শেহতীয়া খবৰ
ডিফু সমষ্টিৰ কংগ্ৰেছৰ প্ৰাৰ্থী বীৰেণছিং ইংতিৰ মনোনয়ন দাখিল...  •  তেজপুৰত মনোনয়ন দিবলৈ গ’ল হিমন্ত বিশ্ব! তাৰপাছত কি ক’লে...  •  নাতিসহ প্ৰাক্তন কেন্দ্ৰীয় মন্ত্ৰীৰ পুনৰ কংগ্ৰেছত যোগদান...  •  লোকসভা নিৰ্বাচন কোন সমষ্টিৰ পৰা খেলিব মোহময়ী অভিনেত্ৰী উৰ্মিলাই...  •  তেজপুৰ লোকসভা সমষ্টিৰ প্ৰাৰ্থী পল্লৱ লোচন দাসে দাখিল কৰিলে মনোনয়ন  •  প্ৰতিষ্ঠাপক অধ্যক্ষ নৰেশ গোৱেলে এৰিব জেট এয়াৰৱেইজ...  •  মনোনয়ন পত্ৰ দাখিল মঙ্গলদৈ লোকসভা সমষ্টিৰ বিজেপি প্ৰাৰ্থী দিলীপ শইকীয়াৰ  •  এক নম্বৰী বিজেপিৰ স্থান নাই বিজেপিতঃ তৰুণ গগৈ  •  মঙলদৈ সমষ্টিৰ কংগ্ৰেছ প্ৰাৰ্থী ভূৱনেশ্বৰ কলিতাৰ মনোনয়ন দাখিল  •  লখিমপুৰ লোকসভা সমষ্টিৰ প্ৰাৰ্থী প্ৰদান বৰুৱাই দাখিল কৰিলে মনোনয়ন

দিঘলীপুখুৰীত ৰাজপথত শুই ৭০ সংগঠনৰ পদযাত্ৰাকাৰীৰ প্ৰতিবাদ

255

ডিজিটেল সংবাদ, গুৱাহাটীঃ নাগৰিকত্ব সংশোধনী বিধেয়কৰ বিৰুদ্ধে সজাগতা সৃষ্টিৰ লক্ষ্যৰে শনিবাৰে পুৱা ৭০ সংগঠনৰ নেতৃত্বই বাহিৰ কৰিছিল এক পদযাত্ৰা কাৰ্যসূচী। চানমাৰিৰ পৰা আৰম্ভ হোৱা এই পদযাত্ৰাৰ লক্ষ্য আছিল বিধেয়কখনৰ বিৰুদ্ধে সচেতনতাৰ সৃষ্টি কৰা। পদযাত্ৰাকাৰীসকলক প্ৰথমে চানমাৰি আৰক্ষীয়ে বাধা প্ৰদান কৰে যদিও সেই বাধা অতিক্ৰম কৰি আমবাৰী অভিমুখে পদযাত্ৰাকাৰীসকল আগবাঢ়ে।

আমবাৰীৰ অগপৰ মুখ্য কাৰ্যালয়ত ত ৭০ সংগঠনৰ পদযাত্ৰাকাৰীয়ে প্ৰৱেশ কৰিব বিচৰাত আৰক্ষীয়ে তেওঁলোকক বাধা দিয়ে। লক্ষণীয় যে, সেই সময়ৰ অগপৰ মুখ্য কাৰ্যালয়ত কোনো নেতাই উপস্থিত নাছিল।

তাৰ পাছত পদযাত্ৰাকাৰীসকলক আৰক্ষীয়ে যান-জটৰ দোহাই দি ইমূৰৰ পৰা সিমূৰলৈ ঘূৰাই লৈ ফুৰে। প্ৰথমে পল্টন বজাৰৰ দিশে পদযাত্ৰাকাৰীসকলক লৈ যোৱা হৈছিল যদিও সেই ঠাইৰ পৰা পানবজাৰ দিশে লৈ যোৱা হয়।

পুনৰ কটনৰ সন্মুখত আহি উপস্থিত হোৱা পদযাত্ৰাকাৰীসকলক দিঘলীপুখুৰীৰ পাৰলৈ লৈ অহা হয়। দিঘলীপুখুৰীতে পদযাত্ৰাকাৰীসকলে ৰাজপথতে শুই পৰি প্ৰতিবাদ সাব্যস্ত কৰে।

আপুনি পঢ়ি ভাল পাব পৰা বাতৰি