শেহতীয়া খবৰ
নতুন দিল্লীত দলীয় নেতৃত্বৰ ওচৰত ক্ষমা খুজিলে শিলাদিত্য দেবে...  •  দুধনৈত বিজেপি মিত্ৰ জোঁটৰ প্ৰাৰ্থী ৰপে ৰাভা হাছং যৌথ সংগ্ৰাম সমিতিৰ প্ৰক্ষেপিত প্ৰাৰ্থী শ্যামজিৎ ৰাভা...  •  নাঁওবৈছাত নিজাববীয়াকৈ প্ৰাৰ্থী থিয় কৰাব বিজেপিয়ে,ৰাও গজেন্দ্ৰ সিঙ হ'ব সম্ভাব্য প্ৰাৰ্থী...  •  জাগীৰোড সমষ্টিত উষ্ম আদৰনি পিয়ুষ হাজৰিকাক...  •  ৬ নং বি এন বি এছ এফৰ উদ্যোগত ছিভিক এক্সছন অনুষ্ঠানৰ আয়োজন...  •  পশ্চিমবংগই শান্তি,সোণাৰ বাংলা, প্ৰগতিশীল বাংলা বিচাৰে : নৰেন্দ্ৰ মোডী  •  প্ৰকাশ পালে তৃণমূল কংগ্ৰেছৰ ১৬জনীয়া প্ৰাৰ্থী তালিকা...  •  অগপক এৰি দিয়া ২৬টা সমষ্টিত বিজেপি কৰ্মীক সহায় কৰাৰ আহ্বান ৰাজ্যিক সভাপতি ৰঞ্জিত দাসৰ...  •  অগপক এৰি দিয়া ২৬টা সমষ্টিত বিজেপি কৰ্মীক সহায় কৰাৰ আহ্বান ৰাজ্যিক সভাপতি ৰঞ্জিত দাসৰ...  •  মায়ঙৰ পকৰীয়া নৈত দুগৰাকী স্কুলীয়া ছাত্ৰীৰ সলিল সমাধি...

নৃশংস ঘটনা! খুলশালীয়েকে দাৰে ঘপিয়াই হত্যা কৰিলে ভিনিয়েকক, VIDEO

14,614

ডিজিটেল সংবাদ, তামুলপুৰঃ তামুলপুৰ আৰক্ষী থানাৰ অন্তৰ্গত কুমাৰীকাটা আৰক্ষী চকীৰ অধীনৰ এন চি আঙাৰকাটাত বৃহস্পতিবাৰে নিশা সংঘটিত হৈছে এক নৃশংস হত্যাকাণ্ড৷ খুলশালীয়েকে দাৰে ঘপিয়াই হত্যা কৰিলে নিজৰ ভিনীয়েক এন চি আঙাৰকাটাৰ প্ৰকাশ মণ্ডল ( ২৫ ) নামৰ যুৱকজনক৷ উক্ত হত্যাকাণ্ডই তামুলপুৰ মহকুমাত চাঞ্চল্যৰ সৃষ্টি কৰিছে৷ ঘটনাৰ বিবৰণী মতে এন চি আঙাৰকাটা নিবাসী মৃত প্ৰকাশ মণ্ডলৰ ঘৰত ঘৰুৱা কাজিয়াৰ ফলত নিজৰ পত্নী বহুদিন ধৰি মাতৃৰ গৃহত বাস কৰি আছিল। বৃহস্পতিবাৰে নিশা প্ৰকাশে শহুৰৰ ঘৰত প্ৰবেশ কৰিছিল।

সেই সময়ত প্ৰকাশে কিবা অঘটন সংঘটিত কৰাৰ সন্দেহত পত্নীৰ ভাতৃ মানিক শীলে (২১) ঘৰৰ পৰা এখন দা হাতত লৈ তেওঁক খেদি যায়। তাৰ পিছতে এখন মুকলি পথাৰত এটি পথৰ কাষত প্ৰকাশ মণ্ডলক দাৰে ঘপিয়াই মানিকে নৃশংস ভাৱে হত্যা কৰে৷ হত্যাকাণ্ডৰ পিছতে দা খন নিজৰ ঘৰত থৈ ঘটনাস্থলীৰ পৰা তেওঁ পলায়ন কৰে৷

ইপিনে প্ৰকাশ মণ্ডলৰ পৰিয়ালৰ লোকে কুমাৰীকাটা আৰক্ষী চকীত খবৰ দিয়ে৷ লগে লগে আৰক্ষীৰ দল ঘটনাস্থলীত উপস্থিত হৈ ঘটনাস্থলীৰ পৰা প্ৰকাশ মণ্ডলৰ মৃতদেহটো উদ্ধাৰ কৰি তামুলপুৰ থানালৈ আনি শুকুৰবাৰে মৰণোত্তৰ পৰীক্ষাৰ বাবে মুছলপুৰলৈ প্ৰেৰণ কৰে৷ ইপিনে কুমাৰীকাটা আৰক্ষীয়ে ঘটনা সন্দৰ্ভত মৃত প্ৰকাশ মণ্ডলৰ পত্নী আৰু খুলশালী সঞ্জয় শীলক(২১) সোধা পোচাৰ বাবে কুমাৰীকাটা আৰক্ষী চকীলৈ আনি তদন্ত আৰম্ভ কৰিছে৷

উল্লেখযোগ্য যে, কিছুদিন পূৰ্বে মৃত প্ৰকাশ মণ্ডলে নিজৰ শাহুৱেক গৌৰী মণ্ডলক কাঠেৰে কোবাই কোবাই হত্যা কৰি জেলৰ ভাত খাব লগা হৈছিল৷ জেলৰ পৰা ওলাই আহিয়ে ওদালগুৰিত কামৰ সন্ধানত গৈছিল৷ বৃহস্পতিবাৰে তেওঁ ওদালগুৰিৰ পৰা ঘূৰি আহিছিল৷ আনহাতে মৃত প্ৰকাশৰ ভাতৃ সঞ্জীৱ মণ্ডলে অভিযোগ কৰি কয় যে, তেওঁৰ ভাতৃ প্ৰকাশ মণ্ডলক কেবাজনো লোকে খেদি খেদি হত্যা কৰি পলায়ন কৰে৷ ইতিমধ্যেই কুমাৰীকাটা আৰক্ষী চকীৰ বিষয়া নিপন গগৈয়ে ঘটনাৰ তদন্ত অব্যাহত ৰাখিছে৷

আপুনি পঢ়ি ভাল পাব পৰা বাতৰি