সুখবৰ! আজি বঢ়া নাই পেট্ৰ’ল-ডিজেলৰ দাম

ফাইল ফটো
ফাইল ফটো

ডিজিটেল সংবাদ, গুৱাহাটীঃ 'প্ৰতিদিনে বাঢ়িছে পেট্ৰল-ডিজেলৰ মূল্য' বিগত এমাহৰ পৰা যিকোনো সংবাদমাধ্যমত চকু ফুৰালে এই বাক্যশাৰী আপোনাৰ চকুত পৰিবই। যোৱা এটা মাহৰ ভিতৰতে দেশৰ সৰ্বসাধাৰণক জ্বলা-কলা খুৱাই অহা পেট্ৰ'ল-ডিজেলৰ মূল্য আকাংলংঘী হৈ অতিক্ৰম কৰে ৮০ৰ ঘৰ।

চৰকাৰেও মুকলিকৈ ঘোষণা কৰিলে যে পেট্ৰ'জাত ইন্ধনৰ মুল্য হ্ৰাস কৰিব নোৱাৰি। যোৱা এটা মাহৰ পৰা প্ৰতিদিনে বাঢ়ি অহা পেট্ৰ'ল-ডিজেলৰ  মূল্যত বুধবাৰে ব্ৰেক লাগিল। বুধবাৰে পেট্ৰল ডিজেলৰ দাম নকমিল আৰু নাবাঢ়িলো।

দেশৰ জনগণেও আশা কৰিছে পেট্ৰ'ল-ডিজেলৰ আৰু যেন মূল্যবৃদ্ধি নহওক। আচলতে যোৱা মাহৰে পৰা একাধাৰে এফালে মুদ্ৰাৰ মূল্য হ্ৰাস পোৱাৰ বিপৰীতে আন্তজাৰ্তিক বজাৰত বৃদ্ধি হৈছিল খাৰুৱা তেলৰ মূল্য। যাৰফলত প্ৰতিদিনাই বৃদ্ধি পাইছিল পেট্ৰ'ল-ডিজেলৰ মূল্য।

উল্লেখ্য যে, দেশৰ ৰাজধানী দিল্লীত বুধবাৰে পেট্ৰ'লৰ মূল্য ৮২.১৬ আৰু ডিজেলৰ মূল্য ৭৩.৮৭ টকা। আনহাতে গুৱাহাটী মহানগৰীত বুধবাৰে পেট্ৰ'লৰ মূল্য ৮৪.৬০ টকাৰ বিপৰীতে ডিজেলৰ মূল্য ৭৭.২৪ টকা।

Related Stories

No stories found.
Code:
logo
Asomiya Pratidin
www.asomiyapratidin.in