শেহতীয়া খবৰ
শিলচৰত সংখ্যালঘু আৰু চাহ জনগোষ্ঠীয় ভোটাৰে নিৰূপণ কৰিব সুস্মিতা-ৰাজদ্বীপৰ ভাগ্য  •  গভীৰ ৰহস্যৰ আৱৰ্তত চাপৰৰ বিজেপি নেতা তথা চিকিৎসক হত্যাকাণ্ডৰ ঘটনা, VIDEO  •  সোণোৱাল-মোডী চৰকাৰৰ প্ৰশংসাত পঞ্চমুখ অতুল বৰা  •  নতুন দিল্লীত ভাৰত চৰকাৰৰে নগা বিদ্ৰোহী এনএছচিএন (আই এম)ৰ যুদ্ধ বিৰতি পৰ্যালোচনা বৈঠক  •  মথুৰাপুৰৰ শ্ৰীপুৰত আশীৰ্বাদ গ্ৰাম্য সংগঠনৰ কাৰ্যালয় নিৰ্মাণৰ শুভাৰম্ভ  •  প্ৰধানমন্ত্ৰীৰ ৫৬ ইঞ্চিৰ বুকুক উপহাস! মোডীক লৈ নিৰ্মাণ হ’ব লাগে কমেডী চিনেমা, কাৰ মন্তব্য এয়া...  •  ফ্লায়িং স্কোৱাডৰ দলক বাধাঃ হেলিকপ্টাৰত তালাচী চলাবলৈ নিদিলে কেন্দ্ৰীয় মন্ত্ৰী ধৰ্মেন্দ্ৰ প্ৰধানে, VIDEO  •  থানাৰ ভিতৰতে কোন কংগ্ৰেছ নেতাই কাক শোধালে চৰ... VIDEO  •  তামুলপুৰৰ ছলিকান্দাত ইউপিপিএলৰ নিৰ্বাচনী সভা  •  ৰৌমাৰী পাথাৰত অঘটন, ট্ৰেক্টৰৰ চেপাত এজনৰ মৃত্যু

১৬ ফেব্ৰুৱাৰীলৈ বৃদ্ধি পাব পাৰে ৰাজ্যসভাৰ কাৰ্য-ক্ৰমণিকা! সদনতে ঘোষণা গোৱেলৰ…

উত্তৰ-পূবৰ প্ৰতিবাদী শক্তিৰ সমৰ্থনত একাংশ সাংসদেও গ্ৰহণ কৰিছে কঠোৰ স্থিতি

611

ডিজিটেল সংবাদ, নতুন দিল্লীঃ বিৰোধীৰ প্ৰতিবাদত ৰাজ্যসভাৰ কাৰ্য-ক্ৰমণিকা মঙলবাৰে ২ বজা পৰ্যন্ত পিচুৱাই দিব লগা হোৱাত নাগৰিকত্ব সংশোধনী বিধেয়ক আজি উত্থাপন কৰাৰ সুযোগো নোহোৱা হৈছে। কিয়নো এই অধিবেশনত ৰাষ্ট্ৰপতিৰ ভাষণৰ ধন্যবাদ সূচক প্ৰস্তাৱ গ্ৰহণ কৰাতো বাধ্যতামূলক। সেয়ে দিনৰ ২ বজাৰ পৰা পুনৰ অনুষ্ঠিত হ’ব লগা বৈঠকত যিকোনো প্ৰকাৰে ৰাষ্ট্ৰপতিৰ ভাষণৰ ওপৰত ধন্যবাদ সূচক প্ৰস্তাৱ গ্ৰহণ কৰোৱাৰ বাবে বিৰোধীক সৈমান কৰাবলৈ চৰকাৰ পক্ষ আলোচনাতো বহিছে।

ইফালে, সদন স্থগিত হোৱাৰ পূৰ্বেই সংসদীয় পৰিক্ৰমা মন্ত্ৰী বিজয় গোৱেলে এই কথা ঘোষণা কৰে যে- প্ৰয়োজন হ’লে দুদিন বা তিনি দিনৰ বাবে ৰাজ্যসভাৰ সময় বৃদ্ধি কৰা হ’ব। কিন্তু এনে সিদ্ধান্ত লোৱাৰ ক্ষেত্ৰত সংসদীয় পৰিক্ৰমাৰ সাংবিধানিক বিধি-ব্যৱস্থাৰ মতে, সদনৰ কাৰ্য-ক্ৰমণিকা পৰামৰ্শদাতা সমিতিৰ (বিজনেজ এডভাইছ’ৰী কমিটী) অনুমোদন লোৱাটো সাংবিধানিক পৰম্পৰা যদিও, যোৱা লোকসভা ক্ষেত্ৰতেই কাৰ্য-ক্ৰমণিকাত নথকা সত্তেও নাগৰিকত্ব সংশোধনী বিধেয়ক উত্থাপন কৰা হৈছিল। সেয়ে সদনৰ কাৰ্য-কাল বৃদ্ধি কৰাৰ ক্ষেত্ৰত পৰামৰ্শদাতা সমিতিৰ অনুমোদন লোৱা হ’ব নে নাই, অথবা বিজেপি দলে এনে পৰম্পৰা মানি চলিব নে নাই সেয়া বিশ্বাসযোগ্য নহয়।

শাসক দলটোৰ লক্ষ্য হ’ল- যদিহে বিৰোধীৰ হুলস্থূলত আজি ৰাষ্ট্ৰপতিৰ ভাষণৰ ওপৰত ধন্যবাদসূচক প্ৰস্তাৱ ২ বজাৰ পৰা অনুষ্ঠিত হ’ব লগা সদনত গ্ৰহণ কৰাৰ ক্ষেত্ৰত চৰকাৰ পক্ষ পুনৰ ব্যৰ্থও হয়, তথাপি তিনিদিন সময় বৃদ্ধি কৰি হ’লেও যিকোনো প্ৰকাৰে নাগৰিকত্ব সংশোধনী বিধেয়ক উত্থাপন আৰু অনুমোদন নিশ্চিত কৰিবলৈ তেওঁলোক বদ্ধপৰিকৰ হৈ উঠিছে। এয়া গণতান্ত্ৰিক পৰম্পৰা তথা সাংবিধানিক বিধি-ব্যৱস্থাৰ ওপৰত দেখ দেখকৈ পূৰ্ণ আক্ৰমণ বুলিও বিভিন্নজনে মত প্ৰকাশ কৰিছে।

আপুনি পঢ়ি ভাল পাব পৰা বাতৰি