শেহতীয়া খবৰ
জৈৱিক পদ্ধতিৰে নাৰায়ণপুৰত কৃষি বিপ্লৱৰ সূচনা বে-চৰকাৰী সংস্থা সালোক্য সেৱা কাননৰ  •  জৈৱিক পদ্ধতিৰে নাৰায়ণপুৰত কৃষি বিপ্লৱৰ সূচনা বে-চৰকাৰী সংস্থা সালোক্য সেৱা কাননৰ  •  নগাঁৱত ৰহস্যজনক ঘটনা, চিকিৎসালয়ৰ পৰাই সন্ধানহীন হ’ল ৰোগী  •  লাহৰীঘাটত চোৰাং গঁড় চিকাৰীক আটক  •  কালাতলীত ভয়ংকৰ পথ দুৰ্ঘটনা, নিহত বাইক আৰোহী  •  জম্মু-কাশ্মীৰত নিৰাপত্তাবাহিনী-সন্ত্ৰাসবাদীৰ সংঘৰ্ষত নিহত ৭ নাগৰিক  •  মানিকগঞ্জত চিবিএছই পাঠ্যক্ৰমৰ বিদ্যালয় নৰ্থ ইষ্ট নেচনেল একাডেমী শুভ উদ্ধোধন  •  মানিকগঞ্জত চিবিএছই পাঠ্যক্ৰমৰ বিদ্যালয় নৰ্থ ইষ্ট নেচনেল একাডেমী শুভ উদ্ধোধন  •  হাইলাকান্দিত অন্ত পৰিল পঞ্চায়ত নিৰ্বাচনৰ ভোটগণনা, কোনে পালে কিমান আসন?  •  অৰুণাচলত ভূপেন হাজৰিকাৰ পূৰ্ণাৱয়ব প্ৰতিমূৰ্তি অনাবৰণ

১৯ কোটি টকাত বিক্ৰী হ’ল বিশ্বৰ আগশাৰীৰ আলোচনী ‘টাইম’

497

ডিজিটেল ডেস্কঃ ১৯ কোটি টকাত বিক্ৰী হ’ল বিশ্বৰ অন্যতম প্ৰভাৱশালী তথা জনপ্ৰিয় আলোচনী ‘টাইম’। মেৰেডিথ কৰ্প’ৰেশ্যনৰ পৰা ছেলছফ’ৰ্চৰ সহঃপ্ৰতিষ্ঠাতা মাৰ্ক বেনিঅফ আৰু তেওঁৰ পত্নী লিন কিনে ক্ৰয় কৰিছে মাৰ্কিন সংবাদ জগতৰ আগশাৰীৰ আলোচনীখন।

ৱাল ষ্ট্ৰীট জাৰ্ণেলত প্ৰকাশিত বাতৰি অনুযায়ী নিজাববীয়াকৈ আলোচনীখন ক্ৰয় কৰিছে বেনিঅফে। আলোচনীখন ক্ৰয়ৰ সৈতে তেওঁ জড়িত হৈ থকা প্ৰতিষ্ঠান ছেলছফ’ৰ্চৰ কোনো সম্পৰ্ক নাই বুলিও বাতৰিটোত স্পষ্ট কৰি দিছে।

য়েলে বিশ্ববিদ্যালয়ৰ স্নাতক হেনৰি লুচ আৰু ব্ৰিটন হেডেনৰ প্ৰচেষ্টাত ১৯২৩ চনত প্ৰথমবাৰৰ বাবে প্ৰকাশ পাইছিল টাইম আলোচনী। প্ৰকাশৰ কিছু বছৰ পিছতে সমগ্ৰ বিশ্বতে জনপ্ৰিয় আৰু প্ৰভাৱশালী আলোচনী হিচাপে প্ৰতিষ্ঠা লাভ কৰিবলৈ সমৰ্থ হয় ‘টাইম’।

কিন্তু শেহতীয়াকৈ তথ্য-প্ৰযুক্তিৰ উন্নয়নৰ লগে লগে সমগ্ৰ বিশ্বতে ছপা মাধ্যমৰ জনপ্ৰিয়তা হ্ৰাস পোৱাত বিজ্ঞাপনকে আদি কৰি একাধিক ক্ষেত্ৰত লোকচানৰ সন্মুখীন হ’বলগীয়া হোৱাত আলোচনীখন বিক্ৰী কৰাৰ সিদ্ধান্ত গ্ৰহণ কৰে মেৰেডিথ কৰ্প’ৰেশ্যনে।

উল্লেখ্য যে, ২০১৭ চনত আলোচনীখন টাইম কৰ্প’ৰেশ্যনৰ পৰা ক্ৰয় কৰিছিল মেৰেডিথ কৰ্প’ৰেশ্যনে। কিন্তু ধাৰাবাহিকভাৱে ক্ষতিৰ সন্মুখীন হোৱাত বিশ্বৰ শীৰ্ষৰ ক্লাউড কম্পিউটিং প্ৰতিষ্ঠানটোৰ গৰাকী বেনিঅফক বিক্ৰী কৰাৰ সিদ্ধান্ত চূড়ান্ত কৰে।

আপুনি পঢ়ি ভাল পাব পৰা বাতৰি