শেহতীয়া খবৰ
লখিমপুৰৰ বগীনদীত কেবৰ বিৰুদ্ধে ৭ সংগঠনৰ প্ৰতিবাদ-পথ অৱৰোধৰ লগতে প্ৰতিকৃতি দাহ  •  ডিব্ৰুগড়ত 'No Cab' আতংক! বিধায়কৰ ঘৰ, এজিপি-বিজেপিকে ধৰি সকলো ৰাজনৈতিক দলৰে কাৰ্যালয়ত আছুৰ কেব বিৰোধী অভিযান, VIDEO  •  কৰ্ণাটকত অস্ত্ৰ আৰু ৫খন বাহনসহ ৪ দুৰ্বৃত্তক গ্ৰেপ্তাৰ...  •  কেবৰ বিৰুদ্ধে কটনিয়ানৰ প্ৰতিবাদঃ কটন বিশ্ববিদ্যালয়ৰ সাধাৰণ সম্পাদকৰে বিশেষ আলাপ...  •  কোকৰাঝাৰত নেচনেল ইনিচিয়েটিভ ফৰ স্কুল হেড এণ্ড টিচাৰ্ছ হলিষ্টিক এডভান্সমেণ্ট চমুকৈ নিষ্ঠাৰ প্ৰশিক্ষণ সমাপ্ত, শিক্ষা হ'ল জীৱনৰ লাইখূঁটাঃ জে পি ব্ৰহ্ম  •  ১০০ শতাংশ অপৰাধ দূৰ কৰাতো ভগৱান ৰামৰ বাবেও হয়তো সম্ভৱ নহয়ঃ মন্ত্ৰী ৰণবেন্দ্ৰ প্ৰতাপ সিং... VIDEO  •  প্ৰসংগঃ নাগৰিকত্ব সংশোধনী বিধেয়ক, চেঙাত আঞ্চলিক ছাত্ৰ সন্থাৰ বিক্ষোভ কাৰ্যসূচী, VIDEO  •  শিক্ষা বিভাগৰ আজৱ কাণ্ড! অসমীয়া মাধ্যমৰ বিদ্যালয়ত বিলালে বাংলা ভাষাৰ পুথি, VIDEO  •  ২২ ডিচেম্বৰত মহানগৰীত 'আছাম কিডছ ছুপাৰ টেলেণ্ট' প্ৰতিযোগিতা, প্ৰদান কৰা হ'ব 'চিলড্ৰেন ছুপাৰ টেলেণ্ট এৱাৰ্ড, ২০১৯’  •  তামিলনাডুৰ নদীত জাৱৰ পেলালে টাউন পঞ্চায়ত কৰ্মীয়ে... VIDEO

সাংসদ আজাম খানৰ বিৰুদ্ধে ৰুজু ২৩টাকৈ গোচৰ…

63

ডিজিটেল ডেস্কঃ সমস্যাই লগ নেৰা হৈছে উত্তৰপ্ৰদেশৰ ৰামপুৰৰ সাংসদ তথা সমাজবাদী পাৰ্টিৰ নেতা আজাম খানৰ। কিয়নো বৃহস্পতিবাৰে তেওঁৰ নাম সাঙোৰ খাই ভূ-মাফিয়াৰ তালিকাত। তাৰপাছতেই সাংসদগৰাকীয়ে প্ৰতিক্ৰিয়া ব্যক্ত কৰি কয়- মোৰ বিৰুদ্ধে ৰুজু কৰা ২৩টা গোচৰ ভিত্তিহীন। আৰু এয়া প্ৰতিশোধ লোৱাৰ উদ্দেশ্যে কৰা হৈছে।

ৰামপুৰৰ সাংসদগৰাকীয়ে লগতে কয়- ‘মোৰ সৈতে যি হৈ আছে সেয়া সমগ্ৰ দেশে দেখিছে। একাংশই মোৰ বাবে প্ৰাৰ্থনাও কৰিছে।’ নিজৰ জীৱনৰ প্ৰতি ভাবুকি অহাৰ কথা উল্লেখ কৰি তেওঁ কয়- ‘এই হিংসাই মোৰ প্ৰাণ যেন কাঢ়ি লৈ নাযায়।’

লগতে সাংসদগৰাকীয়ে তেওঁৰ বিৰুদ্ধে ৰুজু হোৱা গোচৰ সন্দৰ্ভত কয় যে, যিখিনি ভূমি ১২-১৪ বছৰ পূৰ্বেই পঞ্জীয়ন কৰা হৈছিল আৰু তাৰ বাবে ধনো দি দিয়া হৈছিল সেই ভূমিখিনিক লৈয়ে বৰ্তমান সংঘৰ্ষৰ সৃষ্টি কৰা হৈছে।

বিজেপিক উদ্দেশ্যি ৰামপুৰৰ সাংসদ খানে কয়- একাংশই শিক্ষাৰ বাবে ভূমি দিয়ে, কিন্তু বিজেপিয়ে এই ভূমি কাঢ়ি লোৱাৰ কাম কৰে। ইফালে, ৰামপুৰৰ আৰক্ষী অধীক্ষক অজয় পাল শৰ্মাই জনায় যে- বৰ্তমানলৈ সাংসদ আজাম খানৰ বিৰুদ্ধে ২৩টাকৈ গোচৰ ৰুজু কৰা হৈছে। তেওঁৰ বিৰুদ্ধে ভূ-মাফিয়াৰ সৈতে সম্পৰ্ক থকাৰ অভিযোগ উত্থাপন হৈছে। লগতে তেওঁ জনায় যে, এই ঘটনা সন্দৰ্ভত তদন্ত কৰিবলৈ গঠন কৰা হৈছে এটা তদন্তকাৰী কমিটী।

আপুনি পঢ়ি ভাল পাব পৰা বাতৰি