বৰ্তমান সময়ত বহুলভাৱে চৰ্চিত এটা শব্দ হৈছে ক্ৰিপ্টোকাৰেন্সী বা ডিজিটেল মুদ্ৰা। ভাৰতত এই ডিজিটেল মুদ্ৰাৰ প্ৰচলন ব্যাপক নহয় যদিও ইতিমধ্যে ভাৰততো ক্ৰিপ্টোকাৰেন্সীক লৈ ব্যাপক হাৰত চৰ্চা হৈছে। ১ ফেব্ৰুৱাৰী মঙ্গলবাৰে বিত্তমন্ত্ৰী নিৰ্মলা সীতাৰমণে সংসদত ২০২২-২৩ বিত্তীয় বৰ্ষৰ বাবে বাজেট পাঠ কৰাৰ সময়ত এই ক্ৰিপ্টোকাৰেন্সী বা ডিজিটেল মুদ্ৰাৰ বিষয়ে উত্থাপন কৰিছে। তেওঁ ক্ৰিপ্টোকাৰেন্সীৰ ওপৰত ৩০ শতাংশ কৰ আৰোপ কৰাৰ কথাও ঘোষণা কৰিছে।
কি এই ক্ৰিপ্টোকাৰেন্সী?
ক্ৰিপ্টোকাৰেন্সী বিত্তীয় লেনদেনৰ এক মাধ্যম। এই মুদ্ৰা অদৃশ্য বা ইয়াক আপুনি ভাৰতীয় টকা বা আমেৰিকান ডলাৰৰ দৰে স্পৰ্শ কৰিব নোৱাৰে। আপুনি এই মুদ্ৰাক আপোনাৰ পাৰ্ছত ৰাখিব নোৱাৰে। ডিজিটেল মাধ্যমত প্ৰচলিত হোৱাৰ বাবেই এই মুদ্ৰাক ডিজিটেল মুদ্ৰা বুলি কোৱা হয়। ক্ৰিপ্টোকাৰেন্সী বা ডিজিটেল মুদ্ৰাৰ সকলো লেনদেন অনলাইন মাধ্যমৰেই কৰা হয়। যিকোনো এখন দেশৰ প্ৰচলিত মুদ্ৰাৰ লেনদেনৰ মাজত এজন মধ্যস্থতাকাৰী থাকে। যেনে ভাৰতৰ কেন্দ্ৰীয় বেংক। কিন্তু ক্ৰিপ্টোকাৰেন্সী ব্যৱসায়ত কোনো মধ্যস্থতাকাৰী নাথাকে। ইয়াক এটা নেটৱৰ্কৰ দ্বাৰা অনলাইন পৰিচালনা কৰা হয়। সেয়েহে ইয়াক অনিয়মীয়া বজাৰ বুলি কোৱা হয়। কাৰণ এই মুদ্ৰাই কাৰোবাক মুহূৰ্ততে ধনী কৰি তোলে আৰু এবাৰতে কোনোবাই সৰ্বোচ্ছ হেৰুৱাব পাৰে। কিন্তু এই উত্থান-পতনৰ মাজতো কিন্তু ক্ৰিপ্টোকাৰেন্সীৰ জনপ্ৰিয়তা বৃদ্ধি পাই আহিছে।
ডিজিটেল মুদ্ৰা এটাই নেকি!
