শেহতীয়া খবৰ
জাজৰি উচ্চতৰ মাধ্যমিকৰ বিদ্যালয়ৰ কেন্দ্ৰত বহিঃৰাজ্যৰ পৰা অহা পৰা অহা ৮০লোকক কোৱাৰেণ্টাইন... • অৰুণাচল প্ৰদেশত পুনৰ বৃদ্ধি কোৰোনা ৰোগীৰ সংখ্যা... • নগাঁও চহৰত নিশা যুৱকৰ অস্বাভাৱিক মৃত্যুক কেন্দ্ৰ কৰি উত্তেজনা, আৰক্ষীৰ শূন্যলৈ গুলী চালনা... • মুপা আৰু মাইবাং ষ্টেচনৰ মাজত ব্যাহত ৰেল সেৱা... • বৰ্ণ বৈষম্যতা! আৰক্ষীৰ হাতত কৃষ্ণাংগৰ মৃত্যুক লৈ ট্ৰাম্প প্ৰশাসনৰ বিৰুদ্ধে প্ৰতিবাদ হাজাৰ হাজাৰ জনতাৰ... • ওদালগুৰি অসামৰিক চিকিৎসালয়ৰ প্ৰথমটো স্বাস্থ্যকৰ্মীৰ দলক কোৱাৰেণ্টাইন... • নাৰায়ণপুৰৰ কোৱাৰেন্টাইন চেন্টাৰত উত্তপ্ত পৰিস্থিতি...VIDEO • মেট্ৰিক-হাইমাদ্ৰাছাৰ ফলাফল লাভ কৰিব কোন কেইটা ৱেবছাইটত... পঢ়ক সবিশেষ... • ভাৰতত কোভিড-১৯ত আক্ৰান্ত লোকৰ সংখ্যা ২ লাখৰো অধিকলৈ বৃদ্ধি... • বকোত ওলাল দ্বিতীয়গৰাকী কোভিড-১৯ত আক্ৰান্ত লোক...

ইভিএমৰ টেম্পাৰিঙক লৈ চিন্তিত প্ৰাক্তন ৰাষ্ট্ৰপতি প্ৰণৱ মুখাৰ্জী!

444

ডিজিটেল ডেস্কঃ লোকসভা নিৰ্বাচন, ২০১৯ৰ অন্ত পৰাৰ পিছত বিভিন্ন সংস্থাৰ এগজিট প’লৰ ফলাফলে পুনৰ এবাৰ কেন্দ্ৰত মোডী চৰকাৰ গঠন হোৱাৰ সম্ভাৱনা প্ৰকাশ কৰাৰ পিছতে পুনৰ উত্থাপন হৈছে ইভিএম টেম্পাৰিঙৰ বিষয়। ইভিএম আৰু ভিভিপিএটিৰ সুৰক্ষা সন্দৰ্ভত ২২টাকৈ বিৰোধী দলৰ নেতৃত্বই অনুষ্ঠিত কৰা বৈঠকৰ পিছতে নিৰ্বাচন আয়োগলৈ এখন পত্ৰ প্ৰেৰণ কৰি ভোটগণনাৰ পূৰ্বে ইভিএম আৰু ভিভিপিএটি গণনাৰ বাবে আবেদন জনাইছে।

ইফালে ইভিএমৰ সুৰক্ষা সন্দৰ্ভত প্ৰাক্তন ৰাষ্ট্ৰপতি প্ৰণৱ মুখাৰ্জীয়েও মঙলবাৰে উদ্বেগ ব্যক্ত কৰে। মঙলবাৰে এক টুইটযোগে প্ৰাক্তন ৰাষ্ট্ৰপতিগৰাকীয়ে লিখিছে- ‘জনতাৰ মতৰ সৈতে খেলা কৰাৰ খবৰে মোক চিন্তিত কৰি তুলিছে। ইভিএমৰ সুৰক্ষা নিৰ্বাচন আয়োগৰ দায়িত্ব। গণতন্ত্ৰৰ ওপৰত প্ৰশ্ন উত্থাপন কৰিব পৰা কোনো কামৰ ভাৰতত স্থান নাই। জনাদেশ এক পবিত্ৰ আৰু সকলো সন্দেহৰ উৰ্ধ্বৰ এক বিষয়।’

প্ৰণৱ মুখাৰ্জীয়ে পুনৰ কয়, ‘ভাৰতীয় গণতন্ত্ৰৰ মূল আধাৰক প্ৰত্যাহ্বান জনোৱা কোনো কাম হ’ব নালাগে। আমি সকলোৱে ভোটাৰৰ সিদ্ধান্তক সন্মান জনোৱা উচিত। ইভিএমৰ টেম্পাৰিঙক লৈ চলা সকলো বিতৰ্কৰ নিৰ্বাচন আয়োগে সমাধান উলিওৱা উচিত।’

উল্লেখ্য যে, ইয়াৰ পূৰ্বে প্ৰাক্তন ৰাষ্ট্ৰপতি প্ৰণৱ মুখাৰ্জীয়ে সোমবাৰে ২০১৯ৰ লোকসভা নিৰ্বাচন নিয়াৰিকৈ সম্পন্ন হোৱাৰ বাবে নিৰ্বাচন আয়োগৰ প্ৰশংসা কৰিছিল। মুখাৰ্জীয়ে দিল্লীত এক গ্ৰন্থ উন্মোচনী অনুষ্ঠানত প্ৰথমগাৰাকী নিৰ্বাচন আয়ুক্ত সুকুৰমান সেনৰ পৰা বৰ্তমানৰ নিৰ্বাচন আয়ুক্তসকলে নিৰ্বাচনৰ সময়ত উল্লেখযোগ্য কাম কৰি আহিছে বুলি মন্তব্য কৰিছিল।

আপুনি পঢ়ি ভাল পাব পৰা বাতৰি