Published on:
Updated on:
- ২০১৯ৰ লোকসভা নিৰ্বাচনত ভোটদান নকৰে প্ৰাক্তন মুখ্যমন্ত্ৰী প্ৰফুল্ল কুমাৰ মহন্তই।
- কিছু সময় পূৰ্বে সংবাদ মাধ্যমক এই কথা জনায় প্ৰাক্তন মুখ্যমন্ত্ৰীগৰাকীয়ে।
- পুৱাই ভোটাধিকাৰ সাব্যস্ত কৰিবলৈ গুৱাহাটীৰ পৰা নগাঁৱলৈ গৈছিল তেওঁ।
- কিন্তু অৱশেষত ভোট নিদিয়াৰ সিদ্ধান্তৰ কথা সদৰি কেওঁ মহন্তই।
- পূৰ্বে অনুষ্ঠিত হোৱা নিৰ্বাচনত পুৱাৰ ভাগতেই ভোটাধিকাৰ সাব্যস্ত কৰি আহিছিল প্ৰফুল্ল কুমাৰ মহন্তই।
- উল্লেখ্য যে, অগপ-বিজেপিৰ মিত্ৰতাক অসন্তুষ্টি ব্যক্ত কৰি আহিছে প্ৰফুল্ল কুমাৰ মহন্তই।
- নাগৰিকত্ব সংশোধনী বিধেয়কৰ সমৰ্থন কৰা বিজেপিৰ সৈতে অগপৰ মিত্ৰতাক সহজভাৱে ল'ব পৰা নাছিল তেওঁ।
- জাতি ৰক্ষাৰ স্বাৰ্থত থিয় দিয়াৰ হুংকাৰ দিছিল পূৰ্বেই।
- তেনে পৰিপ্ৰেক্ষিততে তেওঁ ভোটদানৰ পৰা বিৰত থকাৰ সন্দেহ কৰা হৈছে।
- প্ৰাক্তন মুখ্যমন্ত্ৰীগৰাকীৰ পত্নী আৰু পুত্ৰইও ভোটাধিকাৰ সাব্যস্ত কৰা নাই বৰ্তমানলৈকে।
- ইফালে প্ৰাক্তন মুখ্যমন্ত্ৰীগৰাকীয়ে ভোটাধিকাৰ সাব্যস্ত কৰা নাই যদিও নগাঁৱত তাৰ বিশেষ প্ৰভাৱ দেখিবলৈ পোৱা নাই।
- বঢ়মপুৰ আৰু নগাঁও সদৰত সুচাৰুৰূপ চলি আছে ভোটগ্ৰহণ।
- অন্তিম মুহূৰ্তলৈকে ৭০ শতাংশৰ ওপৰত ভোটগ্ৰহণ হোৱাৰ সম্ভাৱনা।
Code:
Asomiya Pratidin
www.asomiyapratidin.in
