ডিজিটেল সংবাদ. নুমলীগড়ঃ শ্ৰীমন্ত শংকৰদেৱ সংঘৰ ৮৯ সংখ্যক অধিৱেশনৰ বাবে উদুলি মুদুলি দিহিঙীয়া মহুৰা পথাৰ,বিশ্ব ঐতিহ্য কাজিৰঙা সমন্বয় ক্ষেত্ৰ । অহা ৫ ফ্ৰেব্ৰুৱাৰীৰ পৰা অনুষ্ঠিত হব অধিৱেশন । প্ৰস্তুতি এতিয়া তুংগত । অধিৱেশনলৈ তিশ লক্ষাধিক ভকতৰ সমাগম ঘটাৰ আশা কৰিছে । এই ভকত বৈষ্ণৱক আদৰিৱলৈ সাজু হৈছে আয়োজকসকল ।
আপ্যায়ন ৰ বাবে সেৱা বাহিনীয়ে নিজাববীয়াকৈ আৰম্ভ কৰিছিল বিভিন্ন শাক পাচলি ৰ খেতি । সোনাৰি চাপৰিত প্ৰায় পঞ্চাশ বিঘা মাটিত কৰা আলু খেতিৰ আলু খন্দা পৰ্ব আনুষ্ঠানিক ভাৱে শুভাৰম্ভ কৰে মূল সংঘৰ সংস্কৃতিক বিভাগৰ সভাপতি তথা ৮৯ সংখ্যক অধিৱেশনৰ সমন্বয়ক পবিত্ৰ প্ৰাণ বৰাই ।
এটি প্ৰাথনাৰে শুভাৰম্ভ কৰে আলু খন্দা কাৰ্য ।শ্ৰীমন্ত শংকৰদেৱ সংঘৰ ৮৯ সংখ্যক অধিৱেশনৰ প্ৰায়বোৰ কামেই এতিয়া সম্পূৰ্ণ হোৱাৰ পথত । ইতিমধ্যে দ্ৰুত গতিত চলিছে বাকী ৰৈ যোৱা কামৰ । আলু খন্দাৰ মাজতে মূখত হৰিনামৰ কলি সকলো ভক্তপ্ৰাণ ৰাইজৰ ।
