ছেল্ফি উঠি ভাল পায় নেকি? তেন্তে আপুনি আক্ৰান্ত, চিকিৎসকৰ পৰামৰ্শ লওক

ছেল্ফি উঠি ভাল পায় নেকি? তেন্তে আপুনি আক্ৰান্ত, চিকিৎসকৰ পৰামৰ্শ লওক

ডিজিটেল ডেস্কঃ ছেল্ফি উঠা আৰু ছ'চিয়েল মিডিয়াত তাক পোষ্ট কৰাটো আজিকালি প্ৰায় সকলোৰে প্ৰিয়৷ কাপোৰ যিয়েই নিপিন্ধক বা নিকিনক, মোবাইল কিনিলে সেয়ে ফ্ৰন্ট কেমেৰাৰ কুৱালিটী ভালৰো ভাল হ'ব লাগিবই৷ নতুন নতুন ঠাইত নিজৰ ফটো নিজেই তুলি স্মৃতিৰ পাতত সেই মুহূৰ্ত সজীৱ কৰি ৰখাৰ হেপাঁহ কম-বেছি পৰিমানে সকলোৰে থাকেই৷

কিন্তু এক সমীক্ষাৰ পৰা জানিব পৰা গৈছে ছেল্ফি যিসকলে উঠি ভাল পায় বা যিসকল লোকৰ ছেল্ফি উঠাতো এক মেনিয়া সদৃশ হৈ পৰিছে, তেনে লোকৰ অধিকাংশই হতাশাগ্ৰস্ততাত ভূগে৷ সমীক্ষা মতে, ছেল্ফি উঠি ভালপোৱা সকলৰ প্ৰায়ে মেদবহুলতা বা অত্যধিক খীন হোৱা, ৰাতি টোপনি নহোৱা আদি ৰোগে দেখা দিয়ে৷ ইয়ে আত্ম বিশ্বাসো হ্ৰাস কৰে৷

এক অধ্যয়নে এই কথা প্ৰমাণ কৰিছে যে যি সকল পুৰুষ-মহিলাই বেছিকৈ ছেল্ফি উঠে, তেনে লোকে মানসিকভাৱে দুৰ্বল অনুভৱ কৰে৷ তেওঁলোকৰ আত্মবিশ্বাস ইমানেই লোপ পাই যে, নিজৰ মুখখনো অৱশেষত চাবলৈ বেয়া পোৱা হয়৷ অধ্যয়ন মতে, যি সকলে কোনো ফিল্টাৰ ব্যৱহাৰ নকৰাকৈ ছেল্ফি তোলে, তেওঁলোকে দৈহিক অৱয়ব, মুখমণ্ডল কিম্বা চালৰ ৰঙক লৈ অসন্তুষ্ট বোধ কৰে৷ তেনে পৰিস্থিতিত বহু যুৱক-যুৱতীয়ে প্লাষ্টিক চাৰ্জাৰীৰ জৰিয়তে চেহেৰা সলনি কৰিবলৈও বিচাৰে৷

আনহাতে ১৬-২৫ বছৰৰ ভিতৰৰ যুৱক-যুৱতীয়ে অত্যাধিক ছেল্ফিৰ বাবে হতাশা, নিদ্ৰা হীনতাত ভূগা বুলিও জানিব পৰা গৈছে৷ স্মৃতি শক্তি লোপ পোৱাৰ ছেল্ফিও এটা কাৰণ৷

যাৰ বাবে অত্যাধিক ছেল্ফি উঠাসকলক চিকিৎসকৰ সহায় লোৱাৰ প্ৰয়োজন বুলি মন্তব্য কৰিছে বিশেষজ্ঞসকলে৷ নহ'লে ছেল্ফিৰ পৰা আৰম্ভ হোৱা সৰু সৰু সমস্যাবোৰ পৰৱৰ্তীসময়ত প্ৰাণনাশক হিচাপে থিয় দিব পাৰে বুলি আংশকা কৰা হৈছে৷

Related Stories

No stories found.
Code:
logo
Asomiya Pratidin
www.asomiyapratidin.in