শেহতীয়া খবৰ
পুনৰ বৃ্দ্ধিঃ ৰাজ্যত আকৌ ৫১গৰাকীৰ দেহত কোৰোনা... • হাতী-মানুহৰ সংঘাত: নাৰায়ণপুৰত হাহাকাৰ অৱস্থা… • মঙলদৈৰ অল্পনাৰ জীৱন সংগ্ৰামঃ বাৰীৰ কঁচু-ঢেকীয়া বিক্ৰী কৰি পোহপাল দিছে পিতৃ-মাতৃক... • জাজৰি উচ্চতৰ মাধ্যমিকৰ বিদ্যালয়ৰ কেন্দ্ৰত বহিঃৰাজ্যৰ পৰা অহা পৰা অহা ৮০লোকক কোৱাৰেণ্টাইন... • অৰুণাচল প্ৰদেশত পুনৰ বৃদ্ধি কোৰোনা ৰোগীৰ সংখ্যা... • নগাঁও চহৰত নিশা যুৱকৰ অস্বাভাৱিক মৃত্যুক কেন্দ্ৰ কৰি উত্তেজনা, আৰক্ষীৰ শূন্যলৈ গুলী চালনা... • মুপা আৰু মাইবাং ষ্টেচনৰ মাজত ব্যাহত ৰেল সেৱা... • বৰ্ণ বৈষম্যতা! আৰক্ষীৰ হাতত কৃষ্ণাংগৰ মৃত্যুক লৈ ট্ৰাম্প প্ৰশাসনৰ বিৰুদ্ধে প্ৰতিবাদ হাজাৰ হাজাৰ জনতাৰ... • ওদালগুৰি অসামৰিক চিকিৎসালয়ৰ প্ৰথমটো স্বাস্থ্যকৰ্মীৰ দলক কোৱাৰেণ্টাইন... • নাৰায়ণপুৰৰ কোৱাৰেন্টাইন চেন্টাৰত উত্তপ্ত পৰিস্থিতি...VIDEO

শিলচৰ এনআইটিত “অল ইণ্ডিয়া ইণ্টাৰ এনআইটি টেবুল টেনিছ আৰু যোগা টুৰ্ণামেন্ট ২০১৯”ৰ সামৰণি, ৰাইপুৰৰ ছাত্ৰ-ছাত্ৰীৰ সফলতা…

125

ডিজিটেল সংবাদ, শিলচৰঃ যোৱা ১১ অক্টোবৰৰ পৰা তিনিদিনীয়াকৈ শিলচৰ এনআইটিত অনুষ্ঠিত “অল ইণ্ডিয়া ইণ্টাৰ এনআইটি টেবুল টেনিছ আৰু যোগা টুৰ্ণামেন্ট ২০১৯”ৰ দেওবাৰে সামৰণি পৰে। শিলচৰসহ দেশৰ মুঠ ১৭ খন এনআইটিৰ ২১৫ গৰাকী খেলুৱৈয়ে এই টুৰ্ণামেন্টত অংশ গ্রহণ কৰে। শিলচৰ এনআইটিৰ ইনড’ৰ ষ্টেডিয়ামত অনুষ্ঠিত সৰ্বভাৰতীয় পৰ্যায়ৰ এই টুৰ্নামেন্টত কুৰুক্ষেত্র, দুৰ্গাপুৰ, আগৰতলা, জয়পুৰ, ৰাইপুৰ, শিলচৰ, পাটনা, নাগালেণ্ডসহ মুঠ ১৭খন এনআইটিয়ে অংশ গ্রহণ কৰে।

দেওবাৰে শিলচৰ এনআইটিত আয়োজিত সামৰণি অনুষ্ঠানত বিজয়ী প্রতিযোগীসকলৰ হাতত ট্রফি আৰু মানপত্র প্রদান কৰা হয়। টেবুল টেনিছ আৰু যোগা দুয়োটা টুৰ্ণামেন্টতে ৰাইপুৰ এনআইটিৰ ছাত্র আৰু ছাত্রীৰ দল দুটা বিজয়ী হয়। বিজয়ী দলৰ লগতে অনান্য খেলুৱৈ সকলৰ হাতত ট্রফি প্রদান কৰে ক্রমে কাছাৰৰ উপায়ুক্ত লায়া মাদ্দুৰী, প্রাক্তন এছিয়াড জয়দীপ দাস, বক্সাৰ ভাগ্যৱতী কছাৰী, শিলচৰ এনআইটিৰ সঞ্চালক শিবাজী বেনাৰ্জীসহ বিশিষ্ট অতিথি সকলে। অনুষ্ঠানত ভগৱান মেধীৰ বিহু সুৰীয়া বাঁহী বাদনত সকলো আপ্লুত হৈ পৰে।

ইফালে, বিজয়ী খেলুৱৈ সকলক অভিনন্দন জনোৱাৰ লগতে পৰাজিত খেলুৱৈ সকলক উৎসাহিত কৰি উপায়ুক্ত লায়া মাদ্দুৰীয়ে কয় যে, শিলচৰ এনআইটিত এনেধৰণৰ ৰাষ্ট্রীয় পৰ্যায়ৰ অনুষ্ঠানৰ জৰিয়তে এনআইটিখনে এদিন ৰাষ্ট্রীয় পৰ্যায়ত সন্মান বুটলিবলৈ সক্ষম হ’ব।

আপুনি পঢ়ি ভাল পাব পৰা বাতৰি