শেহতীয়া খবৰ
গণৰাজ্য ‌দিৱসৰ প্ৰাকক্ষণত চৰাইদেউত বিস্ফোৰণ...  •  মঙলবাৰে লক্ষ্ণৌলৈ যাব কেন্দ্ৰীয় গৃহমন্ত্ৰী অমিত শ্বাহ  •  গুজৰাটত বিধ্বংসী অগ্নিকাণ্ড  •  নাগৰিকত্ব সংশোধনী আইনে অসমৰ ভাষা, সংস্কৃতি বিপন্ন কৰিব, অসমত ২০২৬ বৰ্ষত হ’বলগীয়া নিৰ্বাচনত অসমীয়াই অস্তিত্ব হেৰুৱাবঃ অগপ বিধায়ক  •  বৰ্ণিল সাংস্কৃতিক বিনিময় অনুষ্ঠানেৰে সামৰণি পৰিল ভৈৰৱকুণ্ড পৰ্যটন মহোৎসৱ, অসমৰ চহকী কৃষ্টি-সংস্কৃতি দেখি আশ্চৰ্য প্ৰকাশ অষ্ট্ৰেলিয়াৰ পৰ্যটকৰ  •  নগাঁৱৰ জাৰামাৰীত বোৱাৰী হত্যাৰ অভিযোগ, আত্মহত্যাৰ ৰূপ দিয়াৰ চেষ্টা স্বামীৰ, আৰক্ষীৰ জালত স্বামী আনছাৰুল ইছলাম  •  বৰহোলাত জোতাৰ দোকানত পিষ্টলসহ গুলী উদ্ধাৰঃ দুজনক গ্ৰেপ্তাৰ  •  সিদ্ধাৰ্থ ভট্টাচাৰ্যই এডমিশ্বন নিদিলে হিমন্তক বিজেপিত এডমিশ্বনে নিদিয়ে, য’তেই পাৱাৰ থাকে তাতেই থাকে হিমন্তঃ তৰুণ গগৈ  •  অসম গণ পৰিষদৰ জ্যেষ্ঠ নেতা, সমাজকৰ্মী ভূৱন চন্দ্ৰ শইকীয়াৰ মৃত্যু, প্ৰাক্তন মুখ্যমন্ত্ৰী প্ৰফুল্ল কুমাৰ মহন্তকে ধৰি দল-সংগঠনৰ শোক প্ৰকাশ  •  নাৰায়ণপুৰত কা বিৰোধী গণ গৰ্জন কাৰ্যসূচীত জনতাৰ শিল্পী মহেন্দ্ৰ হাজৰিকা, ২১ত জাতিদ্ৰোহী বিজেপিক উৎখাতৰ সংকল্প, VIDEO

নিশ্চিদ্ৰ নিৰাপত্তা বেষ্টনী ভেদি বাগদাদৰ গ্ৰীণ জ’নত পুনৰ ৰকেট আক্ৰমণ…

10,884

ডিজিটেল ডেস্কঃ ইৰান-আমেৰিকাৰ মাজত ক্ৰমাৎ বৃদ্ধি পাইছে যুদ্ধৰ উন্মাদনা। বাগদাদ বিমান বন্দৰত আমেৰিকান সেনাই দ্ৰোণ আক্ৰমণেৰে ইৰানী জেনেৰেল কাছিম চোলেমানীসহ কেইবাজনো লোকক হত্যা কৰাৰ পিছতে যুদ্ধ সদৃশ পৰিৱেশৰ সৃষ্টি হৈছে ইৰান আৰু আমেৰিকাৰ মাজত।

জেনেৰেল কাছিম চোলেমানীৰ হত্যাৰ পিছতে আমেৰিকাৰ বিৰুদ্ধে যুদ্ধৰ ইংগিত দি মছজিদত ৰঙা পতাকা উৰুৱাইছিল ইৰানে। মাৰ্কিন ৰাষ্ট্ৰপতি ডোনাল্ড ট্ৰাম্পে ইৰানক সকিয়নী প্ৰদান কৰি কৈছিল যে যদি ইৰানে কোনো আমেৰিকান নাগৰিক বা সম্পত্তিৰ ক্ষতিসাধন কৰে, তেন্তে তাৰ প্ৰত্যুত্তৰ অতি দ্ৰুত আৰু তীক্ষ্ণভাৱে দিবলৈ বাধ্য হ’ব আমেৰিকাই।

কিন্তু মাৰ্কিন ৰাষ্ট্ৰপতিৰ সকিয়নীৰ পিছতো মঙলবাৰে ইৰাকস্থিত মাৰ্কিন সেনাৰ দুটা বিমানঘাটীত মিছাইল আক্ৰমণ চলায় ইৰানে। এই আক্ৰমণত কমেও ৮০ জন মাৰ্কিন সেনা নিহত হোৱা বুলি দাবী কৰি ইৰানৰ ছুপ্ৰিম লীডাৰ আয়োতল্লাহ আলী খামনেইয়ে এই আক্ৰমণ আমেৰিকাৰ গালত শোধোৱা এক প্ৰচণ্ড চৰ বুলি মন্তব্য কৰে। লগতে এই আক্ৰমণৰ জৰিয়তে আমেৰিকাৰ ওপৰত ইৰানৰ প্ৰতিশোধ পূৰ্ণ হোৱা বুলিও কয় খামনেইয়ে।

মঙলবাৰে আমেৰিকান সেনাৰ ঘাটীত ইৰানে চলোৱা আক্ৰমণৰ পিছত বুধবাৰে নিশাও বাগদাদৰ গ্ৰীণ জ’নত ৰকেট আক্ৰমণ চলে। অৱশ্যে এই আক্ৰমণৰ আঁৰত কোন জড়িত আছে, সেয়া এতিয়াও জানিব পৰা হোৱা নাই। কট্যুছা ৰকেটৰে চলোৱা আক্ৰমণটোত কোনো ধৰণৰ ক্ষয় ক্ষতি হোৱা নাই বুলি নিশ্চিত কৰিছে আমেৰিকাই।

বুধবাৰৰ এই আক্ৰমণ সন্দৰ্ভত টুইটযোগে জানিবলৈ দিয়ে আমেৰিকান সেনাৰ প্ৰবক্তা কৰ্ণেল মায়লছ বি. কেগিংছে। টুইটত তেওঁ লিখিছে, ‘৮ জানুৱাৰীৰ নিশা ১১.৪৫ বজাত বাগদাদস্থিত ইণ্টাৰনেশ্যনেল জ’নত ৰকেট আক্ৰমণ চলোৱা হয়। এই আক্ৰমণত কোনো হতাহত হোৱা নাই।’

প্ৰণিধানযোগ্য যে, বাগদাদস্থিত গ্ৰীণ জ’ন এক হাই চিকিউৰিটি এৰিয়া হিচাপে চিহ্নিত। এই এলেকাত আমেৰিকাৰ লগতে আন কেইবাখনো ৰাষ্ট্ৰৰ দূতাবাস আছে। এক নিশ্চিদ্ৰ নিৰাপত্তা বেষ্টনীয়ে সমগ্ৰ এলেকাটো সুৰক্ষিত কৰি আহিছে। তেনে পৰিস্থিতিত গ্ৰীণ জ’নত কিদৰে ৰকেট আক্ৰমণ সংঘটিত হ’ল আৰু ক’ৰ পৰা এই আক্ৰমণ সংঘটিত কৰা হ’ল তাক লৈ ৰহস্যৰ সৃষ্টি হৈছে।

আপুনি পঢ়ি ভাল পাব পৰা বাতৰি