ফিল’বাৰীত সাংসদ প্ৰদান বৰুৱাক কলা পতাকা প্ৰদৰ্শন

ফিল’বাৰীত সাংসদ প্ৰদান বৰুৱাক কলা পতাকা প্ৰদৰ্শন

ডিজিটেল সংবাদ, পেঙেৰীঃ ফিল'বাৰীত সোণোৱাল কছাৰীৰ স্বায়ত্ব শাসিত পৰিষদৰ নিৰ্বাচনী প্ৰচাৰ চলাবলৈ আহি ৰাইজৰ ৰোষৰ সন্মুখীন হ'ল লখিমপুৰৰ সাংসদ প্ৰদান বৰুৱা ৷ ফিল'বাৰীৰ আছু, যুৱ ছাত্ৰ পৰিষদ, মৰাণ ছাত্ৰ সন্থা আৰু চুতীয়া ছাত্ৰ সন্থাৰ নেতৃত্বই সন্মিলিত ভাৱে পহু খেদা দিলে সাংসদ জনক ৷

নিৰ্বাচনী প্ৰচাৰ সভা এৰি পলায়ন কৰা সাংসদ গৰাকীক আনকি প্ৰতিবাদী দল-সংগঠনৰ নেতৃত্বই কলা পতাকা প্ৰদৰ্শন কৰি বিজেপি মুৰ্দাবাদ, প্ৰদান বৰুৱা গ' বেক, নাগৰিকত্ব সংশোধনী বিধেয়ক বাতিল কৰক আদি শ্ল'গান প্ৰদান কৰে ৷ ৰাইজৰ ক্ষোভ দেখি সাংসদ গৰাকীয়ে আনকি অঞ্চলটোৰ এটা পথ মুকলি কৰাৰ কাৰ্যসূচীও বাতিল কৰে ৷ উল্লেখ্য যে জাতি ধ্বংসী নাগৰিকত্ব বিধেয়ক বাতিল নোহোৱা পৰ্যন্ত ফিল'বাৰীত বিজেপি চৰকাৰৰ কোনো জনপ্ৰতিনিধিকে প্ৰৱেশ কৰিবলৈ নিদিয়াৰ হুংকাৰ দিছে অঞ্চলটোৰ জাতি-জনগোষ্ঠীয় দল সংগঠন সমূহে ৷

Related Stories

No stories found.
Code:
logo
Asomiya Pratidin
www.asomiyapratidin.in