ডিজিটেল ডেস্কঃ দিল্লীৰ উপমুখ্যমন্ত্ৰী তথা আপৰ নেতা মনিষ চিছদিয়াৰ বিৰুদ্ধে ১০০ কোটি টকাৰ মানহানি গোচৰ তৰিলে ৰিনিকি ভূঞা শৰ্মাই। পিপি ই কিট কেলেংকাৰীক লৈ মনিষ চিছদিয়াই দিল্লীত এক সংবাদমেল অনুষ্ঠিত কৰিছিল। এই সংবাদ মেলতে ৰিণিকি ভূঞাৰ সন্দৰ্ভত গুৰুতৰ অভিযোগ উত্থাপন কৰিছিল।
৪ জুনত দিল্লীত আম আদমী পাৰ্টীৰ নেতা তথা দিল্লীৰ উপ-মুখ্যমন্ত্ৰী মনীষ চিছদিয়াই মুখ্যমন্ত্ৰী ড০ হিমন্ত বিশ্ব শৰ্মাৰ পত্নীৰ বিৰুদ্ধে এন এইছ এমৰ ঠিকাৰ দ্বাৰা পিপিই কীট যোগান ধৰা বুলি সংবাদ মেলখনত কৈছিল। পিপিই কীট সন্দৰ্ভত দিয়া সেই সংবাদ মেলত অনাহকত চৰকাৰী ঠিকাৰ সৈতে ৰিণিকি ভূঞা শৰ্মাৰ নাম সাঙুৰি লৈছিল বুলি পৰৱৰ্তী সময়ত মুখ্যমন্ত্ৰী ড০ হিমন্ত বিশ্ব শৰ্মাই ঘোষণা কৰিছিল।
আজি ৰিণিকি ভূঞা শৰ্মাৰ হৈ অধিবক্তা পদ্মধৰ নায়কে চিভিল আদালতত গোচৰ তৰে। অধিবক্তাৰ মতে, জে চি বি ইণ্ডাষ্টিৰ ১৪৮৫টা পি পিই কীট CSRৰ মতে দান কৰিছে অসম চৰকাৰক। জে চি বি ইণ্ডাষ্টিয়ে কোনো বিল ৰাষ্ট্ৰীয় স্বাস্থ্য মিছনক দাখিল কৰা নাই।
