শেহতীয়া খবৰ
পুলৱামা কাণ্ডক লৈ ছ’চিয়েল মিডিয়াত ৰাজ্যপালৰ বিতৰ্কিত মন্তব্য  •  সাংস্কৃতিক কৰ্মী ভাস্কৰ দত্তৰ মৃত্যুত শিৱসাগৰত গভীৰ শোক  •  ডাইনী সন্দেহত কোকৰাঝাৰত একে পৰিয়ালৰ ৩ সদস্যক আক্ৰমণ  •  কেবিনেটৰ অনুমোদন, অতীত হ’ব তিনি তালাক  •  ডিব্ৰুগড়ৰ লক্ষীনগৰত ৰে’ল খুন্দাত নিহত মাতৃ-কন্যা  •  পুলৱামা ঘটনাক লৈ কি প্ৰতিক্ৰিয়া প্ৰতিৰক্ষা মন্ত্ৰীৰ  •  পুলৱামা ঘটনাক লৈ কি প্ৰতিক্ৰিয়া প্ৰতিৰক্ষা মন্ত্ৰীৰ  •  ৰাণা গোস্বামীক এ আই চি চিৰ সম্পাদক নিযুক্তি  •  কেন্দ্ৰীয় চৰকাৰৰ কৰ্মচাৰী সকলৰ বাবে সুখবৰ...  •  ডিব্ৰুগড়ৰ লক্ষীনগৰত ৰে’লৰ খুন্দাত প্ৰাণ গ’ল পাঁচ বছৰীয়া কন্যাৰ লগতে মাতৃৰ...

নতুন ৰবটেৰে ‘বাহুবলী’ক পিছ পেলাবলৈ সাজু ৰজনীকান্ত

1,185

ডিজিটেল ডেস্কঃ হলীউডকো পিছ পেলাই অচিৰেই ছবিঘৰলৈ আহিব’ দক্ষিণৰ ছুপাৰষ্টাৰ ৰজনীকান্তৰ ‘ৰবট ২.০’। যোৱা দুবছৰ ধৰি চৰ্চাত থকা ছবিখনত দক্ষিণৰ ছুপাৰষ্টাৰ ৰজনীকান্ত আৰু অক্ষয় কুমাৰে কৰিছে দুৰ্দান্ত অভিনয়।

হলীউডতকৈও অত্যাধুনিক প্ৰযুক্তি ব্যৱহাৰ হোৱা ছবিখনত কেৱল ভি এফ এক্সতে খৰছ কৰা হৈছে ৭৫ মিলিয়ন ডলাৰ। বৃহস্পতিবাৰে বহু অপেক্ষিত ছবিখনৰ ১.৫ মিনিট জোৰা ট্ৰেইলাৰ মুক্তি দিয়া হয়।

কিছুদিনৰ পৰা ছবিখনৰ পষ্টাৰ ছচিয়েল মিডিয়াত আপলোড কৰি আহিছে অভিনেতা অক্ষয় কুমাৰে। এক টুইটৰ জৰিয়তে অভিনেতাজনে জনায় যে ‘ছবিখনত ৩০০০ হাজাৰৰো অধিক কাৰিকৰী বিশেষজ্ঞই কাম কৰিছে। লগতে এখন হলীউডৰ ছবিত ব্যৱহাৰ কৰা কাৰিকৰী কৌশলতকৈ অত্যাধুনিক কৌশল অৱলম্বন কৰা হৈছে বুলি জনায় অভিনেতাগৰাকীয়ে।

উল্লেখ্য যে, বাহুবলীকো অতিক্ৰম কৰা শংকৰ পৰিচালিত এই ছবিখনৰ বাজেট হৈছে ৫৫০ কোটি। দেশৰ সবাতোকৈ ব্যয়বহুল ছবিখনত অভিনয়ৰ বাবদ অক্ষয় কুমাৰৰ মাননি ৪৫ কোটি টকা। ছবিখনত অসমৰ সু-সন্তান তথা অভিনয়ৰে আন্তৰ্জাতিক ক্ষেত্ৰখনত বিশেষ স্থান দখল কৰিবলৈ সমৰ্থ হোৱা আদিল হুছেইনেও এটি চৰিত্ৰ ৰূপায়ণ কৰিছে।

খবৰ অনুসৰি এই ছবিখনৰ এটা বিশেষ দৃশ্যৰ দৃশ্যগ্ৰহণত খৰছ কৰা হৈছে ২০ কোটি টকা। দেশ-বিদেশৰ কোটি কোটি অনুৰাগীয়ে অপেক্ষা কৰি থকা এই ছবিখনৰ মুক্তিৰ দিন ঠিক হোৱা নাই যদিও ইয়াৰ সৈতে জড়িতসকলে দাবী কৰিছে যে এই ছবিখন উপভোগ কৰাৰ পাছত দৰ্শকে ‘বাহুবলী’ৰ সোৱাদো পাহৰি পেলাব।

আপুনি পঢ়ি ভাল পাব পৰা বাতৰি