শিলচৰত কেবা লক্ষাধিক টকাৰ ম্যানমাৰৰ নিচা জাতীয় টেবলেট জব্দ…

শিলচৰত কেবা লক্ষাধিক টকাৰ ম্যানমাৰৰ নিচা জাতীয় টেবলেট জব্দ…

ডিজিটেল সংবাদ, শিলচৰঃ গোপন তথ্যৰ ভিত্তিত বিএছএফ আৰু আৰক্ষীয়ে বৃহস্পতিবাৰে শিলচৰত বুজন পৰিমাণৰ নিচা জাতীয় টেৱলেট জব্দ কৰে ৷ মিজোৰামৰ পৰা শিলচৰলৈ অহা MZ01- 8519 নম্বৰৰ স্কৰপিঅ' খন অনুসৰন কৰি বিএছএফ আৰু শিলচৰ আৰক্ষীৰ যুটীয়া দলটোৱে নিচাযুক্ত টেৱলেট খিনি জব্দ কৰে ৷

শিলচৰ চাৰ্ছ ৰোডত থকা এটি গীৰ্জাত প্ৰৱেশ কৰিবলৈ লওতেই অভিযান কাৰী দলটোৱে স্কৰপিও খন ৰখাই তালাচী চলায় ৷ তালাচীৰ সময়ত দলটোৱে স্কৰপিও খনত থকা এটি বেগৰ পৰা ১৯৮ পেকেট ম্যানমাৰত প্ৰস্তুত কৰা টেবলেট উদ্ধাৰ কৰে ৷ WY অৰ্থাত, 'ৱৰ্ল্ড ইজ ইয়ৰ্ছ ' নামৰ টেৱলেটৰ পেকেট সমুহৰ পৰা মুঠ ৩৯,৬২১টা টেবলেট জব্দ কৰে অভিযানকাৰী দলটোৱে ৷

মিজোৰামৰ পৰা শিলচৰলৈ অনা বুজণ পৰিমাণৰ এই টেৱলেট খিনিৰ মূল্য কেবা লাখ টকা হব বুলি বিএছএফৰ এক সুত্ৰই সদৰি কৰে ৷ টেৱলেট খিনিৰ সৈতে এজন ড্ৰাগছ ব্যৱসায়ীক আটক কৰা হয় ৷ ধৃত লোক জনৰ নাম ৰাজেন প্ৰধান ৷ ৰাজেনৰ ঘৰ কাছাৰৰ হৰিনগৰত ৷ ধৃত লোক জনে ড্ৰাগছখিনি তেওঁ অনা বুলি দাবী কৰিছে ৷ সম্প্ৰতি শিলচৰ থানাত ড্ৰাগছ সৰবৰাহ কৰা লোক জনক জেৰা কৰি থকা হৈছে ৷

Related Stories

No stories found.
Code:
logo
Asomiya Pratidin
www.asomiyapratidin.in