শেহতীয়া খবৰ
লখিমপুৰৰ বগীনদীত কেবৰ বিৰুদ্ধে ৭ সংগঠনৰ প্ৰতিবাদ-পথ অৱৰোধৰ লগতে প্ৰতিকৃতি দাহ  •  ডিব্ৰুগড়ত 'No Cab' আতংক! বিধায়কৰ ঘৰ, এজিপি-বিজেপিকে ধৰি সকলো ৰাজনৈতিক দলৰে কাৰ্যালয়ত আছুৰ কেব বিৰোধী অভিযান, VIDEO  •  কৰ্ণাটকত অস্ত্ৰ আৰু ৫খন বাহনসহ ৪ দুৰ্বৃত্তক গ্ৰেপ্তাৰ...  •  কেবৰ বিৰুদ্ধে কটনিয়ানৰ প্ৰতিবাদঃ কটন বিশ্ববিদ্যালয়ৰ সাধাৰণ সম্পাদকৰে বিশেষ আলাপ...  •  কোকৰাঝাৰত নেচনেল ইনিচিয়েটিভ ফৰ স্কুল হেড এণ্ড টিচাৰ্ছ হলিষ্টিক এডভান্সমেণ্ট চমুকৈ নিষ্ঠাৰ প্ৰশিক্ষণ সমাপ্ত, শিক্ষা হ'ল জীৱনৰ লাইখূঁটাঃ জে পি ব্ৰহ্ম  •  ১০০ শতাংশ অপৰাধ দূৰ কৰাতো ভগৱান ৰামৰ বাবেও হয়তো সম্ভৱ নহয়ঃ মন্ত্ৰী ৰণবেন্দ্ৰ প্ৰতাপ সিং... VIDEO  •  প্ৰসংগঃ নাগৰিকত্ব সংশোধনী বিধেয়ক, চেঙাত আঞ্চলিক ছাত্ৰ সন্থাৰ বিক্ষোভ কাৰ্যসূচী, VIDEO  •  শিক্ষা বিভাগৰ আজৱ কাণ্ড! অসমীয়া মাধ্যমৰ বিদ্যালয়ত বিলালে বাংলা ভাষাৰ পুথি, VIDEO  •  ২২ ডিচেম্বৰত মহানগৰীত 'আছাম কিডছ ছুপাৰ টেলেণ্ট' প্ৰতিযোগিতা, প্ৰদান কৰা হ'ব 'চিলড্ৰেন ছুপাৰ টেলেণ্ট এৱাৰ্ড, ২০১৯’  •  তামিলনাডুৰ নদীত জাৱৰ পেলালে টাউন পঞ্চায়ত কৰ্মীয়ে... VIDEO

সৰ্ব্বদলীয় বৈঠকঃ ফাৰুক আব্দুল্লাৰ মুক্তি, চিদাম্বৰমক সংসদৰ অধিবেশনত বহাৰ সুযোগ দিয়াৰ দাবী বিৰোধীৰ

4,176

ডিজিটেল ডেস্কঃ সোমবাৰৰ পৰা অনুষ্ঠিত হ’বলগা সংসদৰ শীতকালীন অধিবেশনৰ পূৰ্বে দেওবাৰে অনুষ্ঠিত সৰ্ব্বদলীয় বৈঠকত নেশ্যনেল কনফাৰেন্সৰ অধ্যক্ষ ফাৰুক আব্দুল্লাৰ মুক্তিৰ দাবী জনায় বিৰোধীয়ে। নেশ্যনেল কনফাৰেন্সৰ জ্যেষ্ঠ নেতাগৰাকীৰ মুক্তিৰ দাবী তুলি কংগ্ৰেছ নেতা গুলাম নবী আজাদে কয়, ‘যোৱা তিনি মাহ ধৰি নজৰবন্দী হৈ থকা ফাৰুক আব্দুল্লা চাহাবক মুক্তি প্ৰদান কৰা উচিত চৰকাৰে। সংসদৰ শীতকালীন অধিবেশনত ভাগ লোৱাৰ বাবে তেওঁক চৰকাৰে অনুমতি প্ৰদান কৰক।’

আনহাতে আইএনএক্স মিডিয়া কেলেংকাৰী গোচৰত কাৰাগাৰত বন্দী জীৱন কটাই থকা জ্যেষ্ঠ কংগ্ৰেছ নেতা তথা প্ৰাক্তন বিত্তমন্ত্ৰী পি চিদাম্বৰমৰ সংসদৰ শীতকালীন অধিবেশন অংশ লোৱাৰ সপক্ষত বৈঠকত মাত মাতে গুলাব নবী আজাদে। তেওঁ কয়, ‘পূৰ্বৰ সংসদৰ অধিবেশনত এনে বহু সাংসদক অংশ লোৱাৰ বাবে অনুমতি প্ৰদান কৰা হৈছে, যাৰ বিৰুদ্ধে আদালতত শুনানি চলি আছে। সেয়েহে পি চিদাম্বৰমকো সংসদৰ শীতকালীন অধিবেশনত অংশ লোৱাৰ বাবে অনুমতি প্ৰদান কৰা উচিত।’

উল্লেখ্য যে, সোমবাৰৰ পৰা আৰম্ভ হ’বলগা সংসদৰ শীতকালীন অধিবেশনৰ পূৰ্বে দেওবাৰে অনুষ্ঠিত হয় এই সৰ্ব্বদলীয় বৈঠক। প্ৰহ্লাদ যোশীয়ে আহ্বান কৰা এই বৈঠকত প্ৰধানমন্ত্ৰী নৰেন্দ্ৰ মোডী, গৃহমন্ত্ৰী অমিত শ্বাহ, কংগ্ৰেছ সাংসদ গুলাম নবী আজাদকে ধৰি কেইবাটাও দলৰ নেতৃবৰ্গ উপস্থিত থাকে।

আপুনি পঢ়ি ভাল পাব পৰা বাতৰি