শেহতীয়া খবৰ
গোৱালপাৰাৰ লক্ষীপুৰ আৰক্ষীৰ জালত দুই হত্যাকাৰী...  •  সোণৰ খনিৰ বাবে বিস্ফোৰক কঢ়িয়াই অনা ট্ৰাকত বিস্ফোৰণঃ ১৭ জন নিহত ৬০ জন আহত...  •  মঙলদৈ প্ৰেছ ক্লাৱত ঐতিহাসিক পথৰুঘাট ৰণ বিষয়ক আলোচনা চক্ৰৰ আয়োজন...  •  ৫০ বছৰীয়া হ'ল অৰুণাচলঃ সোণালী জয়ন্তী বৰ্ষৰ স্মৃতি যুগমীয়া কৰাৰ বাবে বিভিন্ন পদক্ষেপ গ্ৰহণ...  •  প্ৰকৃতি সুৰক্ষা আৰু ৰক্ত দানৰ প্ৰতি সজাগতা সৃষ্টিৰ বাবে পদযাত্ৰাঃ টীয়কত উপস্থিত দৰংৰ যুৱক...  •  নতুন সংসদ ভৱন নিৰ্মাণ ব্যয় ২৯ শতাংশ বৃদ্ধিঃ ৯৭১ কোটিৰ পৰা ১,২৫০ কোটিলৈ বৃদ্ধি কৰা হ'ল নিৰ্মাণ ব্যয়....  •  জোনবিল মেলাৰ আজি দ্বিতীয়টো দিনঃ অনুষ্টুপীয়াকৈ অনুষ্ঠিত বিনিময় প্ৰথা...  •  শিশুৰ বাবে মাস্ক বাধ্যতামূলক নহয়ঃ কেন্দ্ৰীয় স্বাস্থ্যমন্ত্ৰণালয়ৰ নতুন নিৰ্দেশনা...  •  গণৰাজ্য দিৱসত কোনে ক’ত কৰিব পতাকা উত্তোলন ...  •  ধেমাজিত ১৬৩ জনৰ কোভিড পজিটিভ...

তেজপুৰৰ নামপিঠাখোৱাত পথ দুৰ্ঘটনাত এটি আঢ়ৈ বছৰীয়া শিশুৰ মৃত্যু …

ডিজিটেল সংবাদ, তেজপুৰঃ তেজপুৰ চহৰৰ নিকটৱৰ্তী বিহগুৰিৰ নামপিঠাখোৱাত দেওবাৰে বিয়লি প্ৰায় ৪.৩০ মান বজাত সংঘটিত হোৱা এক পথ দূৰ্ঘটনাত এটি আঢ়ৈ বছৰীয়া শিশুৰ শোকাবহভাৱে মৃত্যু হয়। এই ঘটনাই সমগ্ৰ অঞ্চলটোতে গভীৰ শোকৰ ছাঁ পেলায়। ঘটনা অনুসৰি ১৫ নং ৰাষ্ট্ৰীয় পথৰে ঢেকিয়াজুলী দিশৰ পৰা তেজপুৰ অভিমুখে আহি থকা এখন তীব্ৰ বেগী বলেৰ’ পিক আপ ভানে বিপৰীত দিশৰ পৰা অহা আন এখন বাহনক অতিক্ৰম কৰাৰ সময়ত মাতৃ পুতু সুতৰ লগতে তেওঁৰ দুবছৰ আঠমহীয়া সন্তান সৌৰভ সূতক মহতিয়াই নিয়ে৷

এই শোকাৱহ ঘটনাত শিশুটি ঘটনাস্থলিতে নিহত হোৱাৰ বিপৰীতে মাতৃ গৰাকী গুৰুতৰভাৱে আহত হয়। ৰাইজে অতি সংকটজনক অৱস্থাত মাতৃ গৰাকীক ততাতৈয়াকৈ তেজপুৰ চিকিৎসা মহাবিদ্যালয়ৰ হাস্পতালত ভৰ্তি কৰে। উল্লেখ্য যে, নামপিঠাখোৱাৰ বাসিন্দা বাবুলি সুতৰ পত্নী পুতু সুতে শিশু পুত্ৰকলৈ সন্মুখৰ দোকানলৈ জেৰক্স কৰিবলৈ যোৱাৰ সময়তে তেওঁলোকৰ বাসগৃহৰ পদুলিতে এই শোকাৱহ পথদুৰ্ঘটনাটো সংঘটিত হয় ৷ আনহাতেদি এই পথ দুৰ্ঘটনা সংঘটিত কৰিয়েই বলেৰ পিক আপ ভান খনে ঘটনাস্থলীৰ পৰা তীব্ৰ বেগত পলায়ন কৰে ৷ 

আপুনি পঢ়ি ভাল পাব পৰা বাতৰি