বৰ্তমান বিশ্বত বহু হাজাৰ বিধ ডিজিটেল মুদ্ৰা প্ৰচলিত হৈ আছে। কিন্তু ইয়াৰ ভিতৰত আটাইতকৈ জনপ্ৰিয় আৰু মূল্যৱান ডিজিটেল মুদ্ৰাটোৱেই হ'ল বিটকইন। ইয়াৰ পিছতে আছে ইথেৰিয়াম নামৰ আন এক ডিজিটেল মুদ্ৰা। বিশ্বৰ শীৰ্ষ ১০ টা ডিজিটেল মুদ্ৰাৰ বিষয়ে কবলৈ হ'লে, সেইবোৰৰ ভিতৰত থাকিব পোলকাডট, টিথাৰ, লাইটকুইন, ডজকুইন আদি ডিজিটেল মুদ্ৰা।
আৰম্ভণিতে, ক্ৰিপ্টো বজাৰত বিটকইন প্ৰভাৱশালী আছিল। কিন্তু সময়ৰ লগে লগে এই বজাৰ বৃদ্ধি পাই আৰু হাজাৰ হাজাৰ ডিজিটেল মুদ্ৰা প্ৰচলিত হ'বলৈ আৰম্ভ কৰিছে। ক্ৰিপ্টোকাৰেন্সী বা ডিজিটেল মুদ্ৰাৰ ব্যৱসায়ৰ পৰিসৰ পৃথিৱীৰ সকলো দেশলৈ বিয়পি পৰিছে।
পূৰ্বেই উল্লেখ কৰা হৈছে ক্ৰিপ্টোকাৰেন্সী হৈছে এক অদৃশ্য মুদ্ৰা। ইয়াক হাতেৰে স্পৰ্শ কৰিব নোৱাৰি। ই সম্পূৰ্ণৰূপে এক ডিজিটেল প্ৰণালী। আটাইতকৈ গুৰুত্বপূৰ্ণ কথাটো হ'ল ডিজিটেল মুদ্ৰাৰ ওপৰত কোনো দেশৰ নিয়ন্ত্ৰণ নাই। বিশ্বৰ বহু কেইখন দেশে ডিজিটে মুদ্ৰাৰ বৈধতা প্ৰদান কৰিছে যদিও বহু কেইখন দেশে এতিয়াও ইয়াৰ লেনদেনৰ ক্ষেত্ৰত এতিয়াও এক সঠিক সিদ্ধান্ত ল'ব পৰা নাই। অৱশ্যে অবৈধ বুলিও ঘোষণা কৰা হোৱা নাই।
ভাৰতীয় ৰিজাৰ্ভ বেংকে জাৰী কৰিব ডিজিটেল মুদ্ৰাঃ
মঙ্গলবাৰে বাজেট পাঠ কৰাৰ সময়ত বিত্তমন্ত্ৰী নিৰ্মলা সীতাৰমণে ঘোষণা কৰিছে যে ২০২২-২৩ বৰ্ষতে ভাৰতীয় ৰিজাৰ্ভ বেংকৰ ডিজিটেল মুদ্ৰাৰ প্ৰচলন কৰিব বুলি ঘোষণা কৰিছে। নতুন বিত্তীয় বৰ্ষৰ আৰম্ভণিতে ভাৰতীয় ৰিজাৰ্ভ বেংকৰ ডিজিটেল মুদ্ৰা মুকলি কৰিব।
ভাৰতীয় ৰিজাৰ্ভ বেংকে নতুনকৈ মুকলি কৰিবলৈ লোৱা এই ডিজিটেল মুদ্ৰাৰ সম্পূৰ্ণ নাম হৈছে চেণ্ট্ৰেল বেংক ডিজিটেল কাৰেন্সী। ইয়ক চমুকৈ চিবিডিচি বুলি কোৱা হৈছে। এই নতুন ডিজিটেল মুদ্ৰাৰ বাবে আইনৰ কিছু সালসলনি কৰিব লাগিব।
ডিজিটেল মুদ্ৰাৰ প্ৰচলন আৰম্ভ কৰাৰ লগে লগে মুদ্ৰা আইন, বৈদেশিক মুদ্ৰা ব্যৱস্থাপনা আইন চমুকৈ ফেমা আৰু তথ্য প্ৰযুক্তি আইনৰ সংশোধনৰ প্ৰয়োজন হ'ব। অৱশ্যে বাজেট পাঠৰ সময়ত এই আইন সংশোধনৰ বিষয়ে কোনো কথা উল্লেখ কৰা হোৱা নাই।
