ডিজিটেল সংবাদ, শিলচৰঃ শিলচৰৰ কংগ্ৰেছ প্ৰাৰ্থী সুষ্মিতা দেৱৰ সমৰ্থনত আজি নিৰ্বাচনি প্ৰচাৰ চলাব নিখিল ভাৰত কংগ্ৰেছৰ সম্পাদক প্ৰিয়ংকা গান্ধীয়ে ৷ দিনৰ বাৰ বজাৰ পৰা আৰম্ভ হব লগা এক বিশাল পদযাত্ৰা ৰেলিত ভাগ লব কংগ্ৰেছৰ শীৰ্ষ নেত্ৰী গৰাকীয়ে ৷ ক্লাব ৰোডৰ পৰা আৰম্ভ হব লগা এই পদযাত্ৰাত প্ৰিয়ংকাৰ লগতে কংগ্ৰেছ প্ৰাৰ্থী সুষ্মিতা দেৱসহ কেবা গৰাকী কংগ্ৰেছ নেতা উপস্থিত থাকিব ৷ ২০ হাজাৰতকৈও অধিক কংগ্ৰেছ কৰ্মীয়ে অংশগ্ৰহন কৰা এই পদযাত্ৰা শিলচৰ ক্লাৱ ৰোডৰ পৰা চেন্ত্ৰেল ৰোড, গোপালগঞ্জ, হস্পিতাল ৰোড, ৰাংগিৰখাৰী হৈ চিত্তৰঞ্জন এভিনিউত সমাপ্তি ঘটিব ৷ পদযাত্ৰাৰ মাজতে ঠায়ে ৰাইজক উদ্দেশি ভাষণ প্ৰদান কৰিব প্ৰিয়ংকা গান্ধীয়ে ৷ পদযাত্ৰা শেষ কৰি প্ৰিয়ংকা পুনৰ দিল্লীলৈ ওভতি যাব বুলি কংগ্ৰেছ সুত্ৰে জানিব পৰা গৈছে ৷