শেহতীয়া খবৰ
এছকাৰ্ড বেংকৰ সকলো বিত্তীয় লেনদেনৰ নথি জব্দৰ নিৰ্দেশ গুৱাহাটী উচ্চ ন্যায়ালয়ৰ...  •  পথৰ ওপৰত ট্ৰেভেলাৰ বাগৰি ছজনকৈ লোক আহত....  •  সোণৰ চোৰাং ব্যৱসায়ৰ বিৰুদ্ধে আৰক্ষীৰ অভিযানঃ কুখ্যাত ব্যৱসায়ী ছাহজামালক গ্ৰেপ্তাৰ, ২৭ লাখ টকা জব্দ...  •  মঙলদৈত ভৰা নদীত পৰি এজনৰ মৃত্যু...  •  ৰৌতাত জলসিঞ্চন বিভাগৰ বিৰুদ্ধে ক্ষোভ কৃষকৰ : হাতে হাতে দাঁ, কোৰ লৈ ওলাই আহিল সাধাৰণ কৃষক...  •  ছিপাঝাৰৰ পশ্চিম কুৰুৱাত নাও দুৰ্ঘটনাঃ ৪ জনক উদ্ধাৰ, এতিয়াও সন্ধানহীন আন এজন...  •  নগাওঁ শেনচোৱাত বাগৰি পৰা ট্ৰেভালৰত খুন্দা ছুইফট বাহনৰ...  •  মাৰ্ঘেৰিটাৰ পৰা অৰুণাচললৈ সৰবৰাহৰ যো-জা চলোৱা ১৮ টা গৰুসহ বলেৰ' পিকআপ গাড়ী জব্দ...  •  নগাঁও-হোজাইত দেওঁবাৰে জ্বলিব ড্ৰাগছ...  •  সীমান্তৰ ভালুকমাৰীগাঁৱত অসমৰ লোকক এঘৰীয়া কৰাৰ ষড়যন্ত্ৰ ব্যৰ্থ...

বানে কাঢ়িলে সকলো, অৱশিষ্ট ধন কাঢ়ি নিয়াৰ চেষ্টা অসাধু ব্যৱসায়ীৰ ! ৫ টকাৰ কেণ্ডেলত লৈছে ২৫ টকা…

ডিজিটেল সংবাদ বৰপেটাঃ বৰপেটা জিলাত সৰ্বত্ৰ বানে জুৰুলা কৰাৰ সময়তে বানপৰিস্থিতিৰ সুযোগ গ্ৰহণ কৰি এচাম অসাধু ব্যৱসায়ীয়ে লুণ্ঠন চলোৱাৰ অভিযোগ উত্থাপন হৈছে ৷ এফালে পানীত বুৰ যোৱা ঘৰবাৰী এৰি শিবিৰত আশ্ৰয় গ্ৰহণ ৷ আনফালে খোৱাপানীৰ অভাৱ। নাই কোনো পৰ্যাপ্ত খাদ্য সামগ্ৰী, নাই কোনো পোহৰৰ ব্যৱস্থা ৷

এনে পৰিস্থিতিত বানাক্ৰান্তসকলৰ প্ৰয়োজনীয়তাৰ সুযোগ গ্ৰহণ কৰি এচাম অসাধু ব্যৱসায়ীয়ে নিজৰ ইচ্ছা মতে বৃদ্ধি কৰিছে কেতবোৰ লাগতিয়াল সামগ্ৰীৰ ৷ এই মুহূৰ্তত অকণমান সাহায্য পোৱাৰ আশাৰে বহু বানাক্ৰান্তই চৰকাৰ কিম্বা প্ৰশাসনৰ পিনে বাট চাই আছে ৷

এনে সময়তে বানাক্ৰান্ত সকলে অতিৰিক্ত দামত ক্ৰয় কৰিব লগা হৈছে কণী , আলু , পিঁয়াজ ৷ উত্থাপিত অভিযোগ অনুসৰি বৰপেটা চহৰ আৰু ইয়াৰ আশে পাশে থকা একাংশ ব্যৱসায়ীয়ে আলু প্ৰতি কিলোগ্ৰামত ৪০ টকা , পিয়াঁজ প্ৰতি কিলোগ্ৰামত ৫০-৬০ টকাকৈ বিক্ৰী কৰিছে ৷ আনহাতে কণী প্ৰতি প্লেট ২০০ৰ পৰা ২১০ টকাকৈ বিক্ৰী কৰিছে বুলিও অভিযোগ উত্থাপন হৈছে ৷

যোৱা কিছুদিন ধৰি বিদ্যুৎ সংযোগ ব্যাহত হৈ থকাৰ বাবে বানাক্ৰান্ত লোকসকলে পোহৰৰ অভাৱৰ সন্মুখীন হৈছে ৷ ইয়াৰ সুযোগ গ্ৰহণ কৰি অসাধু ব্যৱসায়ীসকলে কেণ্ডেলৰ দাম বৃদ্ধি কৰিছে ৷ ৫ টকা দামৰ এডাল কেণ্ডেল ২০ টকা দামত বিক্ৰী কৰা বুলি উত্থাপিত হৈছে অভিযোগ ৷ আজি এই সন্দৰ্ভত বিভিন্ন মহলে প্ৰতিক্ৰিয়া ব্যক্ত কৰাৰ লগতে অত্যাৱশ্যকীয় সামগ্ৰীৰ দাম নিয়ন্ত্ৰণৰ ক্ষেত্ৰত প্ৰশাসনক ব্যৱস্থা গ্ৰহণ কৰিবলৈ দাবী উত্থাপন কৰিছে ৷