ডিজিটেল ডেস্কঃ শনিবাৰে সৰ্বোচ্চ ন্যায়ালয়ে অযোধ্যা গোচৰৰ ঐতিহাসিক ৰায়দান প্ৰদান কৰে। ৰায়দান প্ৰদানৰ পাছতে এই সন্দৰ্ভত প্ৰতিক্ৰিয়া ব্যক্ত কৰিলে ছলমান খানৰ পিতৃ ছলিম খানে। তেওঁ কয় যে, মুছলমানক দিয়া ৫ একৰ ভূমিত বিদ্যালয় নিৰ্মাণ কৰিব লাগে। লগতে তেওঁ কয়- ভাৰতৰ মুছলমানসকলক মছজিদৰ নহয়, বিদ্যালয়ৰহে প্ৰয়োজন।
সৰ্বোচ্চ ন্যায়ালয়ৰ ৰায়দানক সমৰ্থন জনাই ছলিম খানে কয়- এতিয়াঅযোধ্যাৰ গোচৰ সমাপ্ত হ'ল। গতিকে সকলোৱে শান্তি আৰু একতাৰে জীৱন যাপন কৰিব লাগে।ইফালে, অভিনেতা ছলমান খানে এই সন্দৰ্ভত কয় যে- 'মই সৰ্বোচ্চ ন্যায়ালয়ৰ ৰায়দানকসমৰ্থন জনাইছো। মুছলমান সম্প্ৰদায়ৰ লোকসকলে এতিয়া আৰু এই বিষয়টো চৰ্চা কৰিবনালাগে। আৰু এই ৫ একৰ ভূমিত মহাবিদ্যালয়ৰ নিৰ্মাণ কৰিলে বেছি ভাল হ'ব।'