শেহতীয়া খবৰ
জুবিন গাৰ্গলৈ পুৰুষোত্তম দাস বঁটা...  •  সাহসী সেনা বিষয়াক ৰাষ্ট্ৰপতিয়ে প্ৰদান কৰিলে কীৰ্তি চক্ৰ, উত্তম যুদ্ধ সেৱা মেডেল...  •  মঙলবাৰে সন্ধিয়ালৈকে প্ৰকাশ পাব বিজেপি প্ৰাৰ্থীৰ প্ৰথমখন তালিকা...  •  মঙলবাৰে সন্ধিয়ালৈকে প্ৰকাশ পাব বিজেপি প্ৰাৰ্থীৰ প্ৰথমখন তালিকা...  •  মুখ খুলি নক’লেও বহু অসন্তুষ্টিত আছে কামাখ্যা প্ৰসাদ তাছা!  •  অন্তঃত এদিনৰ বাবে সকাহ…  •  গোৱালপাৰাত ৩দিনীয়া কাৰ্যসূচীৰে ৰাভা ছাত্ৰ সন্থাৰ দ্বাদশ দ্বি-বাৰ্ষিক অধিবেশন, VIDEO  •  যমদুৱাৰ বনভোজস্থলীত অঘটন, নদীত পৰি সন্ধানহীন অৰুণাচলৰ ছাত্ৰ...  •  চৰাইদেউত বিকল খোৱাপানী যোগান আঁচনি, ক্ষুব্ধ স্থানীয় ৰাইজ... VIDEO  •  নাজিৰাত দুৰ্বৃত্তই হত্যা কৰি মৃতদেহ পেলাই দিলে পুখুৰীত...

আমেৰিকাৰ ৰাজপথত টকাৰ বৰষুণ, টকা দেখি গাড়ীৰ পৰা নামি আহিল লোক, চাওক ভিডিঅ’

2,225

ডিজিটেল ডেস্কঃ আমেৰিকাৰ এটা ৰাষ্ট্ৰীয় ঘাইপথত হঠাৎ নোটৰ বৰষুণ৷ নকল টকাৰ বৰষুণ নহয়, আচল টকাৰে বৰষুণ৷ ঘাইপথত প্ৰথমে এখন নোট দেখি এজন যাত্ৰীয়ে গাড়ীখন ৰখাই টকাৰ নোটখন আচল নে নকল বুটলি লৈ চালে৷ দেখিলে, নোটখন আচল৷ পিছত তেওঁ আৰু এনে নোট পায় নেকি ইফালে সিফালে চাই দেখিলে কিছু দুৰত আৰু দুখন নোট পৰি আছে৷ সেই দুখন বুটলে মানে কাষতে আৰু দুখন নোট…

বিনা কষ্টই দুটামান টকা লাভ কৰাত তেওঁ মুখত হাঁহি এটা বিৰিঙি উঠিল৷ তেওঁ এখনৰ পিছত সিখনকৈ নোটবোৰ বুটলি জেপত ভৰাই গৈ থাকিল৷ ব্যক্তিজনক পথৰ পৰা টকা বুটলি থকা দেখি আন যাত্ৰীবোৰেও গাড়ীৰ পৰা নামি টকবোৰ বুটলাত লাগিল৷ এনেদৰে এজন এজনকৈ কেইবাজনো লোকে ঘাইপথৰ ওপৰতে গাড়ী ৰখাই টকা বুটলাত ব্যস্ত হৈ পৰাত ক্ষন্তেক সময়ৰ ভিতৰতে ৰাষ্ট্ৰীয় ঘাইপথটোত প্ৰচণ্ড যান-জঁটৰ সৃষ্টি হৈ পৰে৷

এই ঘটনা সংঘটিত হৈছে আমেৰিকাৰ নিউ জাৰ্চি চহৰৰ ইষ্ট ৰাডাৰফ’ৰ্ড-৩ নম্বৰ ৰাষ্ট্ৰীয় ঘাইপথত৷ ১৩ ডিচেম্বৰত ঘাইপথটোৰে এখন নোটভৰ্তি ট্ৰাক পাৰ হৈ যোৱাৰ পিছতে পথটোত টকাৰ বৰষুণ হয়৷ আৰক্ষীয়ে জানিবলৈ দিয়া মতে, নোটভৰ্তি ট্ৰাকখনে এটা ব্যক্তিগত বেংকৰ ধন লৈ সেই পথেৰে গৈ আছিল৷ কিন্তু বাহনখনৰ এখন দুৱাৰ কোনো কাৰণত বেয়া হৈ যোৱাত ভিতৰত থকা টকা বতাহত উৰি উৰি গোটেই ঘাইপথটোতে সিঁচৰিত হৈ পৰে৷

ইফালে এই ঘটনাৰ এটা ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে৷ য’ত লোকসকলক গাড়ীৰ পৰা নামি পথৰ ওপৰৰ পৰা নোট বুটলি থকা দেখিবলৈ পোৱা গৈছে৷ নোটভৰ্তি ট্ৰাকখনৰ পৰা এনেদৰে বতাহত সিঁচৰিত হৈ পৰা প্ৰায় ৩ লাখ ডলাৰ অৰ্থাৎ প্ৰায় ২.১৫ কোটি টকা লুট হোৱা বুলি জানিব পৰা গৈছে৷ আনহাতে এই ধন পথৰ পৰা যি সকল লোকে বুটলি লৈছে, তেওঁলোকক চোৰ বুলি ঘোষণা কৰা হ’ব বুলিও জানিবলৈ দিয়ে নিউ জাৰ্চি প্ৰশাসনে৷

আপুনি পঢ়ি ভাল পাব পৰা বাতৰি