ডিজিটেল সংবাদ, শিলচৰঃ মাৰ উগ্ৰপন্থীৰ বিৰুদ্ধে অভিযান চলাই কাছাৰ আৰক্ষীয়ে মঙলবাৰে বিশেষ সফলতা লাভ কৰিছে৷ লক্ষীপুৰৰ মহকুমা আৰক্ষী বিষয়া অনুৰাগ শৰ্মাৰ নেতৃত্বত আৰক্ষী আৰু অসম ৰাইফলছৰ ৩৭ নম্বৰ বেটেলিয়নৰ দল এটাই লক্ষীপুৰৰ বেঠালপুঞ্জীত যুটীয়া অভিযান চলাই এই সফলতা লাভ কৰে৷
অভিযান কালত বুজণ পৰিমাণৰ মাৰণাস্ত্ৰ জব্দ কৰা হয়৷ লগতে এজন মাৰ পিপ'লছ কনভেনছন (HPC) ৰ লালবিয়া কুঙ নামৰ দুৰ্ধৰ্ষ কেডাৰক গ্ৰেপ্তাৰ কৰিবলৈ সক্মষ হৈছে৷
উগ্ৰপন্থী জনৰ পৰা এটা এ কে ৫৬ ৰাইফল, এটা এম কে ৩৩ ৰাইফলৰ লগতে ৭.৫৫ এমএমৰ ৫৩ টা আৰু ৫.৫৬ এম এমৰ ১০ টা সক্ৰীয় গুলী, চাৰিখন ডেগাৰসহ বহু আপত্তিজনক নথি জব্দ কৰিছে৷ সম্প্ৰতি জিৰিঘাট থানাত জেৰা কৰি থকা হৈছে মাৰ উগ্ৰপন্থী জনক।