শেহতীয়া খবৰ
পাগলদিয়া নৈৰ বাঢ়নি পানীৰ তলত বুৰ গৈছে খৈৰকুছি প্ৰাথমিক বিদ্যালয়...  •  মাজুলীত নাও দুৰ্ঘটনা, সন্ধানহীন এজন, কথমপি প্ৰাণৰক্ষা দুজনৰ...  •  নলবাৰীত পৰিয়ালকেন্দ্ৰিক সংঘাত! ভাইবোৱাৰীক দাৰে আক্ৰমণ...  •  বাটগাঁৱত পথ দুৰ্ঘটনা, কথমপি প্ৰাণ ৰক্ষা চেঙা জিলা পৰিষদৰ সদস্যৰ...  •  শিৱসাগৰত ড্ৰাগছসহ ৩ যুৱক আটক...  •  নলবাৰীত বিদ্যুৎ খুঁটা ভাঙি কথমপি প্ৰাণৰক্ষা ছাত্ৰীৰ...  •  এন‌আৰচিৰ বায়'মেট্ৰিক প্ৰক্ৰিয়াৰ বাবে মুকলিকৈ ধনদাবী কৰ্মচাৰীৰ! VIDEO  •  শিলচৰ ষ্টেচনত ৰে’লৰ শৌচালয়ত অচিনাক্ত যুৱকৰ মৃতদেহ উদ্ধাৰ...  •  হাইলাকান্দিত ১০ কোটি টকাৰ হীৰাসহ দুগৰাকী মহিলাক গ্ৰেপ্তাৰ...  •  চৰাইদেউত “গ্ৰীষ্মকালীন গীতৰ কৰ্মশালা”ৰ আয়োজন

নাগৰিকত্ব সংশোধনী বিধেয়ক বাতিলৰ দাবীত উত্তাল প্ৰতিবাদ শিক্ষাৰ্থীৰ

গৰৈমাৰীত সৰ্বা-হিমন্তৰ প্ৰতিকৃতি দাহ, শ্ৰেণীবৰ্জন 

148

ডিজিটেল সংবাদ, গৰৈমাৰীঃ কামৰূপ জিলাৰ ছয়গাঁও বিধানসভা সমষ্টিৰ অন্তৰ্গত গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ ছাত্ৰ একতা সভাৰ উদ্যোগত জাতিধ্বংসী নাগৰিকত্ব সংশোধনী বিধেয়ক-২০১৬ আইন বাতিলৰ দাবীত শুক্ৰবাৰে বিয়লি গৰৈমাৰীত শিক্ষাৰ্থীসকলে সৰ্বানন্দ সোণোৱাল আৰু ড০ হিমন্তবিশ্ব শৰ্মাৰ প্ৰতিকৃতি দাহ কৰি উত্তাল প্ৰতিবাদ সাব্যস্ত কৰে৷

জানিব পৰামতে শুক্ৰবাৰে বিয়লি ২.৪০ বজাত গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ শিক্ষাৰ্থীসকলে মহাবিদ্যালয় খেলপথাৰৰ পৰা হাতে হাতে প্লেকাৰ্ড, বেনাৰ আদি লৈ বিজেপি চৰকাৰ মুৰ্দাবাদ, মুখ্যমন্ত্ৰী সৰ্বানন্দ সোণোৱাল-ড০ হিমন্তবিশ্ব শৰ্মা মুৰ্দাবাদ, জাতিধ্বংসী নাগৰিকত্ব সংশোধনী বিধেয়ক-২০১৬ আইন বাতিল কৰক, বিজেপি চৰকাৰ হায় হায়, বিজেপি চৰকাৰ হুঁচিয়াৰ আদি শ্ল’গান দি গৰৈমাৰীৰ বজাৰ এলেকা মুখৰ কৰি তোলে৷

পিচত প্ৰতিবাদকাৰীসকলে অনুৰূপ শ্ল’গান দি গৰৈমাৰী বজাৰৰ চাৰিআলি চ’কত মুখ্যমন্ত্ৰী সৰ্বানন্দ সোণোৱাল আৰু ড০ হিমন্তবিশ্ব শৰ্মাৰ প্ৰতিকৃতি দাহ কৰে৷ কাৰ্যসূচীত গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ ছাত্ৰ একতা সভাৰ সভাপতি জাহিদুল ইছলাম, উপ-সভাপতি খাদিম আলী, সাধাৰণ সম্পাদক আব্দুল কৰিম, সহকাৰী সম্পাদক শ্বাহজামাল হক অংশ গ্ৰহণ কৰে৷

উল্লেখ্য যে জাতিধ্বংসী নাগৰিকত্ব সংশোধনী বিধেয়ক আইনখনৰ তীব্ৰ বিৰোধীতা আৰু বাতিলৰ দাবীত গৰৈমাৰী ফখৰুদ্দিন আলী আহমেদ মহাবিদ্যালয়ৰ ছাত্ৰ একতা সভাই যোৱা ৯ জানুৱাৰীৰ পৰা অনিৰ্দিষ্ট কাললৈ শ্ৰেণী বৰ্জন কাৰ্যসূচী গ্ৰহণ কৰে৷

আপুনি পঢ়ি ভাল পাব পৰা বাতৰি