শেহতীয়া খবৰ
পুৰণিগুদামত বিভিন্ন অনুষ্ঠান-প্ৰতিষ্ঠানৰ শিল্পী দিৱস উদযাপন  •  চৰাইদেউত উদঙীয়া ম’হৰ আক্ৰমণত আহত এজন যুৱক  •  ঢকুৱাখনাৰ "শংকৰ মাধৱ ক্ষেত্ৰ"ৰ শিশু ভাওনা সমাৰোহত দৰ্শকৰ ব্যাপক সমাগম, দ্বিতীয় দিনা যোৰহাটৰ "সীতা হৰণ বালি বধ" ভাওনা প্ৰদৰ্শন  •  নিউ গোৱালপাৰাৰ শিল্পী দিৱসত কবি-সাহিত্যিক সমীন্দ্ৰ হুজুৰি, 'মানুহক এন্ধাৰৰ পৰা পোহৰলৈ অনাত যিয়ে শিল্পী মাধ্যমক ব্যৱহাৰ কৰিব পাৰে সিয়েই জনতাৰ শিল্পী'  •  দ্বিতীয়খন এদিনীয়াত অষ্ট্ৰেলিয়াৰ বিৰুদ্ধে ভাৰতৰ ৩৬ ৰানৰ ব্যৱধানত জয়...  •  ওদালগুৰিত নিশা ভয়ংকৰ পথ দুৰ্ঘটনা, নিহত-আহত ১  •  পৰ্যটন মহোৎসৱৰ দ্বিতীয় দিনটোত লোকে-লোকাৰণ্য ভৈৰৱকুণ্ড, দেশী-বিদেশী পৰ্যটকে সোৱাদ ল'লে বিভিন্ন জনগোষ্ঠীয় থলুৱা খাদ্য  •  আমাক এটা ৰাজনৈতিক দল লাগে, কিন্তু...  •  শোণিতপুৰৰ বৰছলাত ব্যতিক্ৰমীৰূপত শিল্পী দিৱস উদযাপন  •  দক্ষিন শালমাৰাৰ ফেৰছাঁটাৰীত ভূমি কেন্দ্ৰিক সংঘাতঃ জ্বলাই দিলে ঘৰ, পাঁচ লক্ষাধিক টকাৰ ক্ষতি

নগাঁও-কাৰ্বিআংলং সীমান্তৱৰ্তী হাতীখলি-ৰংহাঙবাসীয়ে বনৰীয়া হাতীলৈ আগবঢ়ালে নৰাভোগ…

100

ডিজিটেল সংবাদ ,চামগুৰিঃ নগাঁও-কাৰ্বিআংলং জিলাৰ সীমান্তৱৰ্তী হাতীখলি-ৰংহাং গাঁৱৰ ৰাইজে পুনৰবাৰ দেখুৱালে আন এক উল্লেখযোগ্য নিদৰ্শন। “হাতীবন্ধু” আৰু গুৱাহাটীৰ প্ৰদীপ ভূঞাৰ উদ্যোগত আৰু চাপানালাৰ প্ৰকৃতিপ্ৰেমী যুৱক বিনোদ দুলু বৰাৰ নেতৃত্বত হাতীখলি-ৰংহাঙবাসীয়ে বনৰীয়া হাতীৰ বাবে কৰা ২০০ বিঘা মাটিৰ ধান খেতি বন্যহস্তীৰ কেইবাটাও সৰু-বৰ জাকে খাই অন্ত পেলোৱাৰ পিছত থাকি যোৱা ধানৰ নৰা কাটি আনি স্থানীয় ৰাইজে পুনৰ বনৰীয়া হাতীৰ জাকলৈ বুলি আজি পৰম্পৰাগতভাৱে পথাৰৰ দাঁতিত ভোগ আগবঢ়ায়।

ব্যতিক্ৰম মাথো এটাই পাহাৰ-ভৈয়াম সকলো ঠাইৰ মানুহে যাতে বনৰীয়া হাতীক শত্ৰু জ্ঞান নকৰি শ্ৰদ্ধাৰ চকুৰে চাই তাৰ বাবে এইবাৰ ৰংহাঙবাসীয়ে “নৰাভোগ”খিনি হাতীলৈ উছৰ্গা কৰাৰ সময়ত সকলো ধৰ্মৰে ধৰ্মগুৰুসকলৰ দ্বাৰা সেৱা আগবঢ়ায়। নৰাভোগ প্ৰদানৰ সময়ত বিনোদ দুলু বৰাই অঞ্চলটোৰ সকলো ধৰ্মাৱলম্বী ৰাইজক একত্ৰিত কৰি খ্ৰীষ্টানৰ ধৰ্ম-যাজকৰ দ্বাৰা বাইবেল, মুছলমানৰ জোনাৱৰ দ্বাৰা কোৰাণ পাঠ কৰোৱাৰ লগতে কাৰ্বিসকলেও নিজৰ দোৱানত কৰা গণেশ বন্দনাৰে মুখৰিত হৈ পৰে সমগ্ৰ অঞ্চলটো। যাতে অঞ্চলটোৰ সকলো ধৰ্মাৱলম্বী লোকে খাদ্য সন্ধানত পাহাৰ অথবা ভৈয়ামত বিচৰণ কৰা বনৰীয়া হাতীক এতিয়াৰ পৰা শ্ৰদ্ধা চকুৰে চায় সহাৱস্থান কৰাৰ চেষ্টা কৰে৷

ইফালে, বন্যহস্তী আৰু মানুহৰ মাজৰ সংঘাত ৰোধ কৰিবৰ বাবে বিনোদ দুলু বৰাৰ লগতে ৰংহাঙবাসীয়ে হাতত লোৱা এই একনিষ্ঠ প্ৰচেষ্টাৰ নিদৰ্শন দেখি অঞ্চলটোত নগাঁও জিলাৰ উপায়ুক্তগৰাকী উপস্থিত হৈ ৰাইজক ভূয়সী প্ৰশংসা কৰাৰ লগতে ভূমি তথা খেতিমাটিৰ ক্ষেত্ৰত চৰকাৰীভাবে আৱশ্যকীয় যাৱতীয় ব্যৱস্থা শীঘ্ৰে গ্ৰহণ কৰি গাঁওখনৰ দৰিদ্ৰ কৃষক সকলক সাময়িকভাবেও সকাহ দিয়াৰ বিষয়ে পূৰ্ণ আশ্বাস প্ৰদান কৰে৷

আপুনি পঢ়ি ভাল পাব পৰা বাতৰি