শেহতীয়া খবৰ
হিজবুলৰে সম্পৰ্কৰ সন্দেহত আটক কৰা ৩ যুৱকক মুকলি হোজাই আৰক্ষীৰ  •  মোবাইল প্ৰেমে চেৰ পেলালে সন্তানপ্ৰেমক!  •  প্ৰয়োজন হ’লে ন্যায়াধীশ দম্পত্তিৰ বিৰুদ্ধেও হ’ব তদন্ত, এপিএছচি কেলেংকাৰীৰ সন্দৰ্ভত কুলধৰ শইকীয়াৰ মন্তব্য  •  ২০ এপ্ৰিলত মই কল্পনা লাজমীক শেষবাৰৰ বাবে লগ পাইছিলোঃ কমল কটকী  •  নগাঁৱৰ জুৰীয়াত পানীত পৰি এটি শিশুৰ মৃত্যু  •  তিনিচুকীয়াত ৪ সন্দেহযুক্ত নাগৰিকক আটক  •  বৰপেটাত হিজবুল মুজাহিদীনৰ সৈতে জড়িত থকাৰ অপৰাধত ৩ যুৱকক আটক  •  নগাঁৱৰ আকৌ বিদ্যুৎ বিভাগৰ অৱহেলা! পানীগাঁও চাৰিআলিত ট্ৰেন্সফৰ্মাৰ বিস্ফোৰণ, চাওঁক VIDEO  •  লংকাৰ গংগা হোটেলত চিপ লোৱা অৱস্থাত যুৱকৰ মৃতদেহ উদ্ধাৰ  •  দিখৌত জপিওৱা মহিলাৰ সন্ধানত এছ ডি আৰ এফৰ উদ্ধাৰ অভিযান

ক্ৰমাৎ কমি আহিছে টিভিৰ আয়ুস

322

ডিজিটেল ডেস্কঃ যেতিয়াৰে পৰা হাতত থকা স্মাৰ্টফোনটোৱে টিভিৰ কামো কৰিবলৈ ল’লে তেতিয়াৰে পৰা ক্ৰমাত হ্ৰাস পাইছে টিভিৰ সমাদৰ। বেছিভাগেই এতিয়া এনেকৈয়ে ভাবে।

ইয়াৰ মাজতে প্ৰকাশ পাইছে এক বিশেষ তথ্য। এই তথ্যত দেখা গৈছে যে গ্ৰামাঞ্চলত এতিয়াও আদৰ কমা নাই টিভিৰ। পৰিসংখ্যা অনুযায়ী বিগত বছৰটোত চহৰ অঞ্চলত ৪ শতাংশ লোকে নতুনকৈ টিভিৰ সংযোগ লোৱাৰ বিপৰীতে গ্ৰামাঞ্চলত নতুন সংযোগ লৈছিল ১০ শতাংশ লোকে।

‘ব্ৰডকাষ্ট অডিয়েন্স ৰিছাৰ্ছ কাউন্সিল ইণ্ডিয়া’ চমুকৈ বাৰ্কৰ এক তথ্য অনুসৰি ভাৰতত মুঠ ৬৬ শতাংশ পৰিয়ালৰ টিভি আছে। টিভি থকা ৰাজ্যৰ একেবাৰে শীৰ্ষত আছে তামিলনাডু, অন্ধ্ৰপ্ৰদেশ, তেলেংগানা, কেৰেলা আৰু কৰ্ণাটক। এই ৰাজ্যকেইখনত ৯০ শতাংশৰো অধিক পৰিয়ালৰ ঘৰত আছে টিভি। ৮০-৯০ শতাংশ পৰিয়ালৰ ঘৰত টিভি আছে দিল্লী আৰু মহাৰাষ্ট্ৰত।

উত্তৰ প্ৰদেশ আৰু উত্তৰাখণ্ডত ৪৫ শতাংশ, উত্তৰ-পূব ভাৰতৰ ৰাজ্যসমূহ, পশ্চিম বংগ, চত্তীছগড়, ওড়িষা, মধ্যপ্ৰদেশ আৰু ৰাজস্হানত ৪৫-৫৯ শতাংশ পৰিয়ালৰ ঘৰত আছে টিভি। এই তালিকাৰ শেষত আছে বিহাৰ আৰু ঝাৰখণ্ড। এই ৰাজ্য দুখনত ৩০ শতাংশ পৰিয়ালৰহে টিভি আছে।

উল্লেখ্য যে, সমগ্ৰ বিশ্বতে যোৱা দুবছৰত টিভি চোৱা লোকৰ সংখ্যা দ্ৰুত গতিত হ্ৰাস পাই আহিছে। ভাৰততো জিঅ’ৰ 4জি সেৱা মুকলিৰ পিছত হ্ৰাস পাইছে টিভি চোৱা লোকৰ সংখ্যা। তালৈ চাই ভৱিষ্যত বিশেষজ্ঞসকলে অনাগত ৫ বছৰৰ ভিতৰত গ্ৰামোফোন, ৰেডিঅ’ৰ দৰেকৈ টিভিও নাইকিয়া হৈ পৰিব বুলি মন্তব্য কৰিছে।

আপুনি পঢ়ি ভাল পাব পৰা বাতৰি