে অন্তিমখন প্ৰি-কোৱাৰ্টাৰ খেল গোসাইগাঁও গ্লোবেল ফুটবল একাডেমী আৰু স্থানীয় ইডেন এফচিৰ মাজত অনুষ্ঠিত হয়। খেলখনত ইডেন এফচিয়ে ৫-২ গলৰ ব্যৱধানত গোসাইগাঁও গ্লোবেল ফুটবল একাডেমীক পৰাস্ত কৰি কোৱাৰ্টাৰ ফাইনেলত প্ৰৱেশ কৰে।

ইডেন এফচিৰ হৈ প্ৰথমাৰ্ধৰ ২৯ মিনিটত নচীৱ চৰেণে প্ৰথমটো গল দি হাফটাইম পৰ্যন্ত দলটোক অগ্ৰগতি প্ৰদান কৰে। ইয়াৰ পৰৱৰ্তী দ্বিতীয়াৰ্ধৰ ৪৮ মিণিটত নচীৱ এফচিয়ে ব্যক্তিগতভাৱে দ্বিতীয়টো গল প্ৰদানেৰে দলটোৰ স্থিতি শক্তিশালী কৰি তোলে। পুনৰ ইডেন এফচিৰ হৈ জিণ্টু দৈমাৰীয়ে ৬২ মিনিটত তৃতীয়টো গল দি খেলখন একপ্ৰকাৰ দলটোৰ আধিপত্যলৈ আনে।

ইয়াৰ প্ৰত্যুত্তৰত ৭৭ মিণিটত গোসাইগাঁও গ্লোৱেল ফুটবল একাডেমীৰ হৈ মুচুখা নাৰ্জাৰীয়ে প্ৰথমটো গল দিয়ে যদিও খেলখনৰ ৮২ মিণিটত নচীৱ চৰেণে আৰু এটা গল দি ইডেন এফচি ৪-১ গলৰ ব্যৱধানত আগবাঢ়ি থাকে। ইয়াৰ প্ৰত্যুত্তৰত গোসাইগাঁও গ্লোৱেল ফুটবল একাডেমীৰ হৈ সৌমদৌন ব্ৰহ্মই দলটোৰ হৈ দ্বিতীয়টো গ’ল দিয়ে যদিও খেলখনৰ অতিৰিক্ত সময়ত ৯১ মিনিটত ইডেন এফচিৰ হৈ গৌমচাৰ দৈমাৰীয়ে অন্তিমটো গল দি গোসাইগাঁও গ্লোৱেল ফুটবল একাডেমীক পৰাস্ত কৰি কোৱাৰ্টাৰ ফাইনেলত প্ৰৱেশ কৰে। শনিবাৰে অনুষ্ঠিত হবলগীয়া প্ৰথমখন কোৱাৰ্টাৰ ফাইনেলত মুখামুখী হ’ব নংগ্ৰীম হিলচ্ এফচি বনাম ইলেভেনষ্টাৰ বঙাইগাওঁ।

আপুনি পঢ়ি ভাল পাব পৰা বাতৰি