উল্লেখ্য যে, ভাৰত চৰকাৰে পৰিকল্পনা কৰিছিল যে ক্ৰিপ্টোকাৰেন্সীৰ ওপৰত 'ক্ৰিপ্টোকাৰেন্সী এণ্ড ৰেগুলেশ্যন অফ অফিচিয়েল ডিজিটেল মুদ্ৰা বিধেয়ক, ২০২১' সংসদৰ শীতকালীন অধিৱেশনত উত্থাপন কৰিব। এই বিধেয়কখনৰ বিষয়ে প্ৰকাশিত বিৱৰণ অনুসৰি, বিধেয়কখনে দেশৰ সকলো ব্যক্তিগত ক্ৰিপ্টোকাৰেন্সী নিষিদ্ধ কৰাৰ প্ৰস্তাৱ দিছিল। অৱশ্যে এই আইনখনত এইটোও প্ৰস্তাৱ আছে যে কিছুমান ব্যতিক্ৰম ডিজিটেল মুদ্ৰাক অন্তৰ্নিহিত প্ৰযুক্তি আৰু ইয়াৰ ব্যৱহাৰ সম্পৰ্কে প্ৰচাৰ কৰিবলৈ অনুমতি দিয়া হ'ব। এই বিধেয়কখনে ৱাৰেণ্ট অবিহনে আইন উলংঘনকাৰীসকলক গ্ৰেপ্তাৰ কৰা আৰু জামিন নোপোৱাৰ বিষয়েও উল্লেখ কৰিছিল। ভাৰতীয় ৰিজাৰ্ভ বেংকৰ দ্বাৰা জাৰী কৰিবলগা চৰকাৰী ডিজিটেল মুদ্ৰা সৃষ্টিৰ বাবে এটা পৰিকাঠামো সৃষ্টি কৰাৰো প্ৰস্তাৱো দিয়া হৈছিল।
অৱশ্যে এই আইন উত্থাপন কৰা নহ'ল। কিয়নো কেন্দ্ৰীয় কেবিনেট বৈঠকত এই বিলখনক লৈ মতানৈক্যৰ সৃষ্টি হয়। ইয়াৰ কাৰণ আছিল ক্ৰিপ্টো এক্সচেঞ্জকে ধৰি বিভিন্ন বিশেষজ্ঞ আৰু শাখাই ক্ৰিপ্টোকাৰেন্সীৰ বাবে এটা মধ্যম পথ বিচাৰি উলিয়াবলৈ দাবী জনাইছিল। ক্ৰিপ্টোকাৰেন্সীত ব্যৱসায় সম্পূৰ্ণৰূপে নিষিদ্ধ কৰাৰ পৰিৱৰ্তে, ইয়াক নিয়ন্ত্ৰণ কৰাৰ বিষয়ে বিবেচনা কৰাৰ দাবী আছিল।
১ কোটি ভাৰতীয়ই বিনিয়োগ কৰিছে ক্ৰিপ্টোকাৰেন্সীত
তথ্য অনুসৰি প্ৰায় ১ কোটি ভাৰতীয়ই ক্ৰিপ্টোকাৰেন্সীত বিনিয়োগ কৰিছে। এই ১ কোটি বিনিয়োগকাৰীৰ ভিতৰত আছে ১০ লাখ ব্যৱসায়ী। তেওঁলোকৰ সকলোৰে মুঠ ১০ হাজাৰ কোটি টকাৰ অধিক ডিজিটেল সম্পত্তি আছে। ইয়াৰ আগতেও, ক্ৰিপ্টোকাৰেন্সী এণ্ড ৰেগুলেশ্যন অফ অফিচিয়েল ডিজিটেল মুদ্ৰা বিধেয়ক, ২০২১, বিগত বছৰৰ বাজেট অধিৱেশনৰ বাবে তালিকাভুক্ত কৰা হৈছিল যদিও এই বিষয়ত কেবিনেটৰ সৰ্বসন্মত সিদ্ধান্ত নথকাৰ বাবে উত্থাপন কৰা হোৱা নাছিল।কোৱা হৈছিল এই সম্পৰ্কে অধিক অধ্যয়ন তথা বিশেষজ্ঞৰ পৰামৰ্শৰ প্ৰয়োজন আছিল।
২০২২-২৩ বৰ্ষৰ বাবে বিত্তমন্ত্ৰীয়ে পাঠ কৰা বাজেটত আৰু কি কি আছে
বিত্ত মন্ত্ৰীগৰাকীয়ে কয় যে অনাগত বছৰবোৰত ২৫,০০০ কিলোমিটাৰ ঘাইপথ নিৰ্মাণ কৰা হ'ব। অহা তিনি বছৰত, ৪৪ খন নতুন বন্দে ভাৰত ৰে'ল আৰম্ভ কৰা হ'ব। দেশত ৬০ নিযুত নতুন চাকৰি সৃষ্টি কৰা হ'ব। চৰকাৰৰ ৩০ নিযুত অতিৰিক্ত চাকৰি প্ৰদান কৰাৰ ক্ষমতা আছে।
