শেহতীয়া খবৰ
দিল্লীত 'কা' বিৰোধী প্ৰতিবাদৰ নামত হিংসাত্মক ঘটনা, নিহতৰ সংখ্যা ২০লৈ বৃদ্ধি...  •  পিতৃ ৰাহুল দ্ৰাবিড়ৰ দৰেই খেলপথাৰত উজ্বলিছে সুমিত, ১৪৪ বলত দ্বি শতক অৰ্জন...  •  পিতৃ ৰাহুল দ্ৰাবিড়ৰ দৰেই খেলপথাৰত উজ্বলিছে সুমিত, ১৪৪ বলত দ্বি শতক অৰ্জন...  •  ওড়িশ্যাৰ মুখ্যমন্ত্ৰী নবীন পাটনায়কক ৮ম বাৰৰ বাবে বিজু জনতা দলৰ সভাপতি নিৰ্বাচিত  •  দিল্লীত প্ৰতিবাদকাৰীক বাধা দিবলৈ গৈ প্ৰাণ হেৰুওৱা হেড কনিষ্টবল ৰতন লালক শ্বহীদ ঘোষণাৰ দাবীত প্ৰতিবাদ...  •  দিল্লীৰ হিংসাত্মক ঘটনা নিয়ন্ত্ৰণলৈ অনাৰ দায়িত্ব প্ৰদান অজিত ডোভালক...  •  দিল্লীত অনুষ্ঠিত হৈছে কংগ্ৰেছৰ গুৰুত্বপূৰ্ণ বৈঠক...  •  শ্ৰম বিভাগৰ ১২১ কোটি টকীয়া কেলেংকাৰীৰ মুখ্য অভিযুক্ত গৌতম বৰুৱাক গ্ৰেপ্তাৰ...  •  কাজিৰঙাত বিধ্বংসী অগ্নিকাণ্ড  •  আতৰাব পৰা যাবনে দিল্লীৰ শ্বাহীনবাগৰ পৰা প্ৰতিবাদকাৰীসকলক, বুধবাৰে উচ্চতম ন্যায়ালয়ত শুনানি...

ইতিহাস ৰচি বিশ্বৰ ক্ৰীড়াক্ষেত্ৰত উজ্বলিল পি ভি সিন্ধু, বিশ্ব বেডমিন্টন চেম্পিয়নশ্বীপত সোণৰ পদক অৰ্জন কৰা প্ৰথমগৰাকী খেলুৱৈ…

429

ডিজিটেল ডেস্কঃ ভাৰতৰ তাৰকা বেডমিন্টন খেলুৱৈ পি ভি সিন্ধুয়ে ৰচিলে ইতিহাস। ২৪ বৰ্ষীয় সিন্ধুয়ে বিশ্ব বেডমিন্টন চেম্পিয়নশ্বীপত আজুৰি আনিলে সোণৰ পদক। বিশ্ব বেডমিন্টন চেম্পিয়নশ্বীপত সোণৰ পদক অৰ্জন কৰা প্ৰথমগৰাকী ভাৰতীয় খেলুৱৈ হিচাপে স্বীকৃতি লাভ কৰিছে সিন্ধুৱে। দেওবাৰে ছুইজাৰলেণ্ডত অনুষ্ঠিত হোৱা এই ফাইনেল খেলখনত সিন্ধুৱে জাপানৰ প্ৰতিদ্বন্দ্বী ন’জ’মী অকহাৰাক ২১-৭, ২১-৭ স্ক’ৰৰ ব্যৱধানত পৰাস্ত কৰে।

Image result for PV Sindhu enters finals hindi

উল্লেখ্য যে, পি ভি সিন্ধুৱে বিশ্ব বেডমিন্টন চেম্পিয়নশ্বীপত এইবাৰৰ সোণৰ পদকৰ সৈতে মুঠ ৫ টাকৈ পদক অৰ্জন কৰিছে। ধাৰাবাহিকভাৱে সিন্ধুৱে এইবাৰৰ সৈতে ৩ বাৰ বিশ্ব বেডমিন্টন চেম্পিয়নশ্বীপৰ ফাইনেলত প্ৰৱেশ কৰিছে। বিগত ২ বাৰৰ ফাইনেলত ৰূপৰ পদকতে সন্তুষ্ট হ’ব লগা হৈছিল সিন্ধু। কিন্তু ২০১৯ৰ বিশ্ব বেডমিন্টন চেম্পিয়নশ্বীপত অতি আত্মবিশ্বাসেৰে খেলা সিন্ধুৱে ২০১৯ চনৰ বিশ্ব চেম্পিয়ন জাপানৰ ন’জ’মী অকহাৰাক পৰাস্ত কৰি সোণৰ পদক অৰ্জন কৰিবলৈ সক্ষম হয়।

সিন্ধুৱে ইয়াৰ আগতে বিশ্ব চেম্পিয়নশ্বীপত ২০১৩ আৰু ২০১৪ বৰ্ষত ব্ৰঞ্জ আৰি ২০১৭, ২০১৮ বৰ্ষত ৰূপৰ পদক অৰ্জন কৰিছিল। বিগত দুটা বৰ্ষত সোণৰ পদকৰ পৰা বঞ্চিত হোৱা সিন্ধুৱে এইবাৰ কোৱাৰ্টাৰ ফাইনেলত পূৰ্ব চেম্পিয়ন টাই জু য়িং আৰু ছেমি ফাইনেলত মাত্ৰ ৪০ মিনিটতে চীনৰ প্ৰতিদ্বন্দ্বী ছেন য়ু ফেইক পৰাস্ত কৰি ফাইনেলত প্ৰৱেশ কৰিছিল।

পি ভি সিন্ধুৰ এই সফলতাত এতিয়া উৎফুল্লিত হৈ পৰিছে সমগ্ৰ দেশবাসী। প্ৰধানমন্ত্ৰী নৰেন্দ্ৰ মোডীয়ে টুইটাৰযোগে সিন্ধু শুভেচ্ছা জ্ঞাপন কৰিলে। টুইটাৰত মোডীয়ে লিখিলে- পি ভি সিন্ধুয়ে দেশবাসীক পুনৰ গৌৰাৱাম্বিত কৰিলে। তেওক জনাইছো অলেখ শুভকামনা।

ইফালে সিন্ধুৰ হায়দৰাবাদৰ বাসগৃহত ভিৰ কৰিছেহি অগণন গুণমুগ্ধই। পৰিয়ালৰ লোকক মিঠাই খোৱাই সকলোৱে উদযাপন কৰিলে সিন্ধুৰ এই বিৰল সফলতা। পি ভি সিন্ধুৰ মাতৃ পি বিজায়াই কয়- ‘আমি বহু সুখী। আৰু আমি সেই সোণৰ পদকটোৰ বাবেই অপেক্ষা কৰি আছিলো।’

আপুনি পঢ়ি ভাল পাব পৰা বাতৰি