শেহতীয়া খবৰ
ঢকুৱাখনাৰ লেচেৰা পথাৰত নৌ দুৰ্ঘটনা, কথমপি প্ৰাণ ৰক্ষা ৬ শিক্ষাৰ্থীৰ...  •  'গাধৰ দৰে কাম কৰিছে APCC য়ে'- সভাপতিৰ ঘোষণাৰ পিছতে বিস্ফোৰণ প্ৰাক্তন মন্ত্ৰী নীলমণিৰ  •  পুত্ৰৰ প্ৰহাৰত প্ৰাণ গ'ল ৯০ বছৰীয়া পিতৃৰ...  •  ধুবুৰী ছোৱালী মহাবিদ্যালয়ৰ অধ্যাপক গোপাল চন্দ্র মালাকাৰক গ্রেপ্তাৰ...  •  সময়মতে মথাউৰি নিৰ্মাণ নকৰাৰ বাবেই ভয়াৱহ ৰূপ ধাৰণ কৰিছে বান পানীয়ে- ৰিপুন বৰা...  •  প্ৰাক্তন মন্ত্ৰী নীলমণি সেন ডেকাক বহিষ্কাৰ...  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...

ভাৰতে পাৰমাণৱিক অস্ত্ৰ ত্যাগ কৰিলে আমিও কৰিমঃ পাক প্ৰধানমন্ত্ৰী ইমৰান খান…

ডিজিটেল ডেস্কঃ তিনিদিনীয়া ভ্ৰমণসূচীৰে আমেৰিকাত উপস্থিত পাকিস্তানৰ প্ৰধানমন্ত্ৰী ইমৰান খান। আমেৰিকাৰ সংবাদমাধ্যমৰ আগত পাক প্ৰধানমন্ত্ৰীগৰাকীয়ে কয় যে, ভাৰত আৰু পাকিস্তানৰ মাজত পাৰমাণৱিক যুদ্ধৰ কথা ভবা বা আলোচনা কৰাটোৱেই আত্মঘাটী। যদি ভাৰতে পাৰমাণৱিক অস্ত্ৰ ত্যাগ কৰে তেন্তে আমিও একেই কৰিম। আমেৰিকাৰ সংবাদমাধ্যম ‘ফক্স নিউজ’ৰ সৈতে হোৱা সাক্ষাৎকাৰত এই মন্তব্য কৰে ইমৰান খানে।

ইফালে, পাকিস্তানৰ সাংবাদমাধ্যম অনুসৰি, পাক প্ৰধানমন্ত্ৰী ইমৰান খানক প্ৰশ্ন কৰা হয় যে- যদি ভাৰতে নিজৰ পাৰমাণৱিক অস্ত্ৰ ত্যাগ কৰে তেন্তে পাকিস্তানেও তেনে কৰিবনে? এই প্ৰশ্নৰ উত্তৰ প্ৰধানমন্ত্ৰী খানে কয়- ‘হয়, পাৰমাণৱিক যুদ্ধ কোনো বিকল্প নহয়। ভাৰত আৰু পাকিস্তানৰ মাজত পাৰমাণৱিক যুদ্ধৰ কথা ভবা বা আলোচনা কৰাটোৱেই আত্মঘাটী। দুয়োখনৰ দেশৰ সীমা প্ৰায় ২.৫ হাজাৰ মিল দীঘল।’

লগতে পাক প্ৰধানমন্ত্ৰীগৰাকীয়ে কয়- ‘যোৱা ৭০ বছৰে ভাৰত আৰু পাকিস্তানৰ মাজত সম্পৰ্ক ভাল নোহোৱাৰ একমাত্ৰ কাৰণ হৈছে কাশ্মীৰ। সেয়েহে আমি শক্তিশালী দেশ যুক্তৰাষ্ট্ৰ আমেৰিকাক এই বিষয়ত মধ্যস্থতাকাৰী ৰূপে বিচাৰিছো।’ আনহাতে, সোমবাৰে আমেৰিকাৰ ৰাষ্ট্ৰপতি ডনাল্ড ট্ৰাম্পে জনায় যে, কাশ্মীৰ সন্দৰ্ভত প্ৰধানমন্ত্ৰী নৰেন্দ্ৰ মোডীয়ে আমেৰিকাক মধ্যস্থতাকাৰী ৰূপে সহায় কৰিবলৈ আহ্বান জনাইছে। আৰু তাৰপাছতেই ভাৰত চৰকাৰে স্পষ্ট কৰি দিয়ে যে- প্ৰধানমন্ত্ৰী মোডীয়ে তেনে ধৰণৰ কোনো সহায় বিচৰা নাই।