নিৰ্মলা সীতাৰমণে লোকসভাত কৈছে যে এলআইচিৰ আইপিঅ' সোনকালেই আহিব আৰু ইয়াৰ বাবে প্ৰয়োজনীয় ব্যৱস্থা লোৱাৰ প্ৰক্ৰিয়া সুচাৰুৰূপে চলি আছে। দেশৰ ব্যক্তিগত খণ্ডবোৰক প্ৰচাৰ কৰা হ'ব আৰু আধুনিক আন্তঃগাঁথনিৰ ওপৰত গুৰুত্ব দিয়া হ'ব।
২০২১-২২ বিত্তীয় বৰ্ষত দেশৰ অৰ্থনৈতিক বিকাশৰ হাৰ ৯.২ শতাংশ হ'ব বুলি অনুমান কৰা হৈছে আৰু অৰ্থনীতিক পুনৰ পথলৈ ঘূৰাই অনাৰ বাবে চৰকাৰৰ প্ৰচেষ্টাই ফলাফল দেখুৱাইছে। দেশখনত ২৫ হাজাৰ কিলোমিটাৰ ঘাইপথ নিৰ্মাণ কৰা হ'ব। দেশৰ ৫ খন প্ৰধান নদীক সংযোগ কৰাৰ পৰিকল্পনা কৰা হৈছে।
২৫,০০০ কিলোমিটাৰ ৰাষ্ট্ৰীয় ঘাইপথৰ উন্নয়নৰ বাবে ২০,০০০ কোটি টকা ব্যয় কৰা হ'ব। জল সম্পদ উন্নয়ন মন্ত্ৰালয়ৰ সহায়ত দেশৰ ৫খন প্ৰধান নদীৰ সংযোগৰ কামো কৰা হ'ব। দেশত জলসিঞ্চন আৰু খোৱা পানীৰ আঁচনি নিৰ্ধাৰণ কৰা হৈছে আৰু গঙ্গাৰ পাৰত বসতি স্থাপন কৰা কৃষকসকলক সহায় কৰা হ'ব।
বিত্ত মন্ত্ৰীগৰাকীয়ে কয় যে কৃষকসকলক ডিজিটেল সেৱা প্ৰদান কৰা হ'ব আৰু ভাৰতত দৰিদ্ৰতা নিৰ্মূলৰ লক্ষ্যৰ ওপৰত দৃঢ়ভাৱে কাম কৰা হ'ব। ড্ৰোনৰ জৰিয়তে কৃষি খণ্ডক উৎসাহিত কৰিব। ১০০ টা স্পীড পাৱাৰ কাৰ্গো টাৰ্মিনেটৰ নিৰ্মাণ কৰা হ'ব।
চৰকাৰে কৃষকসকলৰ একাউণ্টলৈ এমএছপিৰ জৰিয়তে ২.৩৭ কোটি টকা প্ৰেৰণ কৰিছে আৰু জৈৱিক কৃষিত নিয়োজিত কৃষকসকলক উদগনি দিয়া হ'ব। চৰকাৰে ৰাসায়নিক আৰু কীটনাশক-মুক্ত কৃষিৰ বিস্তাৰ বৃদ্ধিৰ ওপৰত গুৰুত্ব আৰোপ কৰিছে।
শিক্ষাৰ ক্ষেত্ৰৰ ক্ষেত্ৰত তেওঁ কয় যে, ডিজিটেল বিশ্ববিদ্যালয় সৃষ্টি কৰা হ'ব আৰু বিদ্যালয়ৰ প্ৰতিটো শ্ৰেণীত টিভি স্থাপন কৰা হ'ব। দক্ষতা ভাৰত অভিযানৰ জৰিয়তে আৰু দক্ষ শ্ৰমিক বনোৱাৰ ক্ষেত্ৰত চৰকাৰী আঁচনিৰ অধীনত যুৱ শক্তিৰ কাম কৰা হ'ব। চৰকাৰী প্ৰকল্পৰ সংখ্যা বৃদ্ধি কৰা হ'ব যাতে মানুহৰ জীৱিকাৰ উপায় বৃদ্ধি কৰিব পৰা যায়।
বিত্ত মন্ত্ৰীয়ে ঘোষণা কৰিছে যে বাজেট আৱণ্টনৰ ২৫ শতাংশ চৰকাৰে প্ৰতিৰক্ষাৰ গৱেষণা বা গৱেষণাৰ বাবে কৰিব। এই বাজেটত, প্ৰতিৰক্ষাৰ প্ৰতি যথেষ্ট মনোযোগ দিয়া হৈছে কিয়নো সীমান্তত অতিৰিক্ত চৰ্ত আছে।এই বাজেটত সৌৰ শক্তি উৎপাদনৰ বাবে আৱণ্টন ১৯,৫০০ কোটি টকা বৃদ্ধি কৰা হৈছে আৰু দেশত বৈদ্যুতিক বাহনৰ বাবে নতুন চাৰ্জিং ষ্টেচন স্থাপন কৰা হ'ব। দেশত সৌৰ শক্তিৰ বাবে সৌৰ পেনেল-আধাৰিত শক্তি প্ৰকল্পৰ বিকাশৰ ওপৰত গুৰুত্ব আৰোপ কৰা হ'ব।
