শেহতীয়া খবৰ
ধেমাজিত প্ৰথমবাৰৰ বাবে জ্যেষ্ঠ নাগৰিকসকলৰ কাৰণে আবাসগৃহৰ দুৱাৰ মুকলি অনুষ্ঠান...  •  ৰাজ্যত পুনৰ ২৬৭৯ৰ দেহত কোভিড-১৯, আক্ৰান্তৰ সংখ্যা ৫৫,৪৯৬জনলৈ বৃদ্ধি...  •  টীয়কত নিষিদ্ধ ড্ৰাগছ ব্যৱসায় উচ্ছেদৰ দাবীত আছুকে ধৰি বিভিন্ন দল-সংগঠনৰ প্ৰতিবাদ...  •  সমাজসেৱীকা-ধৰ্মপ্ৰাণ স্বৰ্ণ প্ৰভা চেতিয়াৰ প্ৰথম মৃত্যু বাৰ্ষিকী উদযাপন...  •  কেৰেলাত বিমান দুৰ্ঘটনা...  •  ধেমাজিত আম আদমী পাৰ্টীৰ বান সাহায্য বিতৰণ...  •  কেৰালাত দুৰ্ঘটনাগ্ৰস্ত বিমানঃ বৈমানিকসহ নিহত ২জন, এনডিআৰএফ-অগ্নিনিৰ্বাপক বাহিনীৰ উদ্ধাৰ অভিযান অব্যাহত...  •  বিটিচিত বহিছিল অবৈধ চাকৰিৰ বজাৰ, কাৰ কাৰ চাকৰি গ’ল এতিয়া? সম্পূৰ্ণ তালিকা...  •  কেৰালাত বানৰ তাণ্ডৱ! দলং নিৰ্মাণ কৰি এনডিআৰএফ বাহিনীৰ উদ্ধাৰ অভিযান... VIDEO  •  অখিল গগৈক মুক্তিৰ দাবীত দলংঘাটত মানৱ শৃংখল কাৰ্যসূচী...

লকডাউনৰ মাজতে চানমাৰিত আধা ঘন্টীয়া যান-জঁট…

419

গুৱাহাটী মহানগৰীত লকডাউনৰ সময়তে সন্ধিয়া ৭ বজাত চানমাৰী ট্ৰেফিক পইন্টৰ সমীপত সৃষ্টি হ’ল এক যান-জঁটৰ। হঠাৎ ক’ৰ পৰা আহিল ইমান যান-বাহন? অসমীয়া প্ৰতিদিনৰ ডিজিটেল সংস্কৰণৰ এক বিশেষ প্ৰতিবেদন।

চানমাৰী ট্ৰেফিক পইন্টৰ সমীপত ৭ বজাৰ পৰাই ৰৈ গৈছিল ইখনৰ পাছত সিখন গাড়ী। শতাধিক গাড়ী গাড়ী এনেদৰে ৰৈ গৈছিল ট্ৰেফিক পইন্টৰ পৰা শিলপুখুৰী দিশে। কিন্তু কিয় যান-জঁটৰ সৃষ্টি হ’ল লকডাউনৰ সময়ত? কোনোৱে ভু নাপালে এই যান-জঁটৰ। দুই একে হৰ্ণ মাৰি লকডাউনৰ সময়ত কিয় এনেদৰে যান-জঁটৰ সৃষ্টি হৈছে তাৰ কাৰণ জানিব বিচাৰে সেই স্থানত থকা যান-বাহন আৰক্ষীলৈ চালে। বুধবাৰৰ সন্ধিয়া প্ৰায় ৭ বজাৰ পৰা ৭.৩০ বজালৈকে আৱদ্ধ হৈ থাকিল এই যান-বাহন সমূহ।

তাৰ কিছু সময় পাছতে অৰ্থাৎ সন্ধিয়া ৭.৩০ বজাত জু-ৰোডৰ দিশৰ পৰা এখন গাড়ী পাৰ হৈ গ’ল । চাইৰেন বজাই পাৰ হৈ যোৱা আৰক্ষীৰ এই গাড়ীখন যোৱাৰ পাছতহে সেই স্থানত আৱদ্ধ হৈ থকা যান-বাহনৰ চালক তথা গৰাকীসকলে গম পালে মুখ্যমন্ত্ৰীৰ কনভয় পাৰ হৈ যাব বিপৰীতে দিশে। তাৰ কিছু সময় পাছতে অৱশ্যে ছাইৰেন নবজোৱাকৈ পাৰ হ’ল মুখ্যমন্ত্ৰীৰ কনভয়।

উল্লেখ্য যে, চানমাৰীত সেই সময়ত আৱদ্ধ হৈ পৰা বাহনসমূহৰ ভিতৰত আছিল কোভিড-১৯ৰ দায়িত্বত থকা স্বাস্থ্য বিভাগৰ কেইবাখনো বাহন। ইয়াৰ উপৰিও পানী, বিদ্যুৎ বিভাগ আৰু অন্যান্য অত্যাৱশ্যকীয় সেৱাৰ বাবে চলাচল কৰিবলৈ দিয়া বাহনো আছিল।

লকডাউনৰ সময়ত এনেদৰে যান-বাহন আৱদ্ধ কৰি থৈ মুখ্যমন্ত্ৰীৰ কনভয় পাৰ কৰোৱা ঘটনাই সেই স্থানত আৱদ্ধ হৈ থকা লোকসকলৰ মাজতো তীব্ৰ প্ৰতিক্ৰিয়াৰ সৃষ্টি কৰিছে। এজনে আনকি ক’লে- ‘যিজন মুখ্যমন্ত্ৰীয়ে ব্যস্ত মহানগৰীত ট্ৰেফিক আইন মানি তেওঁৰ কনভয় চলিব বুলি নিশ্চয়তা দিছিল, সেইজন মুখ্যমন্ত্ৰীৰ কনভয় পাৰ হ’বলৈ এতিয়া লকডাউনৰ সময়ত এই অৱস্থা।’

উল্লেখযোগ্য যে, মুখ্যমন্ত্ৰী সৰ্বানন্দ সোণোৱালৰ কনভয় বিপৰীত দিশৰ পৰা অহা সময়তো কোৰোনা ভাইৰাছৰ এই সংকটময় সময়ত অত্যৱশ্যকীয় আৰু জৰুৰী সেৱাত নিয়োজিত এই যান-বাহন সমূহ এনেদৰে বন্ধ কৰি দিয়া কাৰ্য কিমান যুক্তিগত হৈছে।

আপুনি পঢ়ি ভাল পাব পৰা বাতৰি