শেহতীয়া খবৰ
কেবৰ বিৰুদ্ধে ঢকুৱাখনা ঘিলামৰা ছাত্ৰ সমাজৰ লগতে আছু, আটাছু ঢকুৱাখনা আঞ্চলিক সমিতিৰ তীব্র প্ৰতিবাদ...  •  ট্ৰাকৰ খুন্দাত আহত হৈ চিকিৎসালয়লৈ নিয়াৰ পথত মৃত্যু অভিনেতা অনুপম কৌশিকৰ...  •  ৰহাত ট্ৰাকৰ খুন্দাত গুৰুতৰভাৱে আহত মহিলা...  •  অভয়াপুৰীত বিজেপিৰ কাৰ্যালয়ৰ সন্মুখতে আছুৱে জ্বলালে মোডী-সোণোৱালৰ প্ৰতিকৃতি... VIDEO  •  লখিমপুৰৰ বগীনদী সদৰত নাগৰিকত্ব সংশোধনী বিধেয়কৰ বিৰুদ্ধে অৱস্থান ঘৰ্মঘট...  •  কটনিয়ানৰ আহ্বানত গুৱাহাটীত সমবেত হ'ল সহস্ৰাধিক কেব বিৰোধী ছাত্ৰ-ছাত্ৰী, শিক্ষাবিদ, বুদ্ধিজীৱী, সাংবাদিক, VIDEO  •  গেলাবিল আঞ্চলিক ছাত্ৰ সন্থাৰ বিক্ষোভ কাৰ্যসূচীঃ কেব গৃহীত কৰিলে সমগ্ৰ অসম জ্বলাৰ হুংকাৰ  •  মানকাচৰৰ ভাৰত-বাংলাদেশ সীমান্তত বিএছএফৰ গুলীত নিহত গৰু সৰবৰাহকাৰী  •  নাগৰিকত্ব সংশোধনী বিধেয়কৰ বিৰোধিতাৰে দৰং জিলা সাহিত্য সভাৰ অবস্থান ধৰ্মঘট  •  বিশিষ্ট শিক্ষাবিদ, সমাজ সংস্কাৰক সত্যনাথ দাসৰ দেহাৱসান

অসমীয়া প্ৰতিদিনৰ সাংবাদিক দিব্যজ্যোতি নাথক আৰোহণ সাংবাদিকতা বঁটা প্ৰদান…

176

ডিজিটেল সংবাদ, গুৱাহাটীঃ গুৱাহাটী জিলা পুথিভড়াল প্ৰেক্ষাগৃহত বৃহস্পতিবাৰে অনুষ্ঠিত হোৱা এক গাৰ্ম্ভীৰ্য্যপূৰ্ণ অনুষ্ঠানত অসমৰ অন্যতম সাহিত্য, সাংস্কৃতিক আৰু সামাজিক অনুষ্ঠান আৰোহণ আৰ্টীষ্ট গীল্ডে অসমীয়া প্ৰতিদিনৰ তেজপুৰৰ ষ্টাফ ৰিৰ্পটাৰ দিব্যজ্যোতি নাথক অনুসন্ধানমুলক সাংবাদিকতাৰ বাবে ২০১৮-১৯ বৰ্ষৰ অসমৰ শ্ৰেষ্ঠ সাংবাদিক হিচাপে আৰোহন মিডিয়া বঁটা প্ৰদান কৰে ।

অসমৰ বিশিষ্ট সাহিত্যিক ভবানী প্ৰসাদ অধিকাৰীৰ উপস্থিতিত অনুষ্ঠিত হোৱা সভাত  আৰোহণ আৰ্টীষ্ট গীল্ডে সাংবাদিক দিব্যজ্যোতি নাথলৈ আৰোহন মিডিয়া বটাৰ লগত সৰ্ম্বধনা পত্ৰ, স্মাৰক, বিশিষ্ট সাংবাদিক কীৰ্তিনাথ হাজৰিকাৰ ৰচিত ৰচনাৱলী, জাপি, পাটৰ চেলেং আৰু ফুলাম গামোচাৰে সৰ্ম্বধনা জনায় ।

উল্লেখ্য যে আৰোহণ আৰ্টীষ্ট গীল্ডে ১৯ তম প্ৰতিষ্ঠা দিৱসৰ লগত সংগতি ৰাখি অনুষ্ঠিত কৰা বঁটা প্ৰদান আৰু বাৰেৰহনীয়া সাংস্কৃতিক সমাৰোহৰ শুভ উদ্বোধন কৰে সদৌ অসম সাংবাদিক সন্থা(আজু)ৰ সভাপতি পংকজ কুমাৰ নাথে। সমাৰোহৰ উদ্বোধন কৰি দিয়া ভাষন প্ৰসংগত নাথে কয় বটা প্ৰদানে প্ৰতি গৰাকি ব্যক্তিকে অধিক দায়িত্বশীল কৰি তোলে।

গুৱাহাটী জিলা পুথিভঁড়াল প্ৰেক্ষাগৃহত আবেলি ৩ বজাৰ পৰা আৰম্ভ হোৱা অনুষ্ঠানত সাংবাদিক দিব্যজ্যোতি নাথৰ লগতে সাংবাদিক নৰেশ কলিতাকো আৰোহন মিডিয়া বটা প্ৰদান কৰে । অনুষ্ঠানত কামৰূপী লোকগীত, হোলী গীত, বিহু নৃত্যৰ উপৰি তেজপুৰৰ সাংস্কৃতিক দলেও নৃত্য প্ৰৰ্দশন কৰে ।  বিশিষ্ট সাহিত্যিক ভবানী প্ৰসাদ অধিকাৰীয়ে নিজা ভাষণত কয় সাংবাদিক সকলে বহু প্ৰত্যাহ্বানৰ মাজেৰে সাংবাদিকতা কৰে আৰু যেতিয়া সাংবাদিক সকললৈ বঁটা আগবঢ়াই তেতিয়া অতি গৰ্ব অনুভৱ কৰো ।

জিলা পুথিভড়ালত অনুষ্ঠিত হোৱা অনুষ্ঠানৰ আঁত ধৰে আৰোহন আৰ্টীষ্ট গীল্ডৰ সভাপতি দিলীপ নাথে । উল্লেখ্য যে আজি গীল্ডে সাংবাদিকতাকে ধৰি বিভিন্ন ক্ষেত্ৰত অৰিহনা আগবঢ়াই অহা কেইবাজনো বিশিষ্ট ব্যক্তিক বটা প্ৰদান কৰে । অনুষ্ঠানত মণিপুৰী সাহিত্য পৰিষদৰ সভাপতিকে ধৰি বহু কেই গৰাকি বিশিষ্ট ব্যক্তি উপস্থিত থাকে।

আপুনি পঢ়ি ভাল পাব পৰা বাতৰি